കണ്ണീരോർമയായി കല്യാണി...; നാ​ടി​ന്‍റെ ഓ​മ​ന​ക്ക് വിടയേകി ജനം

കൊ​ച്ചി: അ​മ്മ പു​ഴ​യി​ലെ​റി​ഞ്ഞ് കൊ​ല​പ്പെ​ടു​ത്തി​യ നാ​ലു​വ​യ​സ്സു​കാ​രി ക​ല്യാ​ണിയുടെ മൃതദേഹം സംസ്കരിച്ചു. മൃ​ത​ദേ​ഹം ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ട​ത്തി​ന് ശേ​ഷം വൈ​കീ​ട്ട്​ 3.25നാ​ണ് മ​റ്റ​ക്കു​ഴി​യി​ലെ വീ​ട്ടി​ൽ കൊ​ണ്ടു​വ​ന്ന​ത്. നാ​ടി​ന്‍റെ ഓ​മ​ന​യാ​യി​രു​ന്ന കു​രു​ന്നി​ന് വി​ട​യേ​കാ​ൻ ആ​ബാ​ല​വൃ​ദ്ധം ഒ​ഴു​കി​യെ​ത്തി. പി​താ​വ് സു​ഭാ​ഷി​ന്‍റെ​യും മു​ത്ത​ശ്ശി​യു​ടെ​യും നി​ല​വി​ളി ഹൃ​ദ​യ​ഭേ​ദ​ക​മാ​യി​രു​ന്നു. അം​ഗ​ൻ​വാ​ടി​യി​ലെ സ​ഹ​പാ​ഠി​ക​ൾ ന​ൽ​കി​യ യാ​ത്ര​യ​യ​പ്പും ക​ണ്ടു​നി​ന്ന​വ​രു​ടെ ക​ണ്ണ് ന​ന​ച്ചു. വൈ​കീ​ട്ട് 4.30ഓ​ടെ തി​രു​വാ​ണി​യൂ​ർ ശാ​ന്തി​തീ​രം പൊ​തു​ശ്മ​ശാ​ന​ത്തി​ലാ​ണ് സം​സ്കാ​ര ച​ട​ങ്ങു​ക​ൾ ന​ട​ന്ന​ത്.

തി​ങ്ക​ളാ​ഴ്ച വൈ​കീ​ട്ട് മൂ​ന്ന​ര​ക്ക്​ പു​ത്ത​ൻ​കു​രി​ശി​ന​ടു​ത്ത മ​റ്റ​ക്കു​ഴി-​വെ​ൺ​മ​ണി അം​ഗ​ൻ​വാ​ടി​യി​ൽ​നി​ന്ന്​ മാ​താ​വ് സ​ന്ധ്യ കൂ​ട്ടി​ക്കൊ​ണ്ടു​പോ​യ ക​ല്യാ​ണി​യു​ടെ മൃ​ത​ദേ​ഹം ചൊ​വ്വാ​ഴ്ച പു​ല​ർ​ച്ച 2.20ഓ​ടെ​യാ​ണ് ചാ​ല​ക്കു​ടി പു​ഴ​യി​ൽ​നി​ന്ന്​ ക​ണ്ടെ​ത്തി​യ​ത്. ആ​ലു​വ​യി​ൽ​നി​ന്നു​ള്ള സ്കൂ​ബ ടീം ​പു​ഴ​യി​ൽ ന​ട​ത്തി​യ തി​ര​ച്ചി​ലി​നൊ​ടു​വി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

കു​ട്ടി​യു​ടെ​യും മാ​താ​വി​ന്‍റെ​യും വി​വ​രം വൈ​കീ​ട്ട് ആ​റു​മ​ണി​യാ​യി​ട്ടും ല​ഭി​ക്കാ​ത്ത​തി​നെ​ത്തു​ട​ർ​ന്ന് സു​ഭാ​ഷ് പു​ത്ത​ൻ​കു​രി​ശ് പൊ​ലീ​സി​ൽ പ​രാ​തി ന​ൽ​കി​യി​രു​ന്നു. വൈ​കീ​ട്ട് ഏ​ഴോ​ടെ ആ​ലു​വ കു​റു​മ​ശ്ശേ​രി​യി​ലെ സ​ന്ധ്യ​യു​ടെ വീ​ട്ടി​ൽ കു​ഞ്ഞി​ല്ലാ​തെ അ​വ​ർ ത​നി​യെ എ​ത്തു​ക​യാ​യി​രു​ന്നു. ആ​ലു​വ​വ​രെ ബ​സി​ൽ ഒ​പ്പ​മു​ണ്ടാ​യി​രു​ന്ന കു​ഞ്ഞി​നെ പി​ന്നീ​ട് ക​ണ്ടി​ല്ലെ​ന്നാ​ണ് ഇ​വ​ർ വീ​ട്ടു​കാ​രോ​ട് പ​റ​ഞ്ഞ​ത്.

പൊ​ലീ​സ് സ​ന്ധ്യ​യെ ചോ​ദ്യം​ചെ​യ്ത​തോ​ടെ​യാ​ണ് മൂ​ഴി​ക്കു​ളം പാ​ല​ത്തി​ന് സ​മീ​പം പു​ഴ​യി​ൽ ത​ള്ളി​യി​ട്ട് കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്ന് തെ​ളി​ഞ്ഞ​ത്. സ​ന്ധ്യ​യു​ടെ അ​റ​സ്റ്റ് പൊ​ലീ​സ് രേ​ഖ​പ്പെ​ടു​ത്തി. സന്ധ്യക്കെതിരെ കൊലക്കുറ്റം ചുമത്തും. ഭർതൃവീട്ടിലെ പ്രശ്നങ്ങളും പൊലീസ് അന്വേഷിക്കും.