അവർ നന്നായി പഠിക്കും പക്ഷേ, സീറ്റില്ല

മലപ്പുറം: പത്താം ക്ലാസിലെ റെക്കോഡ്​ വിജയത്തിന്​ പിറകെ ഹയർ സെക്കൻഡറി പരീക്ഷയിലും മികച്ച നേട്ടം ആവർത്തിച്ചതോടെ ഉപരി പഠനത്തിനും ജില്ലയിലെ വിദ്യാർഥികൾ നെ​ട്ടോട്ടമോടേണ്ടി വരുമെന്ന്​ കണക്കുകൾ. 51,543 പേരാണ്​ ഉപരിപഠനത്തിന്​ അർഹത നേടി​യിരിക്കുന്നത്​.

വിജയശതമാനം 89.44. ഒാപൺ സ്​കൂൾ (സ്​കോൾ കേരള) വിഭാഗത്തിൽ ഏറ്റവും കൂടുതൽ വിദ്യാർഥികൾ പരീക്ഷ എഴുതിയത്​ ജില്ലയിലാണ്​. 9645 പേർ​ ഉപരിപഠനത്തിന്​ അർഹത നേടി. വൊക്കേഷനൽ ഹയർ സെക്കൻഡറി സ്​കൂൾ വിഭാഗം 1731, ടെക്​നിക്കൽ സ്​കൂൾ 203, എന്‍.എസ്.ക്യൂ.എഫ് സ്‌കീം 410 എന്നിങ്ങനെയാണ്​ ഉപരി പഠനത്തിന്​ അർഹരായ വിദ്യാർഥികളുടെ എണ്ണം. ജില്ലയിലെ മുഴുവൻ കോളജുകളിലെയും സീറ്റുകൾ കൂട്ടിവെച്ചാലും 20,000ത്തിൽ താഴെയേ വരൂ.

ഒമ്പത്​ സർക്കാർ കോളജുകൾ, 19 എയിഡഡ്​, 65 സ്വാശ്രയം, അഞ്ച്​ പോളിടെക്​നിക്കുകൾ എന്നിങ്ങനെയാണ്​ മൊത്തം സ്ഥാപനങ്ങളുടെ എണ്ണം. ഇതിൽ പോളി ടെക്​നിക്കുകളിൽ 1180 സീറ്റുകളാണ്​ നിലവിലുള്ളത്​. പത്താം ക്ലാസ്​ കഴിഞ്ഞവർക്കും പ്രവേശനം നേടാനാവുമെന്നതുകൊണ്ട്​ ഇതി​െൻറ പ്രയോജനം പൂർണമായി പ്ലസ്​ ടു വിദ്യാർഥികൾക്ക്​ ലഭിക്കില്ല.

ജില്ലയിലെ സർക്കാർ കോളജുകളിൽ ആകെയുള്ളത്​ 1546 സീറ്റുകൾ​. എയിഡഡ്​ കോളജുകളിൽ 3852 സീറ്റുകൾ. എല്ലാ വിഷയങ്ങൾക്കും എ പ്ലസ്​ കിട്ടിയ ​െറഗുലർ വിദ്യാർഥികൾ മാത്രം 6707 പേരാണ്​. ഇതിന്​ പുറമെ ഓപൺ വിഭാഗത്തിൽ ഇത്തവണ 270 പേർക്കും​​ എ പ്ലസ്​ ലഭിച്ചിട്ടുണ്ട്​​. ഇവർക്കു തന്നെ ഇഷ്​ടപ്പെട്ട കോളജുകളോ കോഴ്​സുകളോ ജില്ലയിൽ ​ലഭിക്കുക പ്രയാസമാവും.