ആർ.എം.പി ബന്ധം തദ്ദേശ തെരഞ്ഞെടുപ്പിൽ ഗുണം ചെയ്തു -കെ. മുരളീധരൻ

കോഴിക്കോട്: ആർ.എം.പിയുമായുള്ള ബന്ധം വടകര മേഖലയിൽ യു.ഡി.എഫിൻെറ വിജയത്തിന് ഗുണം ചെയ്തെന്ന് കെ. മുരളീധരൻ. എന്നാൽ, നിയമസഭ തെരഞ്ഞെടുപ്പിലെ കാര്യം തീരുമാനിക്കേണ്ടത് മുന്നണിക്കകത്തെ കൂട്ടായ ചർച്ചയിലൂടെയാണെന്നും അദ്ദേഹം പറഞ്ഞു.

കോഴിക്കോട് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ഉത്തരവാദിത്തമൊന്നും വേണ്ട. പുതിയ ഉത്തരവാദിത്തമൊന്നും ഏറ്റെടുക്കുന്നില്ല. വടകര ഒഴികെ മറ്റെവിടെയും പ്രചരണത്തിന് പോകുന്നില്ലെന്നും അദ്ദേഹം വ്യക്തമാക്കി.

തെരഞ്ഞെടുപ്പ് ജയ പരാജയങ്ങളുടെ പൂർണമായ ഉത്തരവാദിത്തം നേതൃത്വത്തിനാണെന്നും അദ്ദേഹം കൂട്ടിച്ചേർത്തു.