കോട്ടയത്ത്​ ടിപ്പർലോറി ട്രാൻസ്​ഫോർമറിലേക്ക്​ ഇടിച്ചുകയറി മറിഞ്ഞു; വൻദുരന്തം ഒഴിവായി

കോ​ട്ട​യം: ന​ഗ​ര​മ​ധ്യ​ത്തി​ൽ നി​യ​ന്ത്ര​ണം​വി​ട്ട ടി​പ്പ​ർ​ലോ​റി ട്രാ​ൻ​സ്​​ഫോ​ർമ​റി​ലേ​ക്ക്​ ഇ​ടി​ച്ചു​ക​യ​റി​യ​ശേ​ഷം മ​റി​ഞ്ഞു. ഓ​ട്ടോ​റി​ക്ഷ​യി​ലും കാ​റി​ലും ഇ​ടി​ച്ച​ശേ​ഷ​മാ​യി​രു​ന്നു ട്രാ​ൻ​സ്​​ഫോ​ർമ​റി​ൽ ഇ​ടി​ച്ചു​മ​റി​ഞ്ഞ​ത്. ട്രാ​ൻ​സ്​​ഫോർ​മ​റി​ൽ ഇ​ടി​ച്ചെ​ങ്കി​ലും തീ​പി​ടി​ക്കാ​ത്ത​തി​നാ​ൽ വ​ൻ ദു​ര​ന്തം ഒ​ഴി​വാ​യി. അ​പ​ക​ട​ത്തെ​തു​ട​ർ​ന്ന്​ ​ മ​ണി​ക്കൂ​റു​ക​ളോ​ളം ടി.​ബി റോ​ഡ്​ ഗ​താ​ഗ​ത​ക്കു​രു​ക്കി​ലാ​യി.

വെള്ളിയാഴ്ച രാവിലെ പത്തോടെയാണ്​ സംഭവം. എം ​സാ​ന്‍റു​മാ​യി പോ​കു​ക​യാ​യി​രു​ന്ന ടി​പ്പ​ർ, കോ​ട്ട​യം കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ന്​ മു​ന്നി​ലു​ള്ള ഇ​റ​ക്കം ഇ​റ​ങ്ങു​ന്ന​തി​നി​ടെ നി​യ​ന്ത്ര​ണം വി​ടു​ക​യാ​യി​രു​ന്നു. തു​ട​ർ​ന്ന്​ മു​ന്നി​ൽ പോ​കു​ക​യാ​യി​രു​ന്ന ഓ​ട്ടോ​റി​ക്ഷ​യി​ലും കാ​റി​ലും ഇ​ടി​ച്ച​ശേ​ഷം ടി.​ബി​ക്ക്​ സ​മീ​പ​ത്തെ കെ.​എ​സ്.​ഇ.​ബി​യു​ടെ ട്രാ​ൻ​സ്ഫോ​ർമ​റി​ലേ​ക്ക് ഇ​ടി​ച്ച് ക​യ​റു​ക​യാ​യി​രു​ന്നു.

അ​പ​ക​ട​ത്തെ തു​ട​ർ​ന്ന്​ പ്ര​ദേ​ശ​ത്ത്​ ഏ​റെ​നേ​രം വൈ​ദ്യു​തി​യും മു​ട​ങ്ങി. ഏ​ക​ദേ​ശം നാ​ല് ല​ക്ഷം രൂ​പ​യു​ടെ ന​ഷ്ടം സം​ഭ​വി​ച്ച​താ​യി കെ.​എ​സ്.​ഇ.​ബി അ​ധി​കൃ​ത​ർ അ​റി​യി​ച്ചു. അ​പ​ക​ട​ത്തി​ൽ ലോ​റി ഡ്രൈ​വ​ർ അ​ട​ക്കം മൂ​ന്ന് ​പേ​ർ​ക്ക്​ നി​സ്സാ​ര പ​രി​ക്കേ​റ്റു.