പ​കു​തി​വി​ല​ തട്ടിപ്പ്: മഞ്ചേരിയിലും കേസ്

മ​ഞ്ചേ​രി: പ​കു​തി​വി​ല​ക്ക് സ്കൂ​ട്ട​ർ, ത​യ്യ​ൽ​യ​ന്ത്രം, ലാ​പ്ടോ​പ് എ​ന്നി​വ വാ​ഗ്ദാ​നം​ചെ​യ്ത് ന​ട​ത്തി​യ ത​ട്ടി​പ്പി​ൽ മ​ഞ്ചേ​രി​യി​ൽ ഒ​രു കേ​സ് ര​ജി​സ്റ്റ​ർ ചെ​യ്തു. പൂ​ക്കോ​ട്ടൂ​ർ അ​റ​വ​ങ്ക​ര സ്വ​ദേ​ശി​നി കോ​ഴി​ശ്ശേ​രി വീ​ട്ടി​ൽ ഹ​ബീ​ബ​യു​ടെ പ​രാ​തി​യി​ലാ​ണ് ന​ട​പ​ടി. കേ​സി​ൽ ആ​ദ്യം അ​റ​സ്റ്റി​ലാ​യ മു​ഖ്യ​പ്ര​തി അ​ന​ന്തു​കൃ​ഷ്ണ​ൻ, വാ​ഴ​ക്കാ​ട് സ്വ​ദേ​ശി നാ​സ​ർ ബാ​ബു, ഹാ​ഷിം എ​ന്നി​വ​രെ പ്ര​തി​ചേ​ർ​ത്താ​ണ് കേ​സെ​ടു​ത്ത​ത്.

നാ​ഷ​ന​ൽ എ​ൻ.​ജി.​ഒ കോ​ൺ​ഫെ​ഡ​റേ​ഷ​ൻ, വാ​ഴ​ക്കാ​ട് ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഹ​വി​ൽ​ദാ​ർ എം.​എ. റ​ഹി​മാ​ൻ മെ​മ്മോ​റി​യ​ൽ ലൈ​ബ്ര​റി എ​ന്നി​വ​യു​മാ​യി ചേ​ർ​ന്ന് ന​ട​ത്തി​യ ‘വു​മ​ൺ ഓ​ൺ വീ​ൽ’ പ​ദ്ധ​തി​യി​ലേ​ക്ക് ആ​ളു​ക​ളെ ചേ​ർ​ത്ത് പ​ണം പി​രി​ച്ചെ​ന്നാ​ണ് പ​രാ​തി. നാ​സ​ർ ബാ​ബു​വും ഹാ​ഷി​മും ഇ​തു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ച്ച വാ​ട്സ്ആ​പ് ഗ്രൂ​പ് അ​ഡ്മി​ൻ​മാ​രാ​ണ്. 2024 ന​വം​ബ​ർ 25നാ​ണ് ലൈ​ബ്ര​റി​യു​ടെ പേ​രി​ലു​ള്ള അ​ക്കൗ​ണ്ടി​ലേ​ക്ക് പ​രാ​തി​ക്കാ​രി 60,000 രൂ​പ ന​ൽ​കി​യ​ത്. പ​ല​ത​വ​ണ സം​ഘാ​ട​ക​രെ സ​മീ​പി​ച്ചെ​ങ്കി​ലും സ്കൂ​ട്ട​ർ ന​ൽ​കി​യി​ല്ല. തു​ട​ർ​ന്നാ​ണ് പൊ​ലീ​സി​നെ സ​മീ​പി​ച്ച​ത്. മ​ഞ്ചേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത ആ​ദ്യ കേ​സാ​ണി​ത്.

റിട്ട. ജഡ്ജിയെ പ്രതിയാക്കി; ഐ.ജി റിപ്പോർട്ട് തേടി

കോ​ഴി​ക്കോ​ട്: പാ​തി​വി​ല​ക്ക് സ്‌​കൂ​ട്ട​ർ ന​ൽ​കു​മെ​ന്ന് പ​റ​ഞ്ഞ് ത​ട്ടി​പ്പു​ന​ട​ത്തി​യ​തു​മാ​യി ബ​ന്ധ​പ്പെ​ട്ടു​ള്ള കേ​സി​ൽ മു​ന​മ്പം അ​ന്വേ​ഷ​ണ ക​മീ​ഷ​ൻ ജ​സ്റ്റി​സ് സി.​എ​ൻ. രാ​മ​ച​ന്ദ്ര​ൻ നാ​യ​രെ പ്ര​തി​യാ​ക്കാ​ൻ ഗൂ​ഢാ​ലോ​ച​ന ന​ട​ന്നി​ട്ടു​ണ്ടോ​യെ​ന്ന് അ​ന്വേ​ഷി​ക്ക​ണ​മെ​ന്ന പ​രാ​തി​യി​ൽ ഉ​ത്ത​ര മേ​ഖ​ല ഐ.​ജി റി​പ്പോ​ർ​ട്ട് തേ​ടി. ഹൈ​കോ​ട​തി അ​ഭി​ഭാ​ഷ​ക​നും പൊ​തു പ്ര​വ​ർ​ത്ത​ക​നു​മാ​യ അ​ഡ്വ. കു​ള​ത്തൂ​ർ ജ​യ്‌​സി​ങ് ന​ൽ​കി​യ പ​രാ​തി​യി​ലാ​ണ് മ​ല​പ്പു​റം ജി​ല്ല പൊ​ലീ​സ് മേ​ധാ​വി​യോ​ട് ഐ.​ജി രാ​ജ്പാ​ൽ മീ​ണ റി​പ്പോ​ർ​ട്ട് തേ​ടി​യ​ത്. മു​ന​മ്പം ഭൂ​മി പ്ര​ശ്‌​ന​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണ ക​മീ​ഷ​നാ​യി സ​ർ​ക്കാ​ർ നി​യ​മി​ച്ച ജ​സ്റ്റി​സ് രാ​മ​ച​ന്ദ്ര​ൻ അ​ന്വേ​ഷ​ണ റി​പ്പോ​ർ​ട്ട് ത​യാ​റാ​ക്കു​ന്ന​തി​നി​ടെ പെ​രി​ന്ത​ൽ​മ​ണ്ണ പൊ​ലീ​സ് ത​ട്ടി​പ്പ് കേ​സി​ൽ മൂ​ന്നാം പ്ര​തി സ്ഥാ​ന​ത്ത് ഉ​ൾ​പ്പെ​ടു​ത്തി​യ​താ​ണ് പ​രാ​തി​ക്കി​ട​യാ​ക്കി​യ​ത്.

ക​ഴി​ഞ്ഞ ആ​റി​ന് രാ​ത്രി 8.15ന് ​പൊ​ലീ​സ് സ്റ്റേ​ഷ​നി​ൽ പ​രാ​തി ല​ഭി​ച്ച ഉ​ട​ൻ കേ​സെ​ടു​ക്കു​ക​യാ​യി​രു​ന്നു​വെ​ന്നും അ​ന്ന് രാ​ത്രി 9.45ന് ​എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത​തി​ലൂ​ടെ പ​രാ​തി​യി​ൽ പ്രാ​ഥ​മി​ക അ​ന്വേ​ഷ​ണം ഉ​ണ്ടാ​യി​ട്ടി​ല്ലെ​ന്ന് വ്യ​ക്ത​മാ​ണെ​ന്നും അ​ഭി​ഭാ​ഷ​ക​ൻ ന​ൽ​കി​യ പ​രാ​തി​യി​ൽ പ​റ​യു​ന്നു. സാ​മ്പ​ത്തി​ക ത​ട്ടി​പ്പ് കേ​സി​ൽ പ​രാ​തി ല​ഭി​ച്ചാ​ലു​ട​ൻ നി​യ​മ​പ​ര​മാ​യി പ്രാ​ഥ​മി​ക അ​ന്വേ​ഷ​ണം ന​ട​ത്തി തെ​ളി​വു​ക​ൾ ശേ​ഖ​രി​ക്ക​ണം. സ​ർ​ക്കാ​ർ നി​യോ​ഗി​ച്ച അ​ന്വേ​ഷ​ണ ക​മീ​ഷ​നെ​തി​രെ സാ​മ്പ​ത്തി​ക ത​ട്ടി​പ്പ് പ​രാ​തി ഉ​ണ്ടാ​യാ​ൽ ന​ട​പ​ടി എ​ടു​ക്കു​മ്പോ​ൾ സി​റ്റി​ങ് ജ​ഡ്ജി​മാ​ർ​ക്കു​ള്ള​തു​പോ​ലു​ള്ള പ​രി​ഗ​ണ​ന​ക​ളും റി​ട്ട. ജ​ഡ്ജി​മാ​ർ അ​ർ​ഹി​ക്കു​ന്നു. ഇ​ത് പാ​ലി​ക്കാ​തെ​യാ​ണ് ന​ട​പ​ടി. ക​മീ​ഷ​നെ കേ​സി​ൽ ഉ​ൾ​പ്പെ​ടു​ത്താ​ൻ ഏ​തെ​ങ്കി​ലും ഇ​ട​പെ​ട​ലു​ക​ളോ ഗൂ​ഢാ​ലോ​ച​ന​യോ ന​ട​ന്നി​ട്ടു​ണ്ടോ​യെ​ന്ന്‌ സ​മ​ഗ്ര​മാ​യി അ​ന്വേ​ഷി​ക്ക​ണ​മെ​ന്നാ​ണ് അ​ഡ്വ. കു​ള​ത്തൂ​ർ ജ​യ്‌​സി​ങ് പ​രാ​തി​യി​യി​ൽ പ​റ​യു​ന്ന​ത്.