പിതാവ്​ മരിച്ച്​ രണ്ടാംമാസം യുവാവ്​ ട്രെയിൻ തട്ടി മരിച്ചു

വർക്കല: പിതാവ്​ ദുരൂഹസാഹചര്യത്തിൽ മരിച്ച്​ രണ്ടുമാസം പിന്നിടവെ മകനെ ട്രെയിൻ തട്ടി മരിച്ച നിലയിൽ കണ്ടെത്തി. കരുനിലക്കോട് പ്ലാവിള വീട്ടിൽ പരേതനായ ഷാജിയുടേയും കൈരളിയുടെയും മകൻ ആനന്ദ് കെ. ഷാജി(28)യാണ് മരിച്ചത്.

ബുധനാഴ്ച വൈകീട്ട്​ 7.40ന് വർക്കല ജനതാമുക്ക് ലെവൽക്രോസ്സിന് സമീപത്തായിരുന്നു ദാരുണാന്ത്യം. തിരുവനന്തപുരത്ത്​ നിന്ന്​ വരികയായിരുന്ന മലബാർ എക്‌സ്പ്രസാണ്​ ഇടിച്ചത്​. ശരീരം തിരിച്ചറിയാൻ കഴിയാത്ത വിധം ചിന്നി ചിതറി.

കീശയിൽനിന്നും നിന്നും പൊലീസ് ആത്മഹത്യ കുറിപ്പ് കണ്ടെത്തിയിട്ടുണ്ട്​. മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിൽ പോസ്റ്റുമോർട്ടത്തിന് ശേഷം വെള്ളിയാഴ്ച സംസ്കരിക്കും.

ആനന്ദിന്‍റെ പിതാവ് ഷാജി ഇക്കഴിഞ്ഞ ഒക്ടോബർ 12നാണ്​ മരിച്ചത്​. മൃതദേഹം കത്തിക്കരിഞ്ഞ നിലയിൽ പാപനാശം ഹെലിപ്പാഡിന് സമീപത്തെ നിർമ്മാണത്തിലിരുന്ന വീട്ടിലെ ചായ്പ്പിലാണ് കാണപ്പെട്ടത്.

ഷാജിയുടെ രണ്ടാമത്തെ മകനാണ് ആനന്ദ്. മറ്റുമക്കൾ: അപ്പു, അരവിന്ദ്.