പി.എസ്‌.സി പരീക്ഷയിൽ ഹൈടെക് കോപ്പിയടി: സഹായിയും പിടിയിൽ

കണ്ണൂർ: പി.എസ്‌.സി പരീക്ഷയിൽ ഇലക്ട്രോണിക് ഉപകരണങ്ങൾ ഉപയോഗിച്ച് കോപ്പിയടിച്ച കേസിൽ മുഖ്യപ്രതി മുഹമ്മദ് സഹദിന് സഹായിയായ പെരളശ്ശേരി സ്വദേശിയും പിടിയിൽ. സാബിൽ. എ (23) എന്ന യുവാവിനെ കണ്ണൂർ ടൗൺ പൊലീസ് അറസ്റ്റ് ചെയ്തു.

സെപ്റ്റംബർ 27ന് നടന്ന സെക്രട്ടേറിയറ്റ് അസിസ്റ്റന്റ് ഗ്രേഡ് വൺ തസ്തികയ്ക്കുള്ള മെയിൻ പരീക്ഷയിലാണ് സംഭവം. പരീക്ഷക്കിടെ ബട്ടൺ ക്യാമറ വഴി ചോദ്യപേപ്പർ സുഹൃത്തായ സാബിലിന് അയച്ചശേഷം, ബ്ലൂടൂത്ത് ഹെഡ്സെറ്റിലൂടെ ഉത്തരങ്ങൾ കൈപ്പറ്റി പരീക്ഷയെഴുതുകയായിരുന്നു മുഹമ്മദ് സഹദ്. പി.​എ​സ്.​സി വി​ജി​ല​ൻ​സ് സ്ക്വാ​ഡ് പ​രി​​ശോ​ധ​ന​ക്കെ​ത്തി​യപ്പോഴായിരുന്നു കോപ്പിയടി കൈയോടെ പിടികൂടിയത്.

കോപ്പിയടി കണ്ടെത്തിയപ്പോൾ പു​റ​ത്തേ​ക്ക് ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ച മു​ഹ​മ്മ​ദ് സ​ഹ​ദി​നെ ക​ണ്ണൂ​ർ ടൗ​ൺ ഇ​ൻ​സ്പെ​ക്ട​ർ ശ്രീ​ജി​ത്ത് കൊ​ടേ​രി​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് ക​സ്റ്റ​ഡി​യി​ലെ​ടു​ത്ത​ത്.

പോലീസ് അന്വേഷണത്തിൽ, നാലോളം പരീക്ഷകളിൽ സമാനമായ രീതിയിൽ കോപ്പിയടിച്ചിട്ടുണ്ടെന്ന് ഇയാൾ സമ്മതിച്ചു. ഇതിനായി പ്രത്യേക മൊബൈൽ ആപ്ലിക്കേഷൻ പോലും ഉപയോഗിച്ചിരുന്നതായും കണ്ടെത്തി.

കണ്ണൂർ ടൗൺ പോലീസ് സ്റ്റേഷൻ ഇൻസ്പെക്ടർ ശ്രീജിത്ത് കൊടേരിയുടെ നിർദ്ദേശപ്രകാരം എസ്.ഐ ദീപ്തി വി.വി., എസ്.ഐ അനുരൂപ് കെ., എസ്.ഐ വിനോദ് കുമാർ പി., എസ്.സി.പി.ഒ സജിത്ത്, സി.പി.ഒ രോഹിത് എന്നിവർ ചേർന്നാണ് പ്രതിയെ പിടികൂടിയത്.

സമീപകാലത്തെ ഏറ്റവും വിദഗ്ധമായ ഹൈടെക് കോപ്പിയടിയാണ് കണ്ണൂരിൽ നടന്നത്. ക​ടും നീല ​ഷ​ർ​ട്ടി​ന്റെ മൂ​ന്നാ​മ​ത്തെ ബ​ട്ട​ൺ പ​റി​ച്ചു​മാ​റ്റി​യാ​ണ് മ​ഞ്ചാ​ടി​ക്കു​രു വലി​പ്പ​മു​ള്ള കാ​മ​റ ഘടിപ്പിച്ചാണ് മു​ഹ​മ്മ​ദ് സ​ഹ​ദ് കോപ്പിയടി നടത്തിയത്. ബ​ട്ട​ൺ പ​റി​ച്ചു​മാ​റ്റി​യ സ്ഥാ​ന​ത്ത് സേ​ഫ്റ്റി പി​ൻ ഘ​ടി​പ്പി​ച്ചിരുന്നു. അ​തി​ലാ​ണ് ക​റു​ത്ത നി​റ​മു​ള്ള കാ​മ​റ​യു​ണ്ടാ​യി​രു​ന്ന​ത്. മേ​ശ​പ്പു​റ​ത്തു​ള്ള ചോ​ദ്യ​പേ​പ്പ​ർ സ്കാ​ൻ ചെ​യ്യാ​ൻ കാ​മ​റ​ക്കു അ​ഭി​മു​ഖ​മാ​യി കു​ത്ത​നെ വെ​ക്കു​മ്പോ​ഴാ​ണ് പി.​എ​സ്.​സി ക​ണ്ണൂ​ർ ജി​ല്ല ഓ​ഫി​സ​ർ ഷാ​ജി ക​ച്ചു​​​മ്പ്രോ​ന് സം​ശ​യം തോന്നിയത്.

നേ​ര​ത്തേ നി​രീ​ക്ഷ​ണ​ത്തി​ലു​ള്ള​യാ​ൾ എ​ന്ന നി​ല​ക്കാ​ണ് പി.​എ​സ്.​സി ഓ​ഫി​സ​ർ നേ​രി​ട്ട് പ​രീ​ക്ഷ ഹാ​ളി​ൽ എ​ത്തി​യ​ത്. ചോ​ദ്യം ചെ​യ്യു​മ്പോ​ഴേ​ക്കും ര​ക്ഷ​പ്പെ​ടാ​ൻ ശ്ര​മി​ക്കുകയായിരുന്നു. അ​തി​നി​ടെ, ഷ​ർ​ട്ടി​ന്റെ ഉ​ള്ളി​ൽ ഒ​ളി​പ്പി​ച്ച ബാ​റ്റ​റി ഘ​ടി​പ്പി​ച്ച ഉ​പ​ക​ര​ണ​വും പാ​ന്റി​ന്റെ ഉ​ള്ളി​ലു​ള്ള വൈ​ഫൈ റൂ​ട്ട​റും നി​ല​ത്തു​വീ​ണു. ഇ​യാ​ൾ എ​ഴു​തി​യ മു​ഴു​വ​ൻ പ​രീ​ക്ഷ​ക​ളും പി.​എ​സ്.​സി പ​രി​ശോ​ധി​ക്കു​ന്നു​ണ്ട്. പ​രീ​ക്ഷ​യി​ൽ​നി​ന്ന് പൂ​ർ​ണ​മാ​യി വി​ല​ക്കും