ഡോളറിന്​ വില വർധിച്ചു; ഇന്ന്​ സ്വർണവില ഉയർന്നത്​ രണ്ടുതവണ

കൊച്ചി: ഒറ്റദിവസത്തിൽ രണ്ടുതവണ വില ഉയർന്ന്​ സ്വർണം പവന്​ 34,400 രൂപയായി. ബുധനാഴ്​ച രാവിലെ കഴിഞ്ഞ ദിവസത്തേക്കാൾ ഗ്രാമിന്​ 25 രൂപ കൂടി 4265 രൂപക്കാണ്​ വ്യാപാരം തുടങ്ങിയത്​ -പവന്​ വില 34,120 രൂപ. ഉച്ചക്കുശേഷം ഗ്രാമിന്​ 35 രൂപകൂടി ഉയർന്ന്​ 4300 രൂപയായി. തുടർന്ന്​ പവന്​ വില 34,400 രൂപക്കാണ്​ തുടർവ്യാപാരം നടന്നത്​. കഴിഞ്ഞ ഒരുമാസത്തിനിടയിലെ ഉയർന്ന വിലയിലാണിത്​. രാവിലെ സ്വർണവില നിശ്ചയിച്ചശേഷം ഡോളറിന്​ വില വർധിച്ചതാണ്​ രണ്ടാമതും വില ഉയരാൻ ഇടയാക്കിയത്​.