നി​ങ്ങ​ൾ സ​ന്തോ​ഷ​വാ​നാ​ണോ, അ​റി​യാം എ.​ഐ​യി​ലൂ​ടെ

പാ​ല​ക്കാ​ട്: നി​ത്യ​ജീ​വി​ത​ത്തി​ൽ പ​ല​ത​രം സ​മ്മ​ർ​ദ​ങ്ങ​ളി​ലൂ​ടെ ക​ട​ന്നു​പോ​കു​ന്ന​വ​രാ​ണ് എ​ല്ലാ​വ​രും. ഇ​തി​നി​ട​യി​ൽ ന​മ്മ​ൾ എ​ത്ര ശ​ത​മാ​നം സ​ന്തോ​ഷി​ക്കു​ന്നു​​​ണ്ടെ​ന്ന​റി​യാ​ൻ ക​ഴി​ഞ്ഞാ​ലോ? നി​ർ​മി​ത ബു​ദ്ധി​യു​ടെ (ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്) സ​ഹാ​യ​ത്തോ​ടെ അ​തി​നൊ​രു സോ​ഫ്റ്റ്‍വെ​യ​ർ ക​ണ്ടെ​ത്തി​യി​രി​ക്കു​ക​യാ​ണ് പാ​ല​ക്കാ​ട് സി​വി​ൽ സ്റ്റേ​ഷ​ന് സ​മീ​പ​ത്തെ ‘സ്നേ​ഹ​തീ​ര’​ത്തി​ലെ ഹാ​ഷി​ർ ചി​ല്ലി​ട​ത്ത് (27).

ഏ​തൊ​രു കാ​മ​റ​യെ​യും എ.​ഐ കാ​മ​റ​യാ​ക്കി മാ​റ്റു​ന്ന സോ​ഫ്റ്റ്‍വെ​യ​റാ​ണ് ഹാ​ഷി​ർ വി​ക​സി​പ്പി​ച്ചി​രി​ക്കു​ന്ന​ത്. ത്രീ​ഡി വി​ഡി​യോ​ക​ളും ഓ​ഗ്മെ​ന്‍റ​ഡ് റി​യാ​ലി​റ്റി വി​ഡി​യോ​ക​ളും ത​യാ​റാ​ക്കാ​റു​ള്ള ഹാ​ഷി​ർ അ​ധ്യാ​പ​ക​നാ​ണ്. ന​ഗ​ര​ത്തി​ലെ സു​ൽ​ത്താ​ൻ​പേ​ട്ട​യി​ൽ സ്വ​ന്ത​മാ​യി ട്യൂ​ഷ​ൻ സെ​ന്‍റ​ർ ന​ട​ത്തു​ന്ന ഹാ​ഷി​ർ വി​ദ്യാ​ർ​ഥി​ക​ളു​ടെ പ​ഠ​നം എ​ങ്ങ​നെ ല​ളി​ത​മാ​ക്കാം, അ​വ​ർ​ക്ക് പാ​ഠ​ഭാ​ഗ​ങ്ങ​ൾ എ​ത്ര​ത്തോ​ളം മ​ന​സ്സി​ലാ​യെ​ന്ന് എ​ങ്ങ​നെ ക​ണ്ടെ​ത്താം തു​ട​ങ്ങി​യ​വ അ​റി​യാ​നാ​യാ​ണ് നി​ർ​മി​ത ബു​ദ്ധി​യു​ടെ സ​ഹാ​യം തേ​ടി​യ​ത്.

ക്ലാ​സു​ക​ളി​ൽ സ്ഥാ​പി​ക്കു​ന്ന കാ​മ​റ​യി​ലൂ​ടെ​യാ​ണ് കു​ട്ടി​ക​ളു​ടെ വി​കാ​ര​ങ്ങ​ൾ മ​ന​സ്സി​ലാ​ക്കാ​ൻ സാ​ധി​ക്കു​ക. ആ​വേ​ശം, ശ്ര​ദ്ധ, ചി​രി തു​ട​ങ്ങി​യ​വ​യാ​ണ് സ​ന്തോ​ഷ​ത്തി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. എ​ത്ര ശ​ത​മാ​നം സ​ന്തോ​ഷം, സ​ങ്ക​ടം, സ​മ്മ​ർ​ദം എ​ന്നി​വ​യെ​ല്ലാം സോ​ഫ്റ്റ്‍വെ​യ​റി​ലൂ​ടെ മ​ന​സ്സി​ലാ​ക്കാ​ൻ സാ​ധി​ക്കും. കൂ​ടാ​തെ സം​ശ​യ​നി​വാ​ര​ണ​ത്തി​നും സ്വ​യം പ​ഠ​നം ന​ട​ത്താ​നും മൊ​ബൈ​ൽ ഫോ​ണി​ൽ ഇ​ൻ​സ്റ്റാ​ൾ ചെ​യ്ത എ.​ഐ ടൂ​ൾ​സ് കു​ട്ടി​ക​ൾ ഉ​പ​യോ​ഗി​ക്കു​ന്നു​ണ്ട്. എ.​ഐ എ​ങ്ങ​നെ​യാ​ണ് കൈ​കാ​ര്യം ചെ​യ്യേ​ണ്ട​തെ​ന്ന് വി​ദ്യാ​ർ​ഥി​ക​ളെ പ​ഠി​പ്പി​ച്ചി​ട്ടു​ണ്ടെ​ന്നും ഹാ​ഷി​ർ പ​റ​ഞ്ഞു. പു​തി​യ പ​ഠ​ന​രീ​തി​യി​ൽ കു​ട്ടി​ക​ളും സ​ന്തു​ഷ്ട​രാ​ണ്.

ഹാ​ജ​ർ എ​ടു​ക്കാ​നും എ.​ഐ

സ്കൂ​ളു​ക​ളി​ലും കോ​ള​ജു​ക​ളി​ലും ഓ​ട്ടോ​മാ​റ്റി​ക്കാ​യി ഹാ​ജ​ർ രേ​ഖ​പ്പെ​ടു​ത്തു​ന്ന സം​വി​ധാ​ന​വും ഹാ​ഷി​ർ ത​യാ​റാ​ക്കി​യി​ട്ടു​ണ്ട്. ക്ലാ​സു​ക​ളി​ൽ സ്ഥാ​പി​ച്ച എ.​ഐ കാ​മ​റ ഓ​രോ മ​ണി​ക്കൂ​റി​ലും കു​ട്ടി​ക​ളു​ടെ ഹാ​ജ​രെ​ടു​ത്ത് എ​ക്സ​ൽ, ഗൂ​ഗി​ൾ ഷീ​റ്റ് എ​ന്നി​വ​യി​ൽ രേ​ഖ​പ്പെ​ടു​ത്തും. ഇ​തു​വ​ഴി അ​ധ്യാ​പ​ക​ർ​ക്ക് സ​മ​യം ലാ​ഭി​ക്കാം. നി​ല​വി​ൽ ധോ​ണി ലീ​ഡ് കോ​ള​ജി​ൽ ഈ ​സം​വി​ധാ​നം സ്ഥാ​പി​ച്ചി​ട്ടു​ണ്ടെ​ന്ന് ഹാ​ഷി​ർ പ​റ​ഞ്ഞു.

എം.​എ​സ്.​സി ഫി​സി​ക്സ് ബി​രു​ദ​ധാ​രി​യാ​യ ഹാ​ഷി​ർ പ​ഠ​നം ക​ഴി​ഞ്ഞ​യു​ട​ൻ സ്റ്റാ​ർ​ട്ട​പ്പ് രം​ഗ​ത്തേ​ക്ക് ചു​വ​ട് വെ​ച്ചു. ഗ്രോ ​എ.​ഐ എ​ന്ന​പേ​രി​ലു​ള്ള ക​മ്പ​നി സ്റ്റാ​ർ​ട്ട​പ് മി​ഷ​നി​ലും വ്യ​വ​സാ​യ വ​കു​പ്പി​ന്‍റെ എം.​എ​സ്.​എം.​ഇ​യി​ലും (മൈ​ക്രോ സ്മാ​ൾ ആ​ൻ​ഡ് മീ​ഡി​യം എ​ന്റ​ർ​പ്രൈ​സ​സ്) ര​ജി​സ്റ്റ​ർ ചെ​യ്തി​ട്ടു​ണ്ട്. മ​റ്റു തൊ​ഴി​ൽ​മേ​ഖ​ല​ക​ളി​ലും സ​ർ​ക്കാ​ർ സ്കൂ​ളു​ക​ളി​ലും ഈ ​സോ​ഫ്റ്റ്‍വെ​യ​ർ പ​രി​ച​യ​പ്പെ​ടു​ത്താ​ൻ ജി​ല്ല പ​ഞ്ചാ​യ​ത്തു​മാ​യി പ്രാ​രം​ഭ​ഘ​ട്ട ച​ർ​ച്ച​യി​ലാ​ണി​പ്പോ​ൾ.

യു.​എ.​ഇ​യി​ൽ ബി​സി​ന​സ് പാ​ർ​ട്ണ​റു​മു​ണ്ട് ഹാ​ഷി​റി​ന്. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ എ.​ഐ സം​ബ​ന്ധി​ച്ച് ക്ലാ​സെ​ടു​ക്കാ​റു​ണ്ട്. അ​ധ്യാ​പ​ന​ത്തി​നൊ​പ്പം സ്വ​ന്ത​മാ​യി എ​ന്തെ​ങ്കി​ലും ചെ​യ്യ​ണ​മെ​ന്ന താ​ൽ​പ​ര്യ​മാ​ണ് എ.​ഐ​യു​മാ​യി ബ​ന്ധി​പ്പി​ച്ച​ത്. പി​താ​വ് റി​ട്ട. പ്രി​ൻ​സി​പ്പ​ൽ പി.​എ. ബ​ഷീ​റും മാ​താ​വ് കേ​ര​ള ബാ​ങ്ക് അ​സി. മാ​നേ​ജ​ർ (കു​ഴ​ൽ​മ​ന്ദം) ബേ​ബി ഷ​ക്കീ​ല​യും പി​ന്തു​ണ​യു​മാ​യു​ണ്ട്. നി​ഹാ​റും ഷാ​ഹി​നും സ​ഹോ​ദ​ര​ങ്ങ​ൾ.