പു​ഴ​യി​ൽ ഒ​ഴു​ക്ക് കൂ​ടി; തൂ​ത​പ്പാ​ലം നി​ർ​മാ​ണം നി​ല​ച്ചു

പെ​രി​ന്ത​ൽ​മ​ണ്ണ: ക​ന​ത്ത മ​ഴ​യി​ൽ തൂ​ത​പ്പു​ഴ​യി​ൽ വെ​ള്ള​ത്തി​ന്റെ ഒ​ഴു​ക്ക് കൂ​ടി​യ​തും ജ​ല​നി​ര​പ്പ് ഉ​യ​ർ​ന്ന​തും പു​തി​യ പാ​ല​ത്തി​ന്റെ നി​ർ​മാ​ണ പ്ര​വൃ​ത്തി​ക​ൾ​ക്ക് ത​ട​സ്സ​മാ​യി. ജൂ​ണി​ൽ മ​ഴ വ​രു​ന്ന​തി​ന് മു​മ്പാ​യി പാ​ലം നി​ർ​മാ​ണ പ്ര​വൃ​ത്തി​ക​ൾ ഏ​താ​ണ്ട് പൂ​ർ​ത്തി​യാ​ക്കാ​നാ​ണ് ല​ക്ഷ്യ​മി​ട്ടി​രു​ന്ന​ത്. മു​ണ്ടൂ​ർ-​തൂ​ത സം​സ്ഥാ​ന​പാ​ത​യു​ടെ ന​വീ​ക​ര​ണ പ​ദ്ധ​തി​യി​ൽ​പെ​ടു​ത്തി​യാ​ണ് ചെ​ർ​പ്പു​ള​ശ്ശേ​രി-​പെ​രി​ന്ത​ൽ​മ​ണ്ണ പാ​ത​യി​ലെ തൂ​ത​യി​ൽ പു​ഴ​ക്കു​കു​റു​കെ പു​തി​യ പാ​ലം നി​ർ​മി​ക്കു​ന്ന​ത്.

പ​ഴ​യ പാ​ല​ത്തി​ന് സ​മാ​ന്ത​ര​മാ​യി 10 മീ​റ്റ​ർ വീ​തി​യി​ലാ​ണ് പു​തി​യ പാ​ലം. മേ​യ് മാ​സ​ത്തോ​ടെ നി​ർ​മാ​ണ പ്ര​വൃ​ത്തി​ക​ളു​ടെ ഭൂ​രി​ഭാ​ഗ​വും തീ​ർ​ക്കാ​ൻ ല​ക്ഷ്യ​മി​ട്ടി​രു​ന്നു. പു​ഴ​യി​ൽ പാ​റ​ക​ൾ നി​ര​പ്പാ​ക്കു​ന്ന പ്ര​വൃ​ത്തി​ക​ൾ​ക്ക് കൂ​ടു​ത​ൽ ദി​വ​സ​ങ്ങ​ൾ വേ​ണ്ടി​വ​ന്നു. ഇ​പ്പോ​ൾ തൂ​ണു​ക​ളു​ടെ നി​ർ​മാ​ണം ഏ​താ​ണ്ട് പൂ​ർ​ത്തി​യാ​യി. എ​ന്നാ​ൽ, അ​പ്ര​തീ​ക്ഷി​ത​മാ​യി മ​ഴ എ​ത്തി​യ​തോ​ടെ പ്ര​വൃ​ത്തി​ക​ൾ തു​ട​രു​ന്ന​തി​ന് ത​ട​സ്സ​മാ​യി.

ക​ന​ത്ത മ​ഴ​യി​ൽ പു​ഴ​യി​ൽ വെ​ള്ള​ത്തി​ന്റെ ഒ​ഴു​ക്ക് കൂ​ടി. ഇ​തോ​ടെ നി​ർ​മാ​ണ​ത്തി​നു​ള്ള യ​ന്ത്ര​സാ​മ​ഗ്രി​ക​ളും വാ​ഹ​ന​ങ്ങ​ളും ഇ​റ​ക്കു​ന്ന​തി​ന് മ​ണ്ണും ക​ല്ലും ഉ​പ​യോ​ഗി​ച്ച് പു​ഴ​യി​ൽ താ​ൽ​ക്കാ​ലി​ക​മാ​യി നി​ർ​മി​ച്ചി​രു​ന്ന ഓ​വു​പാ​ലം ഒ​ലി​ച്ചു​പോ​യി. ഇ​ത് നി​ർ​മാ​ണ പ്ര​വൃ​ത്തി​ക​ൾ തു​ട​രു​ന്ന​തി​ന് ത​ട​സ്സ​മാ​യി.

അ​തേ​സ​മ​യം, പാ​ല​ത്തി​ന്റെ അ​പ്രോ​ച്ച് റോ​ഡി​നോ​ട്‌ ചേ​ർ​ന്ന സം​ര​ക്ഷ​ണ ഭി​ത്തി​യു​ടെ ഒ​രു ഭാ​ഗം ക​ഴി​ഞ്ഞ ദി​വ​സം പു​ഴ​യി​ലേ​ക്ക് ഇ​ടി​ഞ്ഞു​വീ​ണു. പാ​ല​ത്തി​ന്റെ തൂ​ൺ നി​ർ​മി​ക്കു​ന്ന​തി​ന് മ​ണ്ണെ​ടു​ത്ത ഭാ​ഗ​ത്തോ​ട് ചേ​ർ​ന്ന സം​ര​ക്ഷ​ണ ഭി​ത്തി​യു​ടെ ഒ​രു ഭാ​ഗ​മാ​ണ് ഇ​ടി​ഞ്ഞു​വീ​ണ​ത്. മ​ല​പ്പു​റം -പാ​ല​ക്കാ​ട് ജി​ല്ല​ക​ളു​ടെ അ​തി​ർ​ത്തി​യി​ലു​ള്ള പാ​ല​ത്തി​ന്റെ വീ​തി​ക്കു​റ​വ് ഇ​വി​ടെ നി​ത്യ​വും ഗ​താ​ഗ​ത കു​രു​ക്കി​ന് ഇ​ട​യാ​ക്കു​ന്നു​ണ്ട്.