ഇൻറലിജൻസ് ഇൻസ്പെക്​ടറെ കാറിൽ മരിച്ച നിലയിൽ കണ്ടെത്തി

ഉദുമ: കേന്ദ്ര ഇൻറലിജൻസ് ഇൻസ്പെക്​ടറെ കാസർകോട് ബേക്കലിന്​ സമീപം കാറിൽ മരിച്ച നിലയിൽ കണ്ടെത്തി. കായംകുളം ഗോവിന്ദമുട്ടം പോസ്​റ്റ്​ ഓഫിസ് പരിധിയിലെ റിജോ ആഗ്നേയൽ ഫ്രാൻസിസ് (36) ആണ് മരിച്ചത്.

വ്യാഴാഴ്ച രാത്രി 11.40 ഓടെയാണ് നിർത്തിയിട്ട കാറിനുള്ളിൽ ഇദ്ദേഹത്തെ നാട്ടുകാർ കണ്ടെത്തിയത്. വിവരമറിഞ്ഞ് സ്ഥലത്തെത്തിയ ബേക്കൽ ​​െപാലീസ് റിജോയെ ഉദുമയിലെ സ്വകാര്യ ആശുപത്രിയിലെത്തിച്ചപ്പോഴേക്കും മരിച്ചിരുന്നു.

കാഞ്ഞങ്ങാട് ഭാഗത്തുനിന്നും കാസർകോട്ടേക്ക് പോകുന്ന സ്ഥിതിയിൽ ഇൻഡിക്കേറ്റർ ഇട്ട് നിർത്തിയ നിലയിലായിരുന്നു കാറെന്ന് നാട്ടുകാർ പറഞ്ഞു. എൽ.ജെ. ഫ്രാൻസിസി​​െൻറയും ലൈല റാണി കൊച്ചുറാണിയുടെയും മകനാണ്. ഭാര്യ: ആർ. ലക്ഷ്മി. മകൾ: നികിത റിജോ (കാസർകോട് കേന്ദ്രീയ വിദ്യാലയ വിദ്യാർഥിനി). സഹോദരി: റിജ ആൻമേരി.

വിവരമറിഞ്ഞ് ജില്ല പൊലീസ് മേധാവി അടക്കമുള്ള ഉയർന്ന ഉദ്യോഗസ്ഥർ ഉദുമയിലെത്തി ഇൻക്വസ്​റ്റ്​ നടപടികൾക്ക് മേൽനോട്ടം വഹിച്ചു. പരിയാരം മെഡിക്കൽ കോളജ്​ ആശുപ​ത്രിയിൽ പോസ്​റ്റ്​മോർട്ടം നടത്തിയ ശേഷം മൃതദേഹം സ്വദേശത്തേക്ക് കൊണ്ടുപോയി.