എം.എൽ.എ പടി; കാനം വണ്ടി; മറഞ്ഞത്​ കോട്ടയത്തിന്‍റെ കനം

കോ​ട്ട​യം: എ.​ഐ.​എ​സ്.​എ​ഫ്​ 1970ൽ ​ന​ട​ത്തി​യ ക​ലാ​മേ​ള​യി​ൽ ‘ര​ക്ത​പു​ഷ്പ​ങ്ങ​ൾ’ എ​ന്ന നാ​ട​ക​ത്തി​ൽ നാ​യ​ക​ന​ട​നാ​യി​രു​ന്നു കാ​നം. എ​ന്നാ​ൽ, ജീ​വി​ത​ത്തി​ൽ അ​ഭി​ന​യ​ത്തെ പൂ​ർ​ണ​മാ​യി മാ​റ്റി​നി​ർ​ത്തി​യ പ​ച്ച മ​നു​ഷ്യ​നാ​യി​രു​ന്നു കാ​ന​ത്തി​ന്‍റെ രാ​ജേ​ന്ദ്ര​ൻ. ക​മ്യൂ​ണി​സ്റ്റ് പാ​ര്‍ട്ടി​യു​ടെ സം​സ്ഥാ​ന​ത്തെ സ​മു​ന്ന​ത പ​ദ​വി​യു​ടെ പ​രി​വേ​ഷ​വു​മാ​യി എ​ത്തി​യ​പ്പോ​ഴും കാ​ന​ത്തെ കൊ​ച്ചു​ക​ള​പ്പു​ര​യി​ട​ത്തി​ൽ വീ​ട്ടി​​ൽ കാ​ത്തു​നി​ന്ന സാ​ധാ​ര​ണ​ പാ​ർ​ട്ടി പ്ര​വ​ർ​ത്ത​ക​രു​ടെ കൂ​ട്ടം ഇ​തി​ന്​ തെ​ളി​വാ​യി​രു​​ന്നു.

ജ​നി​ച്ച​ത്​ കൂ​ട്ടി​ക്ക​ലി​ലാ​ണെ​ങ്കി​ലും വ​ള​ര്‍ന്ന​തും ജീ​വി​ച്ച​തു​മാ​യ കോ​ട്ട​യം വാ​ഴൂ​രി​നു സ​മീ​പ​ത്തെ കാ​ന​മെ​ന്ന സ്ഥ​ല​ത്തെ പേ​രി​ന്‍റെ ഇ​ട​തു​വ​ശ​ത്ത്​ ചേ​ർ​ത്തു​നി​ർ​ത്തു​ക​യാ​യി​രു​ന്നു അ​ദ്ദേ​ഹം. ഏ​ന്ത​യാ​റി​ലെ മ​ര്‍ഫി സാ​യി​പ്പി​ന്‍റെ തോ​ട്ട​ത്തി​ലെ ക​ണ​ക്കു​പി​ള്ള​യാ​യി​രു​ന്ന പി​താ​വ്​ പ​ര​മേ​ശ്വ​ര​ന്‍ നാ​യ​ർ​ക്കൊ​പ്പം തോ​ട്ടം തൊ​ഴി​ലാ​ളി​ക​ളു​ടെ ജീ​വി​തം ക​ണ്ട​റി​ഞ്ഞാ​യി​രു​ന്നു കാ​ന​ത്തി​ന്‍റെ വ​ള​ര്‍ച്ച. പി​ൽ​ക്കാ​ല​ത്ത്​ തൊ​ഴി​ലാ​ളി നേ​താ​വാ​യി സി.​പി.​ഐ​യു​ടെ അ​മ​ര​ത്തേ​ക്ക്​ എ​ത്തി​യ​തും ഈ ​ജീ​വി​ത​ക്കാ​ഴ്ച​ക​ളു​ടെ പി​ന്‍ബ​ല​ത്തി​ലാ​യി​രു​ന്നു.

യു​വ​നേ​താ​വാ​യി​രി​ക്കെ സെ​ന്‍റ്​ തോ​മ​സ്​ ബ​സി​ന്‍റെ ലാ​സ്റ്റ്​ സ​ർ​വി​സി​ൽ കോ​ട്ട​യ​ത്തു​നി​ന്ന്​ പ​തി​നാ​ലാം മൈ​ലി​ൽ ഇ​റ​ങ്ങി വീ​ട്ടി​ലേ​ക്ക്​ ന​ട​ന്നു​പോ​കു​ന്ന കാ​ന​മാ​ണ്​ നാ​ടി​ന്‍റെ ഓ​ർ​മ​ക​ളി​ൽ ആ​ദ്യം. ഈ ​ബ​സ്​ പി​ന്നീ​ട്​ ‘കാ​നം വ​ണ്ടി’ എ​ന്ന പേ​രി​ൽ അ​റി​യ​പ്പെ​ട്ട​തും രാ​ജേ​ന്ദ്ര​നോ​ടു​​ള്ള ആ​ദ​ര​വാ​യി. ‘കാ​നം വ​ണ്ടി’ എ​ന്ന​റി​യ​പ്പെ​ട്ട ഈ ​ബ​സു​മാ​യി ബ​ന്ധ​പ്പെ​ട്ട ച​ർ​ച്ച​ക​ളി​ൽ നാ​ട്ടു​കാ​ർ കാ​നം രാ​ജേ​ന്ദ്ര​ന്‍റെ പേ​രും ചേ​ർ​ത്തു​നി​ർ​ത്തി. കാ​നം സ​ഞ്ച​രി​ച്ച ബ​സാ​ണി​തെ​ന്ന്​ നാ​ട്​ ഇ​പ്പോ​ഴും ആ​വ​ർ​ത്തി​ക്കു​ന്നു. പി​ന്നീ​ട്​ എം.​എ​ൽ.​എ​യാ​യ​പ്പോ​ൾ കാ​നം ച​ന്ത​ക്ക​വ​ല​ക്ക്​ സ​മീ​പം സ്​​റ്റോ​പ്പി​ന്​ എം.​എ​ൽ.​എ പ​ടി​യെ​ന്ന വി​ശേ​ഷ​ണ​വും നാ​ട്​ ചാ​ർ​ത്തി​ന​ൽ​കി. ഇ​പ്പോ​ഴും കൊ​ടു​ങ്ങൂ​ർ-​കാ​നം-​കാ​ഞ്ഞി​ര​പ്പാ​റ റൂ​ട്ടി​ലൂ​ടെ സ​ഞ്ച​രി​ക്കു​മ്പോ​ൾ എം.​എ​ൽ.​എ പ​ടി​യെ​ന്ന വി​ളി കേ​ൾ​ക്കാം.

വാ​ഴൂ​ര്‍ എ​സ്.​വി.​ആ​ര്‍.​എ​ന്‍.​എ​സ്.​എ​സ് സ്‌​കൂ​ളി​ലും കോ​ട്ട​യം ബ​സേ​ലി​യ​സ് കോ​ള​ജി​ലു​മാ​യി വി​ദ്യാ​ഭ്യാ​സം ന​ട​ത്തി​യ കാ​നം, കേ​ര​ള കോ​ൺ​ഗ്ര​സി​ന്‍റെ ത​ട്ട​ക​ത്തി​ൽ​നി​ന്ന്​ എ.​ഐ.​വൈ.​എ​ഫി​ലൂ​ടെ​യാ​ണ് രാ​ഷ്ട്രീ​യ​ത്തി​ലേ​ക്കി​റ​ങ്ങു​ന്ന​ത്. 23ാം വ​യ​സ്സി​ല്‍ എ.​ഐ.​വൈ.​എ​ഫ്​ സം​സ്ഥാ​ന സെ​ക്ര​ട്ട​റി​യാ​യി. 28ാം വ​യ​സ്സി​ല്‍ സി.​പി.​ഐ സം​സ്ഥാ​ന സെ​ക്ര​ട്ടേ​റി​യ​റ്റ് അം​ഗ​മാ​യി. 1982ല്‍ ​സ്വ​ന്തം മ​ണ്ഡ​ല​മാ​യ വാ​ഴൂ​രി​ല്‍നി​ന്ന്​ നി​യ​മ​സ​ഭ​യി​ലേ​ക്ക്​ മ​ത്സ​രി​ച്ച​തോ​ടെ​യാ​ണ് കാ​ന​ത്തി​ന്‍റെ പേ​ര് നാ​ട് കൂ​ടു​ത​ലാ​യി അ​റി​ഞ്ഞ​ത്.

1982ല്‍ ​എം.​കെ. ജോ​സ​ഫി​നെ​യും 1987ല്‍ ​ക​ന്നി മ​ത്സ​ര​ത്തി​നെ​ത്തി​യ പി.​സി. തോ​മ​സി​നെ​യും പ​രാ​ജ​യ​പ്പെ​ടു​ത്തി​യാ​യി​രു​ന്നു കാ​ന​ത്തി​ന്‍റെ നി​യ​മ​സ​ഭാ​പ്ര​​വേ​ശം. രാ​ജീ​വ് ഗാ​ന്ധി വ​ധ​ത്തി​നു​ശേ​ഷ​മു​ള്ള 1991ലെ ​തെ​ര​ഞ്ഞെ​ടു​പ്പി​ല്‍ കാ​ന​ത്തി​ന് അ​ടി​പ​ത​റി. പി​ന്നീ​ട് 1996ലും 2006​ലും മ​ത്സ​രി​ച്ചെ​ങ്കി​ലും വി​ജ​യി​ക്കാ​നാ​യി​ല്ല. 1996ല്‍ ​കെ. നാ​രാ​യ​ണ​ക്കു​റു​പ്പി​നോ​ടും 2006ല്‍ ​അ​ദ്ദേ​ഹ​ത്തി​ന്‍റെ മ​ക​ന്‍ ജ​യ​രാ​ജി​നോ​ടു​മാ​യി​രു​ന്നു പ​രാ​ജ​യം. ഇ​തും രാ​ഷ്ട്രീ​യ​ചി​ത്ര​ത്തി​ൽ കോ​ട്ട​യ​ത്തെ കൗ​തു​ക​മാ​യി ഇ​ടം​പി​ടി​ച്ചു. പി​ന്നാ​ലെ കാ​നം മ​ത്സ​രി​ച്ച വാ​ഴൂ​ർ എ​ന്ന പേ​രി​ലു​ള്ള മ​ണ്ഡ​ലം മ​റ​ഞ്ഞ്​ കാ​ഞ്ഞി​ര​പ്പ​ള്ളി​യാ​യി.

2006ല്‍ ​എ.​ഐ.​ടി.​യു.​സി സം​സ്ഥാ​ന സെ​ക്ര​ട്ട​റി​യാ​യ​തോ​ടെ, കാ​നം ത​ട്ട​കം തി​രു​വ​ന​ന്ത​പു​ര​ത്തേ​ക്ക്​ പ​റി​ച്ചു​ന​ട്ടു. പി​ന്നീ​ട്​ കോ​ട്ട​യ​ത്തി​ന്​ അ​ഭി​മാ​ന​മാ​യി പാ​ർ​ട്ടി​യു​ടെ ത​ല​പ്പ​ത്തേ​ക്കു​മെ​ത്തി. കി​ട​ങ്ങൂ​ർ സ്വ​ദേ​ശി​യാ​യ പി.​കെ. വാ​സു​ദേ​വ​ൻ​നാ​യ​ർ​ക്കു​ശേ​ഷം സി.​പി.​ഐ​യു​ടെ ത​ല​പ്പ​ത്തേ​ക്ക്​ എ​ത്തി​യ കോ​ട്ട​യം​കാ​ര​നാ​യി​രു​ന്നു കാ​നം. തി​രു​വ​ന​ന്ത​പു​ര​ത്തേ​ക്ക്​ ത​ട്ട​കം മാ​റ്റി​യെ​ങ്കി​ലും നാ​ട്ടു​ഭാ​ഷ​യി​ലൂ​ടെ കോ​ട്ട​യം ബ​ന്ധം അ​ദ്ദേ​ഹം നി​ര​ന്ത​രം ഓ​ർ​മി​പ്പി​ച്ചി​രു​ന്നു.