ടോ​ൾ പി​രി​ക്കാ​നു​ള്ള സ​ർ​ക്കാ​ർ നീക്കം; ചുങ്കപ്പിരിവിന് പേരുമാറ്റം

തി​രു​വ​ന​ന്ത​പു​രം: കി​ഫ്ബി റോ​ഡു​ക​ളി​ൽ​നി​ന്ന്​ ടോ​ൾ പി​രി​ക്കാ​നു​ള്ള സ​ർ​ക്കാ​ർ ആ​ലോ​ച​ന​ക​ൾ ക​ടു​ത്ത പ്ര​തി​ഷേ​ധ​ത്തി​നി​ട​യാ​ക്കി​യ​തോ​ടെ, പേ​രു​മാ​റ്റി പ​രീ​ക്ഷ​ണം. ‘ടോ​ളി’​ന്​ പ​ക​രം ‘യൂ​സ​ർ ഫീ’ ​എ​ന്ന പേ​രി​ൽ പ​ണം ഈ​ടാ​ക്കാ​നാ​ണ്​ തീ​രു​മാ​നം.

ടോ​ൾ ബൂ​ത്തു​ക​ൾ ത​യാ​റാ​ക്കി പ​ണം പി​രി​ക്കു​ന്ന നി​ല​വി​ലെ ദേ​ശീ​യ​പാ​ത​ക​ളി​ലെ രീ​തി ഒ​ഴി​വാ​ക്കാ​നും ആ​ലോ​ച​ന​യു​ണ്ട്. മു​ഖ്യ​മ​ന്ത്രി​യും ധ​ന, നി​യ​മ മ​ന്ത്രി​മാ​രും ഉ​ൾ​പ്പെ​ട്ട മ​ന്ത്രി​ത​ല സ​മി​തി​യു​ടെ യൂ​സ​ർ ഫീ ​ശി​പാ​ർ​ശ, മ​ന്ത്രി​സ​ഭ യോ​ഗ​ത്തി​ന്‍റെ അം​ഗീ​കാ​ര​ത്തി​നു​ശേ​ഷം ബ​ജ​റ്റ് സ​മ്മേ​ള​ന​ത്തി​ല്‍ ത​ന്നെ ബി​ല്ലാ​യി നി​യ​മ​സ​ഭ​യി​ലെ​ത്തു​മെ​ന്നാ​ണ്​ വി​വ​രം.

50 കോ​ടി രൂ​പ​ക്ക്​ മു​ക​ളി​ൽ ചെ​ല​വ​ഴി​ച്ച്​ പ​ണി​യു​ന്ന റോ​ഡു​ക​ളി​ലാ​ണ്​ യൂ​സ​ർ ഫീ ​പി​രി​ക്കാ​ൻ ആ​ലോ​ചി​ക്കു​ന്ന​ത്. വി​ഷ​യം മ​ന്ത്രി​സ​ഭ ക​ട​മ്പ ക​ട​ക്കും​മു​മ്പ്​​ ത​ന്നെ കെ​ൽ​ട്രോ​ണി​ന്‍റെ സ​ഹാ​യ​ത്തോ​ടെ, കി​ഫ്​​ബി സാ​ധ്യ​താ പ​ഠ​ന​വും ആ​രം​ഭി​ച്ചു. കെ​ല്‍ട്രോ​ണി​ന്‍റെ നേ​തൃ​ത്വ​ത്തി​ൽ ന​ട​ത്തു​ന്ന പ​ഠ​ന​ത്തി​ലൂ​ടെ ഫീ​സ് പി​രി​ക്കാ​നു​ള്ള മാ​ര്‍ഗം ആ​സൂ​ത്ര​ണം ചെ​യ്യു​മെ​ന്നാ​ണ് വി​വ​രം.

കി​ഫ്ബി​യു​ടെ സ​ഹാ​യ​ത്തോ​ടെ, പൊ​തു​മ​രാ​മ​ത്ത്​ വ​കു​പ്പ് ന​ട​പ്പാ​ക്കു​ന്ന 616 പ​ദ്ധ​തി​ക​ളി​ൽ അ​ധി​ക​വും റോ​ഡു​ക​ളും പാ​ല​ങ്ങ​ളു​മാ​ണ്. ഇ​തി​ൽ ഭൂ​രി​ഭാ​ഗ​വും 50 കോ​ടി​ക്ക്​ മു​ക​ളി​ൽ ചെ​ല​വ്​ വ​രു​ന്ന​വ​യും. ഫ​ല​ത്തി​ൽ മ​ല​യോ​ര, തീ​ര​ദേ​ശ ഹൈ​വേ​ക​ൾ ഉ​ൾ​പ്പെ​ടെ സം​സ്ഥാ​ന​ത്ത്​ വ്യാ​പ​ക ചു​ങ്ക​പ്പി​രി​വി​നാ​ണ്​ ക​​ള​മൊ​രു​ങ്ങു​ന്ന​ത്. നി​ല​വി​ൽ കേ​ര​ള​ത്തി​ലെ ദേ​ശീ​യ​പാ​ത​ക​ളി​ൽ മാ​ത്ര​മാ​ണ്​ ടോ​ൾ പി​രി​വു​ള്ള​ത്. പ്ര​തി​ഷേ​ധം ക​ണ​ക്കി​ലെ​ടു​ത്ത്​ ആ​ദ്യ 15 കി​ലോ​മീ​റ്റ​റി​ൽ പ​ണം ഈ​ടാ​ക്കി​ല്ല. ഇ​തി​നു​ശേ​ഷം വ​രു​ന്ന ദൂ​രം ക​ണ​ക്കാ​ക്കി​യാ​വും ഫീ​സ്​ ഏ​ര്‍പ്പെ​ടു​ത്തു​ക. ഇ​തി​ലൂ​ടെ പ്രാ​ദേ​ശി​ക​മാ​യു​ണ്ടാ​കു​ന്ന എ​തി​ര്‍പ്പ് മ​റി​ക​ട​ക്കാ​മെ​ന്നാ​ണ് സ​ർ​ക്കാ​റി​ന്‍റെ ക​ണ​ക്കു​കൂ​ട്ട​ൽ.

ഇ​തി​നി​ടെ, സ​ർ​ക്കാ​ർ നീ​ക്ക​ത്തി​നെ​തി​രെ പ്ര​തി​പ​ക്ഷ​വും രം​​ഗ​​ത്തെ​ത്തി സം​സ്ഥാ​ന​ത്തെ സ​ഞ്ചി​ത​നി​ധി​യി​ല്‍ നി​ന്നാ​ണ് കി​ഫ്ബി​ക്ക് പ​ണം ന​ല്‍കു​ന്ന​തെ​ന്നും ജ​ന​ങ്ങ​ളു​ടെ നി​കു​തി പ​ണ​മു​പ​യോ​ഗി​ച്ച് പ​ണി​യു​ന്ന റോ​ഡു​ക​ള്‍ക്കും പാ​ല​ങ്ങ​ള്‍ക്കും ടോ​ള്‍ ചു​മ​ത്തു​ന്ന​ത് ജ​ന​ങ്ങ​ളോ​ടു​ള്ള വ​ഞ്ച​ന​യും നീ​തി​കേ​ടു​മാ​ണെ​ന്നും പ്ര​തി​പ​ക്ഷ നേ​താ​വ്​ ആ​രോ​പി​ച്ചു.