കേരള സർവകലാശാല: സെനറ്റംഗങ്ങളെ പുറത്താക്കി നോട്ടീസ് കൈമാറി

തി​രു​വ​ന​ന്ത​പു​രം: 15 സെ​ന​റ്റം​ഗ​ങ്ങ​ളെ നീ​ക്കി ഗ​വ​ർ​ണ​ർ ഗ​സ​റ്റ് വി​ജ്ഞാ​പ​നം പു​റ​പ്പെ​ടു​വി​ച്ച​തി​ന്​ പി​ന്നാ​ലെ അ​വ​രെ സെ​ന​റ്റി​ൽ​നി​ന്ന്​ നീ​ക്കിയുള്ള അ​റി​യി​പ്പ് സ​ർ​വ​ക​ലാ​ശാ​ല ര​ജി​സ്ട്രാ​ർ കൈ​മാ​റി. ഇ​തോ​ടെ അ​ടു​ത്ത​മാ​സം നാ​ലി​നും 19നും ​വി​ളി​ച്ചു​ചേ​ർ​ത്ത സെ​ന​റ്റ് യോ​ഗ​ങ്ങ​ളി​ൽ പ​ങ്കെ​ടു​ക്കാ​നുള്ള ക്ഷ​ണ​ക്ക​ത്ത് പി​ൻ​വ​ലി​ച്ച​താ​യി ക​ണ​ക്കാ​ക്ക​പ്പെ​ടും. നാ​ലി​ന്​ ചേ​രു​ന്ന സെ​ന​റ്റ് യോ​ഗം വൈ​സ്​ ചാ​ൻ​സ​ല​ർ നി​യ​മ​ന​ത്തി​നു​ള്ള സെ​ർ​ച്ച് ക​മ്മി​റ്റി​യി​ലേ​ക്കു​ള്ള പ്ര​തി​നി​ധി​യെ തെ​ര​ഞ്ഞെ​ടു​ക്കു​മെ​ന്ന് മ​ന്ത്രി ആ​ർ. ബി​ന്ദു അ​റി​യി​ച്ചി​രു​ന്നെ​ങ്കി​ലും അം​ഗ​ങ്ങ​ൾ​ക്കു​ള്ള അ​റി​യി​പ്പി​ൽ ഈ ​വി​ഷ​യം അ​ജ​ണ്ട​യിലി​ല്ല. സെ​ർ​ച്ച് ക​മ്മി​റ്റി രൂ​പ​വ​ത്​​ക​രി​ച്ചു​ള്ള ഗ​വ​ർ​ണ​റു​ടെ ഉ​ത്ത​ര​വ് പി​ൻ​വ​ലി​ച്ച​ശേ​ഷ​മേ സെ​ന​റ്റ് പ്ര​തി​നി​ധി​യെ നി​ശ്ച​യി​ക്കൂ​വെ​ന്നാ​യി​രു​ന്നു സി.​പി.​എം അം​ഗ​ങ്ങ​ളു​ടെ നി​ല​പാ​ട്.

ക​മ്മി​റ്റി​യു​ടെ മൂ​ന്നു​മാ​സ കാ​ലാ​വ​ധി നാ​ലി​ന്​ അ​വ​സാ​നി​ക്കു​മെ​ന്ന​തി​നാ​ലാ​ണ് അ​ന്ന് ​ചേ​രു​ന്ന സെ​ന​റ്റ് യോ​ഗം പ്ര​തി​നി​ധി​യെ നി​ശ്ച​യി​ക്കു​മെ​ന്ന് മ​ന്ത്രി അ​റി​യി​ച്ച​ത്. എ​ന്നാ​ൽ ക​മ്മി​റ്റി​യു​ടെ കാ​ലാ​വ​ധി വീ​ണ്ടും മൂ​ന്നു​മാ​സം കൂ​ടി നീ​ട്ടി​യ​ത് സി.​പി.​എം അം​ഗ​ങ്ങ​ളെ വെ​ട്ടി​ലാ​ക്കി. സെ​ർ​ച്ച് ക​മ്മി​റ്റി രൂ​പ​വ​ത്​​ക​രി​ച്ച ഗ​വ​ർ​ണ​റു​ടെ ഉ​ത്ത​ര​വ് പി​ൻ​വ​ലി​ച്ച​ശേ​ഷ​മേ സെ​ന​റ്റ് പ്ര​തി​നി​ധി​യെ നി​ശ്ച​യി​ക്കൂ​വെ​ന്ന ആ​ദ്യ നി​ല​പാ​ടി​ൽ ഉ​റ​ച്ചു​നി​ൽ​ക്കാ​ൻ മ​ന്ത്രി​യു​ടെ പ്ര​ഖ്യാ​പ​നം കാ​ര​ണം സി.​പി.​എം അം​ഗ​ങ്ങ​ൾ​ക്ക്​ ഇ​നി എ​ത്ര​ത്തോ​ളം ക​ഴി​യു​മെ​ന്ന​ത്​​ സം​ശ​യ​മാ​ണ്.

അ​തേ​സ​മ​യം, പു​റ​ത്താ​ക്ക​പ്പെ​ട്ട സെ​ന​റ്റം​ഗ​ങ്ങ​ൾ ഗ​വ​ർ​ണ​റു​ടെ ന​ട​പ​ടി ചോ​ദ്യം​ചെ​യ്ത് അ​ടു​ത്ത​യാ​ഴ്ച ഹൈ​കോ​ട​തി​യെ സ​മീ​പി​ക്കാ​നു​ള്ള ത​യാ​റെ​ടു​പ്പി​ലാ​ണ്. നി​ല​വി​ലെ വി.​സി​യു​ടെ കാ​ലാ​വ​ധി 24ന്​ ​അ​വ​സാ​നി​ക്കു​ന്ന​തി​നാ​ൽ താ​ൽ​ക്കാ​ലി​ക ചു​മ​ത​ല ല​ഭി​ക്കു​ന്ന വി.​സി​യു​ടെ അ​ധ്യ​ക്ഷ​ത​യി​ലാ​വും നാ​ലി​ന്​ സെ​ന​റ്റ് യോ​ഗം ചേ​രു​ക.