മതഗ്രന്ഥങ്ങൾ തിരിച്ചുനൽകാൻ തയാർ, മാപ്പെഴുതി തടിയൂരില്ല -മന്ത്രി ജലീൽ

തിരുവനന്തപുരം: യു.എ.ഇ കോൺസുലേറ്റ് കൈമാറിയ ഖുർആൻ കോപ്പികൾ വിതരണംചെയ്യാൻ പാടില്ലെന്നാണ് കേന്ദ്രസർക്കാർ പക്ഷമെങ്കിൽ കസ്​റ്റംസ് കൊണ്ടുപോയ ഒരു കോപ്പിയൊഴികെ മറ്റെല്ലാ കോപ്പികളും കോൺസുലേറ്റിനെ തിരിച്ചേൽപിക്കുമെന്ന് മന്ത്രി കെ.ടി. ജലീൽ. ചെയ്യാത്ത തെറ്റിെൻറ പേരിൽ മരിക്കേണ്ടിവന്നാൽ പോലും മാപ്പെഴുതിക്കൊടുത്ത് തടിയൂരില്ല. എല്ലാ അന്വേഷണങ്ങളെയും സധൈര്യം നേരിടും.

കോവിഡ്​ സാഹചര്യത്തിലാണ് കോൺസൽ ജനറലിെൻറ സൗഹൃദപൂർണമായ അന്വേഷണത്തെ തുടർന്ന് മതാചാര നിർവഹണത്തിന് സഹായിച്ചത്. ഇതാണ് രാഷ്​ട്രീയ എതിരാളികൾ കണ്ടെത്തിയ മഹാപരാധം. ഇക്കാര്യത്തിൽ ഒരു തെറ്റും സംഭവിച്ചതായി കരുതുന്നില്ല. മ

സ്ജിദുകളിൽ നൽകാൻ കോൺസുലേറ്റ് നൽകിയ ഖുർആൻ കോപ്പികൾ മലപ്പുറത്തെ രണ്ട്​ സ്ഥാപനങ്ങളിൽ ഉണ്ട്. വിശ്വാസപരമായ ഉപചാരങ്ങളൊന്നും വർത്തമാന ഇന്ത്യയിൽ പാടില്ലെങ്കിൽ അക്കാര്യം കേന്ദ്രം അറിയിക്കേണ്ടത് ബന്ധപ്പെട്ട രാജ്യങ്ങളെയാണെന്നും ജലീൽ ഫേസ്ബുക്കിൽ കുറിച്ചു.