യുവാവിനെ ആക്രമിച്ച സംഭവം; രണ്ടുപേർ പിടിയിൽ
text_fieldsശ്യാം ജെറോം,
ബിബിൻ ജോസ്
വലിയതുറ: പൊതുവഴിയിൽ വഴിയാത്രക്കാരെ ശല്യംചെയ്യുന്നത് ചോദ്യംചെയ്ത യുവാവിനെ ആക്രമിച്ച കേസിൽ രണ്ടുപേരെ വലിയതുറ പോലീസ് അറസ്റ്റ് ചെയ്തു.
വെട്ടുകാട് തൈവിളാകം വീട്ടിൽ ശ്യാം ജെറോം (26), ബാല നഗറിൽ ജോ കുട്ടൻ എന്ന ബിബിൻ ജോസ് (22) എന്നിവരാണ് അറസ്റ്റിലായത്. ബാലനഗർ വട്ടിസ്വാമി ക്ഷേത്രത്തിന് സമീപം ഇവർ വഴിയാത്രക്കാരെ ശല്യംചെയ്യുന്നത് മൊബൈൽ ഫോണിൽ പകർത്താൻ ശ്രമിച്ച ബാലനഗർ പുതുവൽ വീട്ടിൽ സൂരജ് ശ്യാമിന് (30) മർദനമേറ്റു.
അറസ്റ്റിലായ പ്രതികൾ നിരവധി അടിപിടി കേസുകളിലും മയക്കുമരുന്ന് കേസുകളിലും പ്രതികളാണെന്ന് പൊലീസ് പറഞ്ഞു. കേസിൽ കൂടുതൽ പ്രതികളുള്ളതായി സംശയിക്കുന്നതായും അവർക്ക് വേണ്ടി അന്വേഷണം ഊർജിതമാക്കിയതായും വലിയതുറ പൊലീസ് പറഞ്ഞു. ഇൻസ്പെക്ടർ അശോക് കുമാർ, എസ്.ഐ ശരത്ലാൽ, സിവിൽ പോലീസ് ഓഫിസർമാരായ ഷിബി, വരുൺ എന്നിവരുൾപ്പെട്ട സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

