ആനവണ്ടീ... കേറിക്കോ...പാടിക്കോ...

കോ​ട്ട​യം: വ​മ്പ​ൻ ഹി​റ്റാ​യി മ​ധ്യ​വേ​ന​ൽ അ​വ​ധി​ക്കാ​ല​ത്തെ ആ​ന​വ​ണ്ടി​യി​ലെ ഉ​ല്ലാ​സ​യാ​ത്ര. കെ.​എ​സ്.​ആ​ർ.​ടി.​സി​യി​ലെ ബ​ജ​റ്റ്​ ടൂ​റി​സം സെ​ല്ലി​ന്‍റെ നേ​തൃ​ത്വ​ത്തി​ൽ ഏ​പ്രി​ൽ -മേ​യ് മാ​സ​ങ്ങ​ളി​ൽ ന​ട​ത്തി​യ ഉ​ല്ലാ​സ​യാ​ത്ര​യി​ൽ വ​രു​മാ​ന​മാ​യി ല​ഭി​ച്ച​ത്​ 15,66,013 രൂ​പ. ജി​ല്ല​യി​ൽ കൂ​ടു​ത​ൽ വ​രു​മാ​നം നേ​ടി​യ​ത് പാ​ലാ യൂ​നി​റ്റാ​ണ്. ഏ​പ്രി​ലി​ൽ 2,95,700 രൂ​പ​യും മേ​യി​ൽ 3,17,730 രൂ​പ​യും അ​ട​ക്കം 6,13,430 രൂ​പ​യാ​ണ്​ പാ​ലാ യൂ​നി​റ്റി​നു കി​ട്ടി​യ​ത്. കോ​ട്ട​യം യൂ​നി​റ്റാ​ണ്​ ര​ണ്ടാം സ്ഥാ​ന​ത്ത്. ഏ​പ്രി​ലി​ൽ 2,67,672 രൂ​പ​യും മേ​യി​ൽ 3,03,560 രൂ​പ​യു​മ​ട​ക്കം 5,71,232 രൂ​പ ​ നേ​ടി.

കോ​ട്ട​യം, ച​ങ്ങ​നാ​ശ്ശേ​രി, വൈ​ക്കം, പാ​ലാ യൂ​നി​റ്റു​ക​ളി​ൽ​നി​ന്നാ​യി 48 യാ​ത്ര​ക​ളാ​ണ്​ ക്ര​മീ​ക​രി​ച്ച​ത്. 2010 യാ​ത്ര​ക്കാ​ർ പ​​ങ്കെ​ടു​ത്തു. മൂ​ന്നാ​ർ, അ​ഞ്ചു​രു​ളി, ഗ​വി, മാ​മ​ല​ക്ക​ണ്ടം, മ​ല​ക്ക​പ്പാ​റ, മ​ൺ​റോ​തു​രു​ത്ത് യാ​ത്ര​ക​ളാ​ണ് കൂ​ടു​ത​ൽ ന​ട​ത്തി​യ​ത്. ഇ​തു​കൂ​ടാ​തെ കോ​ട്ട​യം, ച​ങ്ങ​നാ​ശ്ശേ​രി യൂ​നി​റ്റു​ക​ളി​ൽ​നി​ന്നാ​യി ക​പ്പ​ൽ യാ​ത്ര​യും ഒ​രു​ക്കി​യി​രു​ന്നു. യാ​ത്ര​ക്കാ​രെ ബ​സു​ക​ളി​ൽ എ​റ​ണാ​കു​ള​ത്തെ​ത്തി​ച്ച്​ അ​വി​ടെ ‘നെ​ഫെ​ർ​റ്റി​റ്റി’ എ​ന്ന ഫോ​ർ​സ്റ്റാ​ർ സൗ​ക​ര്യ​മു​ള്ള ക​പ്പ​ലി​ൽ അ​ഞ്ചു മ​ണി​ക്കൂ​ർ യാ​ത്ര​യാ​യി​രു​ന്നു ഒ​രു​ക്കി​യ​ത്. ക​ല്യാ​ണ ആ​വ​ശ്യ​ങ്ങ​ൾ​ക്കും ബ​സ്​ വി​ട്ടു​ന​ൽ​കി​യി​രു​ന്നു. നി​ല​വി​ൽ ഞാ​യ​റാ​ഴ്ച​ക​ളി​ലാ​ണ്​ യാ​ത്ര. സ​ർ​വി​സ് ബ​സ്​ ഉ​പ​യോ​ഗി​ച്ചാ​ണ് ട്രി​പ്പു​ക​ൾ. ദൂ​ര​യാ​ത്ര​ക​ൾ​ക്ക് സൂ​പ്പ​ർ ഡീ​ല​ക്സ്, എ.​സി ലോ ​ഫ്ലോ​ർ ഉ​പ​യോ​ഗി​ക്കാ​റു​ണ്ട്. നി​ര​വ​ധി പേ​രാ​ണ്​ കെ.​എ​സ്.​ആ​ർ.​ടി.​സി​യി​ലെ യാ​ത്ര​ക്കാ​യി എ​ത്തു​ന്ന​ത്. മ​ഴ​ക്കാ​ലം ആ​രം​ഭി​ച്ച​തോ​ടെ മ​ൺ​സൂ​ൺ​യാ​ത്ര ഇ​ഷ്​​ട​പ്പെ​ടു​ന്ന​വ​രും കൂ​ടു​ത​ലാ​യി എ​ത്തും.

കെ.​എ​സ്.​ആ​ർ.​ടി.​സി പാ​ക്കേ​ജി​ൽ ഉ​ൾ​പ്പെ​ടാ​ത്ത ഉ​ല്ലാ​സ​യാ​ത്ര​ക​ൾ​ക്കും​ ട്രി​പ് ക്ര​മീ​ക​രി​ച്ചു ന​ൽ​കു​മെ​ന്ന്​ സെ​ൻ​ട്ര​ൽ സോ​ണ​ൽ കോ​ഓ​ഡി​നേ​റ്റ​ർ ആ​ർ. അ​നീ​ഷ് പ​റ​ഞ്ഞു. ആ​ന​വ​ണ്ടി​യി​ൽ വി​നോ​ദ​യാ​​ത്ര പോ​കാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ അ​ത​ത്​ യൂ​നി​റ്റു​ക​ളെ ബ​ന്ധ​പ്പെ​ടാം. ജൂ​ൺ, ജൂ​ലൈ മാ​സ​ങ്ങ​ളി​ൽ ക​പ്പ​ൽ യാ​ത്ര​യി​ല്ല.

ബെല്ലടിക്കാം യാത്രക്ക്​...

• സെ​ൻ​ട്ര​ൽ സോ​ണ​ൽ കോ​ഓ​ഡി​നേ​റ്റ​ർ -9947110905
• ജി​ല്ല കോ​ഓ​ഡി​നേ​റ്റ​ർ -9447223212
• കോ​ട്ട​യം -9188456895
• വൈ​ക്കം -9995987321
• പാ​ലാ - 8921531106
• ച​ങ്ങ​നാ​ശ്ശേ​രി -7510112360