റേഷനരിക്കടത്ത്​: മൂന്ന്​ പേർ റിമാൻഡിൽ

കോ​ഴി​​ക്കോ​ട്​: വ​ലി​യ​ങ്ങാ​ടി​യി​ൽ​നി​ന്ന് 182 ചാ​ക്ക്​ റേ​ഷ​ന​രി പി​ടി​കൂ​ടി​യ സം​ഭ​വ​ത്തി​ൽ മൂ​ന്ന്​ പ്ര​തി​ക​ളെ ജു​ഡീ​ഷ്യ​ൽ ഫ​സ്റ്റ്​ ക്ലാ​സ്​ മ​ജി​സ്​​ട്രേ​റ്റ്​ റി​മാ​ൻ​ഡ്​ ചെ​യ്തു.

ഞാ​യ​റാ​ഴ്ച ​വൈ​കീ​ട്ടോ​​ടെ​യാ​ണ്​ ടൗ​ൺ പൊ​ലീ​സ്​ പ്ര​തി​ക​ളെ മ​ജി​സ്​​ട്രേ​റ്റി​ന്​ മു​ന്നി​ൽ ഹാ​ജ​രാ​ക്കി​യ​ത്. ശ​നി​യാ​ഴ്‌​ച വൈ​കീ​ട്ട്‌ വ​ലി​യ​ങ്ങാ​ടി​യി​ലെ സീ​ന ട്രേ​ഡേ​ഴ്സി​ൽ​നി​ന്ന് ക​യ​റ്റി​ക്കൊ​ണ്ടു​പോ​കു​ക​യാ​യി​രു​ന്ന റേ​ഷ​ന​രി​യാ​ണ്‌ ചെ​റൂ​ട്ടി റോ​ഡി​ൽ​നി​ന്ന്‌ ടൗ​ൺ പൊ​ലീ​സ്‌ പി​ടി​കൂ​ടി​യ​ത്‌.

ക​ട​യു​ട​മ നി​ർ​മ​ൽ, ലോ​റി ഡ്രൈ​വ​ർ തി​രു​വ​ന​ന്ത​പു​രം സ്വ​ദേ​ശി അ​പ്പു​ക്കു​ട്ട​ൻ, സ​ഹാ​യി ഹു​സൈ​ൻ എ​ന്നി​വ​രാ​ണ്​ അ​റ​സ്റ്റി​ലാ​യ​ത്. മ​ട്ട അ​രി​യാ​ണ്​ പി​ടി​കൂ​ടി​യ​തെ​ന്ന്​ പൊ​ലീ​സ്​ പ​റ​ഞ്ഞു. അ​തു​കൊ​ണ്ടു​ ത​ന്നെ അ​ടു​ത്ത കാ​ല​ത്ത്​ ന​ട​ന്ന ഇ​ട​പാ​ടാ​ണി​തെ​ന്നാ​ണ്​ നി​ഗ​മ​നം.

ജി​ല്ല​യി​ൽ അ​ടു​ത്ത കാ​ല​ത്താ​ണ്​ മ​ട്ട അ​രി റേ​ഷ​ൻ ക​ട​ക​ളി​ൽ വി​ത​ര​ണ​ത്തി​ന്​ എ​ത്തി​ത്തു​ട​ങ്ങി​യ​ത്. വ​ലി​യ​ങ്ങാ​ടി കേ​ന്ദ്രീ​ക​രി​ച്ച്​ വ​ലി​യ തോ​തി​ൽ റേ​ഷ​ന​രി എ​ത്തു​ന്ന​താ​യി പൊ​ലീ​സി​ന്​ വി​വ​രം ല​ഭി​ച്ചി​ട്ടു​ണ്ട്.

ശ​നി​യാ​ഴ്​​ച അ​രി പി​ടി​കൂ​ടി​യ​ത്​ സം​ബ​ന്ധി​ച്ച് വി​ശ​ദ അ​ന്വേ​ഷ​ണം ആ​രം​ഭി​ച്ച​താ​യി ടൗ​ൺ പൊ​ലീ​സ്​ പ​റ​ഞ്ഞു. പി​ടി​ച്ചെ​ടു​ത്ത അ​രി നി​ല​വി​ൽ ടൗ​ൺ പൊ​ലീ​സ്​ ക​സ്റ്റ​ഡി​യി​ലാ​ണ്. ഇ​ത്​ റേ​ഷ​ൻ ഗോ​ഡൗ​ണി​ലേ​ക്ക്​ മാ​റ്റു​മെ​ന്ന്​ താ​ലൂ​ക്ക്​ സ​പ്ലൈ ഓ​ഫി​സ്​ അ​റി​യി​ച്ചു.