സ്മാർട്ട് മീറ്റർ കാലത്ത് കെ.എസ്.ഇ.ബി വാങ്ങിക്കൂട്ടുന്നത് നെറ്റ്-ടി.ഒ.ഡി മീറ്റർ

പാ​ല​ക്കാ​ട്: സ്മാ​ർ​ട്ട് മീ​റ്റ​റു​ക​ൾ ന​ട​പ്പാ​ക്കാ​ൻ കേ​ന്ദ്രം നി​ശ്ച​യി​ച്ച സ​മ​യ​പ​രി​ധി തീ​രാ​റാ​യ സാ​ഹ​ച​ര്യ​ത്തി​ലും സോ​ളാ​ർ നെ​റ്റ് മീ​റ്റ​റു​ക​ളും ടി.​ഒ.​ഡി മീ​റ്റ​റു​ക​ളും വാ​ങ്ങാ​ൻ വേ​ണ്ടി കെ.​എ​സ്.​ഇ.​ബി ചെ​ല​വി​ടു​ന്ന​ത് 35.7 കോ​ടി രൂ​പ. 2.9 ല​ക്ഷം ടി.​ഒ.​ഡി മീ​റ്റ​റു​ക​ൾ വാ​ങ്ങാ​ൻ 20.68 കോ​ടി രൂ​പ​യും സോ​ളാ​ർ നെ​റ്റ് മീ​റ്റ​റു​ക​ൾ​ക്കാ​യി 15 കോ​ടി രൂ​പ​യു​മാ​ണ് നീ​ക്കി​വെ​ച്ചി​ട്ടു​ള്ള​ത്.

സോ​ളാ​ർ ഉ​ൽ​പാ​ദ​ക​ർ​ക്കും 250 യൂ​നി​റ്റി​ൽ കൂ​ടു​ത​ൽ ഉ​പ​ഭോ​ഗ​മു​ള്ള ഗാ​ർ​ഹി​ക ഉ​പ​ഭോ​ക്താ​ക്ക​ൾ​ക്കും വ്യ​വ​സാ​യ-​വാ​ണി​ജ്യ ഉ​പ​ഭോ​ക്താ​ക്ക​ൾ​ക്കും ടി.​ഒ.​ഡി സം​വി​ധാ​ന​മു​ള്ള സ്മാ​ർ​ട്ട് മീ​റ്റ​ർ നി​ർ​ബ​ന്ധ​മാ​യും സ്ഥാ​പി​ക്കേ​ണ്ട സാ​ഹ​ച​ര്യ​ത്തി​ൽ മാ​റ്റി​സ്ഥാ​പി​ക്ക​പ്പെ​ട്ട് ഉ​പ​യോ​ഗ​ശൂ​ന്യ​മാ​യി​പ്പോ​കു​ന്ന​താ​ണ് നെ​റ്റ്-​ടി.​ഒ.​ഡി മീ​റ്റ​റു​ക​ൾ. മാ​ത്ര​മ​ല്ല, ചു​രു​ങ്ങി​യ​ത് ആ​റു​വ​ർ​ഷ ഗാ​ര​ന്റി വാ​ഗ്ദാ​നം ചെ​യ്താ​ണ് മാ​സ​വാ​ട​ക പി​രി​ച്ച് ഈ ​മീ​റ്റ​റു​ക​ൾ ഇ​പ്പോ​ൾ സ്ഥാ​പി​ക്കു​ന്ന​തെ​ന്ന വൈ​രു​ധ്യ​വു​മു​ണ്ട്.

സ്മാ​ർ​ട്ട് മീ​റ്റ​റു​ക​ൾ ന​ട​പ്പാ​ക്കാ​ൻ കേ​ന്ദ്രം അ​നു​വ​ദി​ച്ച സ​മ​യ​പ​രി​ധി ക​ഴി​യാ​ൻ മാ​സ​ങ്ങ​ൾ മാ​ത്രം ബാ​ക്കി​നി​ൽ​ക്കേ മൂ​ന്നു ല​ക്ഷം സ്മാ​ർ​ട്ട് മീ​റ്റ​റു​ക​ൾ​ക്കു​ള്ള ടെ​ൻ​ഡ​ർ ന​ട​പ​ടി മാ​ത്ര​മാ​ണ് പൂ​ർ​ത്തി​യാ​യ​ത്. കേ​ന്ദ്ര സ​ർ​ക്കാ​റി​ന്റെ 2025 മാ​ർ​ച്ച് 31ലെ ​നി​ർ​ദേ​ശ​മ​നു​സ​രി​ച്ച് 2025 മാ​ർ​ച്ചി​ന​കം കേ​ര​ള​ത്തി​ൽ സ്മാ​ർ​ട്ട് മീ​റ്റ​റു​ക​ൾ സ്ഥാ​പി​ച്ച് പൂ​ർ​ത്തി​യാ​ക്കേ​ണ്ട​തു​ണ്ട്. ഈ ​തീ​യ​തി​ക്കു​ശേ​ഷം കേ​ടാ​യ മീ​റ്റ​റു​ക​ൾ​പോ​ലും മാ​റ്റി​സ്ഥാ​പി​ക്ക​ണ​മെ​ങ്കി​ൽ സ്മാ​ർ​ട്ട് മീ​റ്റ​ർ മാ​ത്ര​മേ പാ​ടു​ള്ളൂ​വെ​ന്നാ​ണ് നി​ർ​ദേ​ശം.

എ.​എം.​ഐ സ്മാ​ർ​ട്ട് മീ​റ്റ​റു​ക​ൾ​ക്ക് മാ​സ​വാ​ട​ക വാ​ങ്ങാ​നും പാ​ടി​ല്ല. കേ​ന്ദ്ര​സ​ർ​ക്കാ​റി​ന്റെ ഉ​പ​ഭോ​ക്താ​ക്ക​ളു​ടെ വൈ​ദ്യു​തി അ​വ​കാ​ശ നി​ർ​ദേ​ശ​ങ്ങ​ൾ​ക്ക് വി​രു​ദ്ധ​മാ​യാ​ണ് സം​സ്ഥാ​ന​ത്ത് പ​ഴ​യ മീ​റ്റ​റു​ക​ൾ അ​ടി​ച്ചേ​ൽ​പി​ക്കു​ന്ന​തെ​ന്ന് ആ​രോ​പ​ണ​മു​യ​രു​ക​യാ​ണ്.

ഡി​സം​ബ​ർ ആ​റി​നാ​ണ് 2024-25 വ​ർ​ഷം വാ​ങ്ങാ​ൻ ബാ​ക്കി​യു​ള്ള സോ​ളാ​ർ മീ​റ്റ​റി​ങ്ങി​നു​ള്ള 21,500 സിം​ഗ്ൾ ഫേ​സ് മീ​റ്റ​റി​നാ​യി 1.47 കോ​ടി​യും ന​ട​പ്പു​വ​ർ​ഷം സൗ​ര-​പി.​എം സൂ​ര്യ​ഘ​ർ പ​ദ്ധ​തി​ക്കാ​യു​ള്ള 55,000 സിം​ഗ്ൾ ഫേ​സ്, 45,000 ത്രീ ​ഫേ​സ് നെ​റ്റ് മീ​റ്റ​റു​ക​ൾ വാ​ങ്ങാ​ൻ യ​ഥാ​ക്ര​മം 1.47 കോ​ടി, 13.55 കോ​ടി രൂ​പ അ​നു​വ​ദി​ച്ച​താ​യി ഉ​ത്ത​ര​വി​റ​ങ്ങി​യ​ത്. 2024-2028 വ​ർ​ഷ​ത്തേ​ക്ക് 2,18,010 സിം​ഗ്ൾ ഫേ​സ് ടി.​ഒ.​ഡി മീ​റ്റ​റും 70,448 ത്രീ ​ഫേ​സ് മീ​റ്റ​റു​മ​ട​ക്കം വാ​ങ്ങാ​ൻ കെ.​എ​സ്.​ഇ.​ബി വൈ​ദ്യു​തി റെ​ഗു​ലേ​റ്റ​റി ക​മീ​ഷ​ന് സ​മ​ർ​പ്പി​ച്ച താ​രി​ഫ് പെ​റ്റീ​ഷ​നി​ൽ 20.68 കോ​ടി രൂ​പ ആ​വ​ശ്യ​മാ​ണെ​ന്ന് ബോ​ധി​പ്പി​ച്ചി​രു​ന്നു.

സ്മാ​ർ​ട്ട് മീ​റ്റ​റു​ക​ൾ വ​രു​മ്പോ​ൾ കോ​ടി​ക​ൾ മു​ട​ക്കി​യു​ള്ള ടി.​ഒ.​ഡി മീ​റ്റ​റു​ക​ളു​ടെ ആ​വ​ശ്യ​മെ​ന്തെ​ന്ന ചോ​ദ്യ​ത്തി​ന് കെ.​എ​സ്.​ഇ.​ബി അ​ധി​കൃ​ത​ർ​ക്ക് മ​റു​പ​ടി​യി​ല്ല. ഈ ​കോ​ടി​ക​ളു​ടെ ബാ​ധ്യ​ത​കൂ​ടി വൈ​ദ്യു​തി ഉ​പ​ഭോ​ക്താ​ക്ക​ൾ​ക്ക് വൈ​ദ്യു​തി താ​രി​ഫാ​യി എ​ത്തു​മെ​ന്ന​തി​ലാ​ണ് ആ​ശ​ങ്ക ഉ​യ​രു​ന്ന​ത്.