Begin typing your search above and press return to search.
proflie-avatar
Login
exit_to_app
exit_to_app

'കൃഷ്ണദാസിനോട് ഇതൊന്നും പറയില്ലല്ലോ'; കെ. സുരേന്ദ്രന്‍റെ പുതിയ ശബ്ദരേഖ പുറത്തുവിട്ട് പ്രസീത

text_fields
bookmark_border
കൃഷ്ണദാസിനോട് ഇതൊന്നും പറയില്ലല്ലോ; കെ. സുരേന്ദ്രന്‍റെ പുതിയ ശബ്ദരേഖ പുറത്തുവിട്ട് പ്രസീത
cancel

കണ്ണൂർ: ബി.ജെ.പി സംസ്ഥാന അധ്യക്ഷൻ കെ. സുരേന്ദ്രനുമായി നടത്തിയ ഫോൺ സംഭാഷണത്തിന്‍റെ കൂടുതൽ ശബ്ദരേഖകൾ പുറത്തുവിട്ട് ജെ.ആർ.പി സംസ്ഥാന ട്രഷറർ പ്രസീത അഴീക്കോട്. തിരുവനന്തപുരത്തെത്തിയ സി.കെ. ജാനുവിനെ കാണാനായി ഹോട്ടലിലേക്ക് വരുംമുമ്പ് സുരേന്ദ്രൻ ചെയ്ത കോളിലെ സംഭാഷണമാണ് പ്രസീത പുറത്തുവിട്ടത്. 'കാര്യങ്ങളൊന്നും കൃഷ്ണദാസിനോട് പറയില്ലല്ലോ' എന്ന് സുരേന്ദ്രൻ പ്രസീതയോട് ചോദിക്കുന്നുണ്ട്.


'എല്ലാം റെഡിയാക്കി ബാഗിൽ വെച്ചിട്ട് ഇന്നലെ മുതൽ അങ്ങോട്ടും ഇങ്ങോട്ടും കൊണ്ടുനടക്കുകയാണ്' എന്നും 'രാവിലെ ഒമ്പത് മണിയോടെ ഹോട്ടലിലെത്താമെന്നും' സുരേന്ദ്രൻ പറയുന്നുണ്ട്. ബി.ജെ.പിയിൽ എതിർചേരിയിലുള്ള നേതാവ് പി.കെ. കൃഷ്ണദാസ് ഈ ഇടപാടുകൾ അറിയരുതെന്നാണ് സുരേന്ദ്രൻ ലക്ഷ്യമിട്ടതെന്ന് വ്യക്തം.


എൻ.ഡി.എയിൽ ചേരാൻ സി.കെ. ജാനുവിന് കെ. സുരേന്ദ്രൻ 10 ലക്ഷം രൂപ നൽകിയെന്ന് വെളിപ്പെടുത്തിയാണ് പ്രസീത അഴീക്കോട് ആദ്യം ഫോൺ സംഭാഷണങ്ങൾ പുറത്തുവിട്ടത്. സു​രേ​ന്ദ്ര​നു​മാ​യും അ​ദ്ദേ​ഹ​ത്തി​ന്‍റെ പ്രൈ​വ​റ്റ് സെ​ക്ര​ട്ട​റി​യു​മാ​യും ന​ട​ത്തി​യ ഫോ​ൺ സം​ഭാ​ഷ​ണ​ം നേരത്തെ പുറത്തുവിട്ടിരുന്നു. പ്രസീതയാണ് ജാനുവിനൊപ്പം ഇടനിലക്കാരിയായി ഉണ്ടായിരുന്നത്.


ച​ര്‍​ച്ച​ക​ള്‍​ക്കാ​യി മാ​ര്‍​ച്ച് മൂ​ന്നി​ന് സു​രേ​ന്ദ്ര​ൻ ആ​ല​പ്പു​ഴ വ​രാ​ന്‍ പ​റ​യു​ന്ന​തും പി​ന്നീ​ട് തി​രു​വ​ന​ന്ത​പു​ര​ത്ത് എ​ത്തി​യ​ശേ​ഷ​മു​ള്ള സം​ഭാ​ഷ​ണ​വും നേരത്തെ പുറത്തുവിട്ട ശ​ബ്ദ രേ​ഖ​യി​ലു​ണ്ട്. ജാ​നു​വി​ന്‍റെ റൂം ​ന​മ്പ​ര്‍ ചോ​ദി​ച്ചാ​ണ് സു​രേ​ന്ദ്ര​ന്‍റെ പി​.എ വി​ളി​ച്ചി​രി​ക്കു​ന്ന​ത്. തിരുവനന്തപുരത്തെ ഹൊറൈസൺ ഹോട്ടലിലെ 503 ആം നമ്പർ റൂമിലാണ് പണം കൈമാറിയത്. പണം കൈമാറാൻ ഇടനിലക്കാരിയായി പ്രവർത്തിച്ചതെന്ന് പ്രസീത തന്നെയെന്ന് ഫോൺ സംഭാഷണങ്ങളിൽ വ്യക്തമാണ്.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - k surendran new phone call tap with praseetha
Next Story