ക്ഷാമബത്ത നൽകേണ്ടെന്ന്​ കെ.എസ്​.ഇ.ബി

തി​രു​വ​ന​ന്ത​പു​രം: കെ.​എ​സ്.​ഇ.​ബി ജീ​വ​ന​ക്കാ​ർ​ക്കും പെ​ൻ​ഷ​ൻ​കാ​ർ​ക്കും ക്ഷാ​മ​ബ​ത്ത കു​ടി​ശ്ശി​ക ന​ൽ​കാ​നാ​വി​ല്ലെ​ന്ന നി​ല​പാ​ടി​ൽ മാ​നേ​ജ്​​മെ​ന്‍റ്. ​നാ​ലു ഗ​ഡു ക്ഷാ​മ​ബ​ത്ത കു​ടി​ശ്ശി​ക ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ജീ​വ​ന​ക്കാ​രു​ടെ സം​ഘ​ട​ന ഹൈ​കോ​ട​തി​യെ സ​മീ​പി​ച്ചി​രു​ന്നു.

ബോ​ർ​ഡി​നോ​ട് തീ​രു​മാ​ന​മെ​ടു​ക്കാ​നാ​യി​രു​ന്നു കോ​ട​തി നി​ർ​ദേ​ശം. ഇ​തു​പ്ര​കാ​ര​മാ​ണ്​ ക്ഷാ​മ​ബ​ത്ത വി​ഷ​യം ബോ​ർ​ഡ്​ പ​രി​ഗ​ണി​ച്ച​ത്.

എ​ന്നാ​ൽ, സാ​മ്പ​ത്തി​ക നി​ല മെ​ച്ച​മ​ല്ലാ​ത്ത​തി​നാ​ൽ കു​ടി​ശ്ശി​ക ന​ൽ​കേ​ണ്ട​തി​​ല്ലെ​ന്ന്​ തീ​രു​മാ​ന​മെ​ടു​ക്കു​ക​യാ​യി​രു​ന്നു. 2022 ജ​നു​വ​രി മു​ത​ലു​ള്ള ക്ഷാ​മ​ബ​ത്ത കു​ടി​ശ്ശി​ക​യാ​ണ്​ ജീ​വ​ന​ക്കാ​ർ​ക്ക്​ വി​ത​ര​ണം ചെ​യ്യാ​നു​ള്ള​ത്.

ക്ഷാ​മ​ബ​ത്ത വി​ഷ​യ​ത്തി​ൽ തീ​രു​മാ​ന​മെ​ടു​ക്കാ​മെ​ന്ന്​ കോ​ട​തി​യി​ൽ ഉ​റ​പ്പ്​ ന​ൽ​കി​യ കെ.​എ​സ്.​ഇ.​ബി ഇ​പ്പോ​ൾ സ്വീ​ക​രി​ച്ച നി​ല​പാ​ട്​ അം​ഗീ​ക​രി​ക്കാ​നാ​വി​​ല്ലെ​ന്ന നി​ല​പാ​ടി​ലാ​ണ്​ സം​ഘ​ട​ന​ക​ൾ.

ഇതിനെതിരെ കോ​ട​തി​യ​ല​ക്ഷ്യ ഹ​ര​ജി ന​ൽ​കു​മെ​ന്ന്​ കേ​ര​ള ഇ​ല​ക്​​ട്രി​സി​റ്റി എം​​​​​പ്ലോ​യീ​സ്​ കോ​ൺ​ഫെ​ഡ​റേ​ഷ​ൻ-​ഐ.​എ​ൻ.​ടി.​യു.​സി സം​സ്ഥാ​ന വ​ർ​ക്കി​ങ്​ ​പ്ര​സി​ഡ​ന്‍റ്​​ സി​ബി​ക്കു​ട്ടി ഫ്രാ​ൻ​സി​സ്​ ‘മാ​ധ്യ​മ’​ത്തോ​ട്​ പ​റ​ഞ്ഞു.