കവുങ്ങുംകുഴി മാലിന്യസംസ്കരണ പ്ലാന്‍റ്​: മാലിന്യം നീക്കം ചെയ്യുന്നില്ല; ടൺ കണക്കിന്​ പ്ലാസ്റ്റിക് കൂമ്പാരം

എ​രു​മേ​ലി: നേ​ർ​ച്ച​പ്പാ​റ ക​വു​ങ്ങും​കു​ഴി മാ​ലി​ന്യ​സം​സ്ക​ര​ണ പ്ലാ​ന്‍റി​ൽ ട​ൺ ക​ണ​ക്കി​ന് വ​രു​ന്ന പ്ലാ​സ്റ്റി​ക് മാ​ലി​ന്യം കു​മി​ഞ്ഞു​കൂ​ടി​യ​താ​യി പ​രാ​തി. 23 വാ​ർ​ഡു​ക​ളി​ലെ ഹ​രി​ത ക​ർ​മ​സേ​ന അം​ഗ​ങ്ങ​ൾ ശേ​ഖ​രി​ച്ച പ്ലാ​സ്റ്റി​ക് മാ​ലി​ന്യ​മാ​ണ് ഇ​വി​ടെ കു​മി​ഞ്ഞു​കൂ​ടി​യ​ത്. വേ​ർ​തി​രി​ച്ച പ്ലാ​സ്റ്റി​ക് മാ​ലി​ന്യം വീ​ടു​ക​ളി​ൽ​നി​ന്ന്​ ശേ​ഖ​രി​ക്കു​ന്ന​തി​ന് 50 രൂ​പ വീ​ട്ടു​കാ​രി​ൽ​നി​ന്ന്​ ഈ​ടാ​ക്കു​ന്നു​ണ്ട്. എ​ന്നാ​ൽ, ഈ ​മാ​ലി​ന്യം ക​വു​ങ്ങും​കു​ഴി മാ​ലി​ന്യ സം​സ്ക​ര​ണ പ്ലാ​ന്‍റി​ൽ കെ​ട്ടി​ക്കി​ട​ക്കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു.

കെ​ട്ടി​ക്കി​ട​ക്കു​ന്ന മാ​ലി​ന്യം പ്ര​ദേ​ശ​വാ​സി​ക​ളെ ദു​രി​ത​ത്തി​ലാ​ക്കു​ന്നു. പ്ര​ദേ​ശ​ത്ത് കൊ​തു​ക്, തെ​രു​വു​നാ​യ്​ ശ​ല്യം രൂ​ക്ഷ​മാ​ണെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു. വേ​ർ​തി​രി​ച്ച പ്ലാ​സ്റ്റി​ക് മാ​ലി​ന്യം നീ​ക്കു​ന്ന​തി​ന് പ​ഞ്ചാ​യ​ത്ത് തി​രു​വോ​ണം എ​ന്ന ഏ​ജ​ൻ​സി​ക്ക് ക​രാ​ർ ന​ൽ​കി​യെ​ങ്കി​ലും ഏ​ജ​ൻ​സി​യും പ്ലാ​സ്റ്റി​ക് മാ​ലി​ന്യം കൊ​ണ്ടു​പോ​കു​ന്നി​ല്ലെ​ന്നാ​ണ് ആ​ക്ഷേ​പം.

അ​ജൈ​വ മാ​ലി​ന്യം കൊ​ണ്ടു​പോ​കു​ന്ന​തി​ന് പ​ഞ്ചാ​യ​ത്ത് ഏ​ജ​ൻ​സി​ക്ക് പ​ണം ന​ൽ​കു​ന്നു​ണ്ട്. വീ​ടു​ക​ളി​ൽ​നി​ന്ന്​ ശേ​ഖ​രി​ക്കു​ന്ന വേ​ർ​തി​രി​ച്ച പ്ലാ​സ്റ്റി​ക്കി​ന് ഏ​ജ​ൻ​സി ഹ​രി​ത​ക​ർ​മ സേ​ന​ക്ക് ചെ​റി​യ തു​ക ന​ൽ​ക​ണ​മെ​ന്നാ​ണ് ക​രാ​റെ​ന്ന് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ ജി​ജി​മോ​ൾ സ​ജി പ​റ​യു​ന്നു. എ​ന്നാ​ൽ, ഏ​ജ​ൻ​സി ആ​ദ്യ​ത​വ​ണ കു​റ​ച്ച് മാ​ലി​ന്യം കൊ​ണ്ടു​പോ​യെ​ങ്കി​ലും പി​ന്നീ​ട് പ​ല​കാ​ര​ണ​ങ്ങ​ളും പ​റ​ഞ്ഞ് മു​ട​ക്കു​ക​യാ​ണ്. ക​രാ​ർ​പ്ര​കാ​രം മാ​ലി​ന്യം നീ​ക്കി​യി​ല്ലെ​ങ്കി​ൽ ഏ​ജ​ൻ​സി​ക്കെ​തി​രെ നി​യ​മ​ന​ട​പ​ടി​യെ​ക്കു​റി​ച്ച് ആ​ലോ​ചി​ക്കു​മെ​ന്നും പു​തി​യ ഏ​ജ​ൻ​സി​ക്ക് ക​രാ​ർ ന​ൽ​കു​മെ​ന്നും ജി​ജി​മോ​ൾ സ​ജി പ​റ​ഞ്ഞു.