നഗരമധ്യത്തിൽ പ്ലാസ്റ്റിക്​ മാലിന്യമല; പഞ്ചകർമ ആശുപത്രി നിറഞ്ഞുകവിഞ്ഞു

ആ​ല​പ്പു​ഴ: ന​ഗ​ര​മ​ധ്യ​ത്തി​ൽ പ്ലാ​സ്റ്റി​ക്​ മാ​ലി​ന്യ​മ​ല. ആ​ല​പ്പു​ഴ ന​ഗ​ര​സ​ഭ​യി​​ലെ ഹ​രി​ത​ക​ർ​മ​സേ​ന​യു​ടെ നേ​തൃ​ത്വ​ത്തി​ൽ ക​ട​ക​ളി​ൽ​നി​ന്നും വീ​ടു​ക​ളി​ൽ​നി​ന്നും ശേ​ഖ​രി​ച്ച പ്ലാ​സ്​​റ്റി​ക്​ മാ​ലി​ന്യം ​കൂ​ട്ടി​യി​രി​ക്കു​ന്ന​ത്​ ക​ണ്ടാ​ൽ ആ​രു​മൊ​ന്ന്​ ഞെ​ട്ടും.

വ​ലി​യ​ചു​ടു​കാ​ടി​നു​സ​മീ​പം ര​ണ്ടു​കോ​ടി മു​ട​ക്കി പാ​തി​വ​ഴി​യി​ൽ നി​ർ​മാ​ണം നി​ല​ച്ച പ​ഞ്ച​ക​ർ​മ ആ​ശു​പ​ത്രി കെ​ട്ടി​ട​വും പ​രി​സ​ര​വു​മാ​ണ്​​ ന​ഗ​ര​സ​ഭ​യു​ടെ മാ​ലി​ന്യ​ഗോ​ഡൗ​ൺ.

ചാ​ക്കു​ക​ളി​ൽ നി​റ​ച്ച മാ​ലി​ന്യം കെ​ട്ടി​ട​ത്തി​ന്‍റെ പു​​റ​ത്തേ​ക്കും നി​റ​ഞ്ഞ​തോ​ടെ പ​രി​സ​ര​വാ​സി​ക​ൾ ക​ഴി​യു​ന്ന​ത്​ ആ​ശ​ങ്ക​യോ​ടെ​യാ​ണ്​. നാ​ൾ​ക്കു​നാ​ൾ മാ​ലി​ന്യ​ത്തി​ന്‍റെ തോ​ത്​ വ​ർ​ധി​ക്കു​ന്ന​താ​ണ്​ പ്ര​ധാ​ന പ്ര​ശ്നം. പ്ലാ​സ്​​റ്റി​ക്​ അ​ല​ക്ഷ്യ​മാ​യി ഇ​ട്ടി​രി​ക്കു​ന്ന​തി​നാ​ൽ ചെ​റി​യ തീ​പ്പൊ​രി​പോ​ലും വ​ൻ തീ​പി​ടി​ത്ത​മു​ണ്ടാ​ക്കും.

കേ​ന്ദ്ര ആ​യു​ഷ്​ വ​കു​പ്പി​ൽ​നി​ന്ന്​ അ​ഞ്ചു​കോ​ടി സ​ഹാ​യ​ത്തോ​ടെ നി​ർ​മി​ക്കാ​ൻ ഉ​ദ്ദേ​ശി​ച്ച സ​ർ​ക്കാ​റി​ന്‍റെ കീ​ഴി​ലു​ള്ള ഏ​ക പ​ഞ്ച​ക​ർ​മ ആ​ശു​പ​ത്രി​യു​ടെ ദു​ര​വ​സ്ഥ​യാ​ണി​ത്.

ശു​ചി​ത്വ​ത്തി​ന്‍റെ പേ​രി​ൽ ദേ​ശീ​യ​പു​ര​സ്കാ​രം വ​രെ നേ​ടി​യ ന​ഗ​ര​സ​ഭ​ക്ക്​ പേ​രു​ദോ​ഷ​മാ​ണ് ന​ഗ​ര​ഹൃ​ദ​യ​ത്തി​ലെ ഈ ​മാ​ലി​ന്യ നി​ക്ഷേ​പം. വ​ർ​ഷ​ങ്ങ​ളാ​യി കൂ​ട്ടി​യി​ട്ടി​രി​ക്കു​ന്ന ഇ​ത്​ ത​രം തി​രി​ച്ച് നീ​ക്കാ​ൻ ത​ന്നെ ഏ​റെ പ്ര​യ​ത്നി​ക്കേ​ണ്ടി​വ​രും. ദേ​ശീ​യ റാ​ങ്കി​ൽ മു​ന്നി​ലെ​ത്തി​യ ന​ഗ​ര​സ​ഭ വീ​ണ്ടും വൃ​ത്തി​യു​ടെ പു​തി​യ പാ​ഠ​ങ്ങ​ൾ പ​ഠി​ക്കേ​ണ്ടി​വ​രു​മെ​ന്നാ​ണ്​ ഇ​ത്​ തെ​ളി​യി​ക്കു​ന്ന​ത്. ന​ഗ​ര​സ​ഭ​യി​ലെ വി​വി​ധ വാ​ർ​ഡു​ക​ളി​ൽ​നി​ന്ന്​ ശേ​ഖ​രി​ച്ച പ്ലാ​സ്​​റ്റി​ക്​ മാ​ലി​ന്യ​ങ്ങ​ൾ സം​ഭ​രി​ക്കു​ന്ന കേ​ന്ദ്രം കൂ​ടി​യാ​ണി​ത്. ഇ​വി​ടെ​നി​ന്ന്​ ത​രം​തി​രി​ച്ചാ​ണ്​ ക്ലീ​ൻ കേ​ര​ള ക​മ്പ​നി​ക്ക്​ ന​ൽ​കു​ന്ന​ത്. മാ​സ​ങ്ങ​ളാ​യി ത​രം​തി​രി​ക്ക​ൽ ന​ട​ക്കാ​ത്ത​താ​ണ്​ പ്ര​ശ്നം. ആ​ലി​ശ്ശേ​രി​യി​ൽ പു​തി​യ സം​ഭ​ര​ണ​കേ​ന്ദ്രം പൂ​ർ​ത്തി​യാ​ക്കു​ന്ന​തോ​ടെ ത​രം​തി​രി​ക്ക​ൽ അ​വി​ടേ​ക്ക്​ മാ​റ്റു​മെ​ന്നാ​ണ്​ അ​ധി​കൃ​ത​രു​ടെ വി​ശ​ദീ​ക​ര​ണം.

സ​ർ​വ​തും ന​ശി​ച്ചു; ഇ​നി ആ​ര്​ ര​ക്ഷ​ക്കെ​ത്തും

ആ​ല​പ്പു​ഴ: ആ​ല​പ്പു​ഴ​ക്ക്​ അ​ഭി​മാ​ന​മാ​കു​മെ​ന്ന്​ ക​രു​തി​യ ആ​യു​ർ​വേ​ദ പ​ഞ്ച​ക​ർ​മ ആ​ശു​പ​ത്രി കെ​ട്ടി​ട​ത്തി​ന്‍റെ സ​ർ​വ​തും ന​ശി​ച്ചു. തൂ​ണു​ക​ളു​ടെ ബ​ല​ക്ഷ​യ​ത്തി​ൽ പാ​തി​വ​ഴി ഉ​പേ​ക്ഷി​ച്ച പ​ദ്ധ​തി ഇ​നി എ​ന്ന്​ തു​ട​ങ്ങു​മെ​ന്ന കാ​ര്യ​ത്തി​ൽ അ​ധി​കൃ​ത​ർ​ക്കു​പോ​ലും ഉ​റ​പ്പി​ല്ല. ലോ​കോ​ത്ത​ര നി​ല​വാ​ര​ത്തി​ൽ ആ​യു​ർ​വേ​ദ ആ​ശു​പ​ത്രി​യാ​യി​രു​ന്നു ല​ക്ഷ്യം.

കേ​ന്ദ്ര ആ​യു​ഷ്​ വ​കു​പ്പി​ൽ​നി​ന്ന്​ അ​ഞ്ചു​കോ​ടി മു​ട​ക്കി​യാ​ണ്​ പ​ദ്ധ​തി ത​യാ​റാ​ക്കി​യ​ത്. വ​ലി​യ ചു​ടു​കാ​ട്‌ ജ​ങ്‌​ഷ​നു​സ​മീ​പം ന​ഗ​ര​സ​ഭ​യു​ടെ ഒ​രേ​ക്ക​ർ 60 സെ​ന്‍റി​ൽ 2014ലാ​ണ് നി​ർ​മാ​ണം തു​ട​ങ്ങി​യ​ത്. 2015 ജ​നു​വ​രി​യി​ൽ കെ​ട്ടി​ട​നി​ർ​മാ​ണം പൂ​ർ​ത്തി​യാ​ക്കാ​നാ​യി​രു​ന്നു ക​രാ​ർ. ഹി​ന്ദു​സ്ഥാ​ൻ ഫ്രീ ​ഫാ​ബ്‌​സ് ലി​മി​റ്റ​ഡാ​ണ് ക​രാ​റെ​ടു​ത്ത​ത്.

2014ൽ ​തൂ​ണു​ക​ളു​ടെ​യും ആ​ദ്യ​നി​ല​യു​ടെ​യും കോ​ൺ​ക്രീ​റ്റ് ജോ​ലി​ക​ൾ പൂ​ർ​ത്തീ​ക​രി​ച്ചു. ആ​ദ്യ ഗ​ഡു​വാ​യി ല​ഭി​ച്ച ര​ണ്ടു​കോ​ടി​യി​ൽ പൈ​ലി​ങ്‌, 159 തൂ​ൺ, കെ​ട്ടി​ട​ത്തി​ന്‍റെ അ​ടി​ത്ത​റ, സ്ലാ​ബു​ക​ൾ എ​ന്നി​വ പൂ​ർ​ത്തി​യാ​ക്കി.

കെ​ട്ടി​ട​ത്തി​ൽ അ​പാ​ക​ത​യു​ണ്ടെ​ന്ന പ​രാ​തി​യി​ൽ പ​രി​ശോ​ധ​ന ന​ട​ത്തി. അ​ന്വേ​ഷ​ണ​ത്തി​ൽ മൂ​ന്ന്​ തൂ​ണി​ന്​ ബ​ല​ക്ഷ​യ​മു​ണ്ടെ​ന്ന്​ ക​ണ്ടെ​ത്തി​യ​തോ​ടെ​യാ​ണ്​ നി​ർ​മാ​ണം നി​ല​ച്ച​ത്. എ​ല്ലാ അ​പാ​ക​ത​ക​ളും പ​രി​ഹ​രി​ച്ച് വീ​ണ്ടും നി​ർ​മാ​ണം തു​ട​ങ്ങാ​ൻ സ​ർ​ക്കാ​ർ അ​നു​മ​തി ന​ൽ​കി​യെ​ങ്കി​ലും കെ​ട്ടി​ട​നി​ർ​മാ​ണം എ​ങ്ങു​മെ​ത്തി​യി​ല്ല.