മലമ്പുഴ അണക്കെട്ടിന്‍റെ നാല് ഷട്ടറുകൾ ഇന്ന് തുറക്കും

പാലക്കാട്: മലമ്പുഴ അണക്കെട്ടിന്‍റെ നാല് ഷട്ടറുകൾ ഇന്ന് തുറക്കും. ഉച്ചകഴിഞ്ഞ് മൂന്ന് മണിക്ക് ഒരടി വീതമാണ് ഷട്ടറുകൾ തുറക്കുക. പുഴയോരത്തുള്ളവർ ജാഗ്രത പാലിക്കണമെന്ന് അധികൃതർ അറിയിച്ചു.

ഇന്ന്​ മിതമായ തോതിലും അഞ്ചിന് ഒറ്റപ്പെട്ട പ്രദേശങ്ങളില്‍ കനത്ത മഴക്കും ആറിന് ഒറ്റപ്പെട്ട സ്ഥലങ്ങളില്‍ വളരെ കനത്ത മഴക്കും ഏഴിന് പേമാരിക്കും സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷകേന്ദ്രത്തി​​​െൻറ മുന്നറിയിപ്പ് ഉണ്ടായിരുന്നു. ഈ സാഹചര്യത്തിൽ പാലക്കാട്, തൃശ്ശൂർ, ഇടുക്കി ജില്ലകളില്‍ ഒക്‌ടോബര്‍ ഏഴിന്​ റെഡ് അലെര്‍ട്ട് പ്രഖ്യാപിക്കുകയും ചെയ്തിരുന്നു.

ജനങ്ങള്‍ ജാഗ്രത പാലിക്കണമെന്ന് ജില്ല കലക്ടര്‍ അറിയിച്ചു. ഏത് അടിയന്തിര സാഹചര്യവും നേരിടാനുള്ള എല്ലാ സംവിധാനങ്ങളും ഒരുക്കിയിട്ടുണ്ടെന്നും ജില്ല കലക്ടര്‍ ഡി. ബാലമുരളി അറിയിച്ചു.