ദുരിതപ്പെയ്ത്ത്; കനത്ത മഴ തുടരുന്നു, ഇന്നലെ അഞ്ച് മരണം, ട്രെയിനുകൾ വൈകിയോടുന്നു

കോഴിക്കോട്: സംസ്ഥാനത്തെങ്ങും കനത്ത മഴ തുടരുന്നു. കോഴിക്കോട്, വയനാട്, കണ്ണൂർ ജില്ലകളിൽ ഇന്ന് അതി ശക്തമായ മഴയാണ് പ്രവചിച്ചിരിക്കുന്നതെങ്കിലും റെഡ് അലർട്ടിന് സമാനമായ സാഹചര്യമാണെന്ന് കേന്ദ്ര കാലാവസ്ഥാ വിഭാഗം അറിയിച്ചു. തൃ​ശൂ​ർ, മ​ല​പ്പു​റം, കാ​സ​ർ​കോ​ട് ​​ജി​ല്ല​ക​ൾ ഓ​റ​ഞ്ച് അ​ല​ർ​ട്ടി​ലും മ​റ്റ് ജി​ല്ല​ക​ൾ യെ​ല്ലോ അ​ല​ർ​ട്ടി​ലു​മാ​ണ്. റെയിൽവേ ട്രാക്കിൽ ഇന്നലെ രാത്രി പലയിടത്തായി മരങ്ങൾ വീണ് തടസ്സം നേരിട്ട സാഹചര്യത്തിൽ ട്രെയിനുകൾ വൈകിയോടുകയാണ്.

ഇന്നലെ മഴയുമായി ബന്ധപ്പെട്ട വി​വി​ധ അ​പ​ക​ട​ങ്ങ​ളി​ൽ അഞ്ചുപേ​രാണ് മ​രി​ച്ചത്. കൊ​ല്ലം പ​ട്ടാ​ഴി​യി​ൽ മ​ര​ച്ചി​ല്ല ഒ​ടി​ഞ്ഞു​വീ​ണ് ഗൃ​ഹ​നാ​ഥ​ൻ മ​രി​ച്ചു. പ​ട്ടാ​ഴി മ​യി​ലാ​ടും​പാ​റ പാ​റ​മൂ​ട്ടി​ൽ ബൈ​ജു വ​ർ​ഗീ​സാ​ണ് (51) മ​രി​ച്ച​ത്. കാ​റ്റി​ൽ വീ​ടി​ന് മു​റ്റ​ത്തെ ഒ​ടി​ഞ്ഞു​തൂ​ങ്ങി​യ മ​രം മു​റി​ച്ചു​മാ​റ്റു​ന്ന​തി​നി​ടെ, മ​ര​ക്കൊ​മ്പ് ദേ​ഹ​ത്ത് വീ​ഴു​ക​യാ​യി​രു​ന്നു. ആ​ല​പ്പു​ഴ ബീ​ച്ചി​ൽ ശ​ക്ത​മാ​യ കാ​റ്റി​ൽ താ​ൽ​ക്കാ​ലി​ക ക​ട ത​ക​ർ​ന്ന് പെ​ൺ​കു​ട്ടി മ​രി​ച്ചു. പ​ള്ളാ​തു​രു​ത്തി സ്വ​ദേ​ശി നി​ത്യ (18) യാ​ണ് മ​രി​ച്ച​ത്. കൂ​ടെ​യു​ണ്ടാ​യി​രു​ന്ന സു​ഹൃ​ത്ത് ആ​ദ​ർ​ശി​ന് (24) സാ​ര​മാ​യി പ​രി​ക്കേ​റ്റു. കാ​റ്റും മ​ഴ​യു​മു​ണ്ടാ​യ​പ്പോ​ൾ മ​ഴ​കൊ​ള്ളാ​തി​രി​ക്കാ​ൻ ക​ട​യു​ടെ അ​രി​കി​ൽ നി​ന്ന​താ​യി​രു​ന്നു. കൊ​ല്ലം ത​ങ്ക​ശ്ശേ​രി​യി​ൽ ക​ട​ലി​ൽ കു​ളി​ക്കു​ന്ന​തി​നി​ടെ, കാ​ണാ​താ​യ മു​ദാ​ക​ര സ്വ​ദേ​ശി ലാ​ഗേ​ഷി​ന്‍റെ മൃ​ത​ദേ​ഹം ക​ണ്ടെ​ത്തി.

എറണാകുളത്ത് കൂത്താട്ടുകുളം പാലക്കുഴയിൽ പൊട്ടിവീണ വൈദ്യുതി കമ്പി മാറ്റാൻ ശ്രമിക്കുന്നതിനിടെ ഷോ​ക്കേറ്റ്​ വയോധികനും മൂവാറ്റുപുഴയിൽ ഒഴുക്കിൽപെട്ട്​ യുവാവും മരിച്ചു. നടപ്പുവഴിയിൽ പൊട്ടി വീണ വൈദ്യുതി കമ്പി മാറ്റിവെക്കാൻ ശ്രമിക്കുന്നതിനിടെ പാലക്കുഴ കിഴക്കേക്കര വീട്ടിൽ വെള്ളാനി (80) ആണ് മരിച്ചത്. വീടിന് മുന്നിൽ പൊട്ടിവീണ വൈദ്യുതി കമ്പിയിൽനിന്നാണ് ഷോക്കേറ്റത്. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

മൂവാറ്റുപുഴയിൽ പുഴയോരത്തെ പറമ്പിൽ കെട്ടിയിരുന്ന പശുവിനെ അഴിക്കാൻ പോയ പെരുമ്പല്ലൂർ കുറ്റിയറ ജോബിൻ ജോസഫ്​ (38) ആണ്​ ഒ​ഴുക്കിൽപെട്ട്​ മരിച്ചത്. ഞായറാഴ്‌ച രാത്രി ഏഴ്​ മണിയോടെ മൂവാറ്റുപുഴയാറ്റിൽ ഒഴുക്കിൽപ്പെട്ട പെരുമ്പല്ലൂർ കുറ്റിയറ ജോബിൻ ജോസഫിന്‍റെ (38) മൃതദേഹം തിങ്കളാഴ്ച വൈകീട്ട് അഞ്ച്​ മണിയോടെ പിറവത്തിനടുത്ത പാഴൂരിൽ മണപുറത്താണ്​ അടിഞ്ഞത്.

റെയിൽവേ ട്രാക്കിൽ മരങ്ങൾ വീണതോടെ ട്രെയിൻ ഗതാഗതം തടസപ്പെട്ടു. തിങ്കളാഴ്ച ​വൈകീട്ട് 6.45ഓടെയാണ് കോഴിക്കോട് കല്ലായിക്കും ഫറോക്കിനും ഇടയിൽ അരീക്കാട്, നല്ലളം പൊലീസ് സ്റ്റേഷനടുത്തുള്ള ആന റോഡ് ഉള്ളിശേരികുന്ന് ഭാഗത്തെ റെയിൽവേ ട്രാക്കിൽ ശക്തമായ കാറ്റിൽ വീടിന്റെ മേൽക്കൂരയും മരങ്ങളും വീണത്. ലൈൻ തകർന്ന് വൈദ്യുതിബന്ധം മുറിഞ്ഞതിനാൽ ഷൊർണൂർ-മംഗളൂരു പാതയിൽ ട്രെയിൻ ഗതാഗതം മണിക്കൂറുകളോളം നിലക്കുകയായിരുന്നു. ഗതാഗതം പുന:സ്ഥാപിച്ചെങ്കിലും പല ട്രെയിനുകളും വൈകിയോടുകയാണ്. തി​രു​വ​ല്ല - ച​ങ്ങ​നാ​ശ്ശേ​രി പാ​ത​യി​ലും, തൃ​ശൂ​ർ-​ഗു​രു​വാ​യൂ​ർ പാ​ത​യി​ലും, തി​രു​വ​ന​ന്ത​പു​രം-​ഇ​ട​വ റെ​യി​ൽ​വേ പാ​ത​യി​ലും തി​ങ്ക​ളാ​ഴ്ച മ​ര​ങ്ങ​ൾ ക​ട​പു​ഴ​കി​.

ക​ട​ലാ​ക്ര​മ​ണ​ത്തി​നും ഉ​യ​ർ​ന്ന തി​ര​മാ​ല​ക്കും സാ​ധ്യ​ത​യു​ള്ള​തി​നാ​ൽ കേ​ര​ള​ത്തി​ന്‍റെ തീ​ര​പ്ര​ദേ​ശ​ങ്ങ​ളി​ൽ റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. മാ​റാ​ത്ത​വാ​ഡ​ക്കു മു​ക​ളി​ലാ​യി ന്യൂ​ന​മ​ർ​ദം സ്ഥി​തി​ചെ​യ്യു​ന്നു​ണ്ട്. ഇ​ന്ന് വ​ട​ക്ക​ൻ ബം​ഗാ​ൾ ഉ​ൾ​ക്ക​ട​ലി​നു മു​ക​ളി​ലാ​യി മ​റ്റൊ​രു ന്യൂ​ന​മ​ർ​ദം കൂ​ടി രൂ​പ​പ്പെ​ടാ​ൻ സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥ കേ​ന്ദ്രം അ​റി​യി​ച്ചു. മ​ത്സ്യ​ത്തൊ​ഴി​ലാ​ളി​ക​ൾ​ക്ക് ക​ട​ലി​ൽ പോ​കു​ന്ന​തി​നു​ള്ള വി​ല​ക്ക് തു​ട​രു​ക​യാ​ണ്.