2.25 ലക്ഷം രൂപയുടെ ആപ്പിൾ വാച്ച്​ പിണറായി ഉപയോഗിച്ചോ; സുരേന്ദ്ര​െൻറ ആരോപണത്തിലെ സത്യമെന്ത്​?

തിരുവനന്തപുരം: വടക്കാഞ്ചേരി ലൈഫ്​ മിഷൻ ഫ്ലാറ്റ്​ ഇടപാടുമായി ബന്ധപ്പെട്ട്​ മുഖ്യമന്ത്രി പിണറായി വിജയനെതിരെ നിരവധി ആരോപണങ്ങളാണ്​ ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ ഉന്നയിച്ചത്​. സന്തോഷൻ ഈപ്പൻ സ്വപ്​ന സുരേഷിന്​ നൽകിയ ഐഫോണികളിലൊന്ന്​ എവിടെയുണ്ടെന്ന്​ പിണറായിക്ക്​ അറിയാമെന്നായിരുന്നു സുരേന്ദ്ര​െൻറ ആരോപണങ്ങളിലൊന്ന്​. രണ്ട്​ മാസം മുമ്പ്​ വരെ മുഖ്യമന്ത്രി പിണറായി വിജയൻ 2.25 ലക്ഷം രൂപയുടെ ആപ്പിൾ വാച്ച്​ ഉപയോഗിച്ചുവെന്നായിരുന്നു മറ്റൊരു ആരോപണം.

പക്ഷേ, അമേരിക്കൻ ടെക്​ ഭീമനായ ആപ്പിൾ ഇതുവരെ 2.25 ലക്ഷം രൂപയുടെ ആപ്പിൾ വാച്ച്​ പുറത്തിറക്കിയിട്ടില്ല. അവരുടെ ഏറ്റവും പുതിയ വാച്ച്​ സിരീസിന്​ പോലും ഒരു ലക്ഷത്തിൽ കൂടുതൽ വിലയില്ല. പിന്നെ എങ്ങനെയാണ്​ 2.25 ലക്ഷം രൂപയുടെ ആപ്പിൾ വാച്ച്​ പിണറായി രണ്ട്​ മാസം ഉപയോഗിച്ചതും പിന്നീട്​ ബംഗാളിൽ ഉയർന്ന പോലുള്ള വിമർശനമുണ്ടായപ്പോൾ മാറ്റിയതും.

രണ്ട്​ മാസം മുമ്പ്​ വരെ പിണറായി ആപ്പിൾ വാച്ച്​ ഉപയോഗിച്ചുവെന്നാണ്​ സുരേന്ദ്രൻ പറയുന്നത്​. രണ്ട്​ മാസം മുമ്പ്​ ആപ്പിളി​േൻറതായി വിപണിയിലുണ്ടായിരുന്നത്​ വാച്ച്​ സീരിസ്​ 5 ആയിരുന്നു. ഇ.സി.ജി എടുക്കാവുന്ന ഫീച്ചറുൾപ്പടെ നൂതനമായ പല സംവിധാനങ്ങളുമായിട്ടാണ്​ ആപ്പിൾ വാച്ച്​ സീരിസ്​ 5 എത്തിയത്​. 50,000 രൂപക്ക്​ താഴെയായിരുന്നു ആപ്പിൾ വാച്ച്​ സീരിസ്​ 5​െൻറ പ്രാരംഭവില.

ചുരുക്കത്തിൽ 2.25 ലക്ഷം രൂപയുടെ ആപ്പിൾ വാച്ച്​ മുഖ്യമന്ത്രി ഉപയോഗിച്ചുവെന്ന ആരോപണം പൊളിയാൻ ആപ്പിളി​െൻറ വെബ്​സൈറ്റിലൊന്ന്​ കയറി നോക്കിയാൽ മതി. പിണാറായിയെ കസേരയിൽ നിന്ന്​ ഇറക്കി വിടാൻ അരയും തലയും മുറുക്കി ഇറങ്ങിയിരിക്കുന്ന ബി.ജെ.പി അധ്യക്ഷൻ ആരോപണത്തിന്​ കുറച്ച്​ ശക്​തികിട്ടാൻ വേണ്ടി 2.25 ലക്ഷം രൂപയുടെ വാച്ചൊന്നോക്കെ തള്ളിയതാണെന്നാണ്​ പലരുടേയും അടക്കം പറച്ചിൽ. പക്ഷേ, ആപ്പിളി​െൻറ എല്ലാ ഉൽപന്നങ്ങളു​ടേയും വില കാണാപാഠമായ നാട്ടിലെ ന്യൂജനറേഷന്​ സുരേന്ദ്ര​െൻറ ആരോപണത്തിലെ പിഴവ്​ പെ​ട്ടെന്ന്​ മനസിലായെന്ന്​ മാത്രം.