'പ​ഴ​യൊ​രു മോ​ഷ​ണ​ത്തി​ന് പ്രാ​യ​ശ്ചി​ത്തം ചെ​യ്യാ​ൻ വ​ന്ന​താ​ണെ​ന്നും പറഞ്ഞാണ് ദമ്പതികൾ ആ വീട്ടിലെത്തിയത്'; ഇതാ, മാമ്പഴ മധുരമുള്ള പ്രായശ്ചിത്ത കഥ

വെ​ള്ളി​പറ​മ്പ് (കോ​ഴി​ക്കോ​ട്): അ​പ്ര​തീ​ക്ഷി​ത​മാ​യി വീ​ട്ടി​ലെ​ത്തി​യ ദ​മ്പ​തി​ക​ൾ പ​ഴ​യൊ​രു മോ​ഷ​ണ​ത്തി​ന് പ്രാ​യ​ശ്ചി​ത്തം ചെ​യ്യാ​ൻ വ​ന്ന​താ​ണെ​ന്ന് പ​റ​ഞ്ഞ​പ്പോ​ൾ വെ​ള്ളി​പറ​മ്പ് പു​തി​യോ​ട്ടി​ൽ വി​നോ​ദും കു​ടും​ബ​വും ഒ​ന്ന് ​അ​മ്പ​ര​ന്നു. വെ​ള്ളാ​യി​ക്കോ​ട് നി​ന്ന് വ​ന്ന മൂ​സ​ക്കോ​യ​യും ഭാ​ര്യ ഷാ​ഹി​ദ​യും കാ​ര​ണം വെ​ളി​പ്പെ​ടു​ത്തി​യ​തോ​ടെ ഉ​ള്ള് നി​റ​ഞ്ഞ് ചി​രി​ച്ചു; ര​ണ്ടു കു​ടും​ബ​ങ്ങ​ൾ ത​മ്മി​ൽ മ​ധു​ര​മാ​യൊ​രു സ്നേ​ഹ​സൗ​ഹൃ​ദം വി​രി​ഞ്ഞു.

മോ​ഷ​ണ​ക്ക​ഥ​ക്ക് നാ​ല​ര പ​തി​റ്റാ​ണ്ടി​ന്റെ പ​ഴ​ക്ക​മു​ണ്ട്. 18ാം വ​യ​സ്സി​ൽ വെ​ള്ളി​പ്പ​റ​മ്പി​ലെ സ്ഥാ​പ​ന​ത്തി​ൽ വെ​ൽ​ഡി​ങ് ജോ​ലി​ക്ക് വ​ന്ന​പ്പോ​ൾ അ​യ​ൽ​വീ​ട്ടി​ലെ മാ​വി​ൽ പാ​ക​മാ​യി നി​ന്ന വ​ലി​യ മാ​ങ്ങ​ക​ൾ ക​ണ്ടു​മോ​ഹി​ച്ച​താ​ണ് മൂ​സ​ക്കോ​യ. ഒ​രു ദി​വ​സം ജോ​ലി ക​ഴി​ഞ്ഞ് പോ​കു​മ്പോ​ൾ അ​നു​വാ​ദം ചോ​ദി​ക്കാ​തെ മാ​ങ്ങ​യൊ​ന്ന് പ​റി​ച്ച് സ​ഞ്ചി​യി​ലി​ട്ടു. വീ​ട്ടി​ലെ​ത്തി സ​ഹോ​ദ​രി​മാ​ർ​ക്കൊ​പ്പം ക​ഴി​ച്ച് മാ​ങ്ങാ​ണ്ടി വീ​ടി​ന് പി​ന്നി​ൽ ന​ടു​ക​യും ചെ​യ്തു. മാ​വ് വ​ള​ർ​ന്ന് വ​ലു​താ​യി 44 വ​ർ​ഷ​ങ്ങ​ൾ​ക്ക് ശേ​ഷം ക​ഴി​ഞ്ഞ കൊ​ല്ല​മാ​ണ് ആ​ദ്യ മാ​ങ്ങ​യു​ണ്ടാ​യ​ത്. ഇ​ക്കു​റി മ​ര​ത്തി​ൽ മാ​ങ്ങ​ക​ൾ നി​റ​ഞ്ഞ​പ്പോ​ൾ ആ​ദ്യം ഓ​ർ​മ വ​ന്ന​ത് 45 വ​ർ​ഷം മു​മ്പ് അ​നു​വാ​ദ​മി​ല്ലാ​തെ പ​റി​ച്ചെ​ടു​ത്ത മാ​ങ്ങ​യും ആ ​വീ​ടു​മാ​ണ്.

കൂ​ടു​ത​ലൊ​ന്നും ആ​ലോ​ചി​ച്ചി​ല്ല. മൂ​പ്പെ​ത്തി​യ ഏ​താ​നും മാ​ങ്ങ​ക​ളു​മാ​യി ആ ​പ​ഴ​യ വീ​ട് തേ​ടി മൂ​സ​ക്കോ​യ​യും ഭാ​ര്യ​യും വെ​ള്ളി​പറ​മ്പി​ൽ എ​ത്തി. അ​വി​ടെ ആ ​വീ​ട് പു​തി​യ രൂ​പ​ത്തി​ൽ അ​തേ സ്ഥാ​ന​ത്തു​ണ്ട്. പ​രേ​ത​നാ​യ പു​തി​യോ​ട്ടി​ൽ ശ്രീ​ധ​ര​ൻ നാ​യ​രു​ടേ​താ​യി​രു​ന്നു വീ​ട്. അ​ദ്ദേ​ഹ​ത്തി​ന്റെ ഭാ​ര്യ പു​ഷ്പാ​വ​തി, മ​ക​ൻ വി​നോ​ദ്, ഭാ​ര്യ പ്രി​യ എ​ന്നി​വ​ർ ആ​ഗ​ത​രെ സ്വീ​ക​രി​ച്ചു.

മൂ​സ​ക്കോ​യ പ​റ​ഞ്ഞ ക​ഥ കേ​ട്ട് പു​ഷ്പാ​വ​തി​യു​ടെ ക​ൺ​ക​ളി​ൽ​നി​ന്ന് സ​ന്തോ​ഷ​ക്ക​ണ്ണീ​ർ പൊ​ടി​ഞ്ഞു. പി​ന്നാ​മ്പു​റ​ത്തെ മാ​വ് വ​ർ​ഷ​ങ്ങ​ൾ​ക്ക് മു​മ്പേ മു​റി​ച്ചി​രു​ന്നു. വ​ലി​യ ഇ​നം മാ​ങ്ങ​യാ​ണ് അ​തി​ൽ ഉ​ണ്ടാ​കാ​റെ​ന്ന് അ​ച്ഛ​ൻ പ​റ​ഞ്ഞ​ത് വി​നോ​ദ് ഓ​ർ​ത്തെ​ടു​ത്തു. മൂ​സ​ക്കോ​യ സ​മ്മാ​നി​ച്ച മാ​ങ്ങ​യി​ൽ​നി​ന്ന് അ​ച്ഛ​ന്റെ ഓ​ർ​മ​യു​ള്ള മാ​വി​ൻ തൈ​ക​ൾ ന​ട്ടു​മു​ള​പ്പി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. അ​നു​വാ​ദം ചോ​ദി​ക്കാ​തെ ഒ​രു മാ​ങ്ങ പ​റി​ച്ച​ത് വ​ലി​യ അ​പ​രാ​ധ​മാ​യി ക​രു​ത​ണോ എ​ന്നു ചോ​ദി​ച്ച​പ്പോ​ൾ അ​നു​വാ​ദ​മി​ല്ലാ​തെ മൊ​ട്ടു​സൂ​ചി എ​ടു​ത്താ​ലും നേ​രി​ന് നി​ര​ക്കാ​ത്ത​താ​ണ് എ​ന്നാ​യി​രു​ന്നു മൂ​സ​ക്കോ​യ​യു​ടെ മ​റു​പ​ടി. സൗ​ദി​യി​ൽ 22 വ​ർ​ഷം പ്ര​വാ​സി​യാ​യി​രു​ന്ന ഇ​​ദ്ദേ​ഹ​മി​പ്പോ​ൾ പെ​രു​മ​ണ്ണ​യി​ൽ ഹാ​ർ​ഡ് വെ​യ​ർ ഷോ​പ് ന​ട​ത്തു​ക​യാ​ണ്.