ഓ​ണം ക​ഴി​ഞ്ഞു​ള്ള തി​ര​ക്കി​ൽ ട്രെ​യി​നു​ക​ളി​ൽ​ ദു​രി​ത​യാ​​ത്ര

തി​രു​വ​ന​ന്ത​പു​രം: സ്​​പെ​ഷ​ലു​ക​ൾ പ്ര​ഖ്യാ​പി​​​ച്ചെ​ങ്കി​ലും ഓ​ണം ക​ഴി​ഞ്ഞു​ള്ള തി​ര​ക്കി​ൽ ട്രെ​യി​നു​ക​ളി​ൽ​ ദു​രി​ത​യാ​​ത്ര. ജ​ന​റ​ൽ ക​മ്പാ​ർ​ട്ടു​മെ​ന്‍റു​ക​ളി​ൽ നി​ന്നു​തി​രി​യാ​ൻ ഇ​ട​മി​ല്ലാ​തെ കു​ത്തി​നി​റ​ച്ചാ​ണ്​ പ​ല ​ട്രെ​യി​നു​ക​ളും ഓ​ടു​ന്ന​ത്. സ്​​പെ​ഷ​ൽ ട്രെ​യി​നു​ക​ളി​ൽ ടി​ക്ക​റ്റു​ക​ൾ പ്ര​ഖ്യാ​പി​ച്ചു​യ​ട​ൻ ത​ന്നെ തീ​ർ​ന്നു. സ്ഥി​രം ട്രെ​യി​നു​ക​ളി​ലാ​ക​ട്ടെ കാ​ലു​കു​ത്താ​ൻ ക​ഴി​യാ​ത്ത സ്ഥി​തി​യും. വെ​യി​റ്റി​ങ്​ ലി​സ്റ്റി​ൽ അ​വ​സാ​നം വ​രെ പ്ര​തീ​ക്ഷ​യ​ർ​പ്പി​ച്ച​വ​രും ഒ​ടു​വി​ൽ സീ​റ്റി​ല്ലാ​തെ ജ​ന​റ​ൽ ക​മ്പാ​ർ​ട്ടു​മെ​ന്‍റു​ക​ളെ ആ​​​ശ്ര​യി​ക്കാ​ൻ നി​ർ​ബ​ന്ധി​ത​മാ​വു​ക​യാ​ണ്. ഞാ​യ​റാ​ഴ്ച രാ​വി​ലെ തി​രു​വ​ന​ന്ത​പു​ര​ത്ത്​ നി​ന്ന്​ പു​റ​പ്പെ​ടു​ന്ന കോ​ഴി​ക്കോ​ട്​ ജ​ന​ശ​താ​ബ്​​ദി​യി​ൽ സെ​ക്ക​ന്‍റ്​ സി​റ്റി​ങ്ങി​ലെ വെ​യി​റ്റി​ങ്​ ലി​സ്റ്റ്​ 200 ആ​ണ്. അ​​ന്നേ ദി​വ​സ​ത്തെ മം​ഗ​ളൂ​രു എ​ക്സ്​​പ്ര​സി​ൽ സ്ലീ​പ്പ​ർ​കോ​ച്ചി​ലെ വെ​യി​റ്റി​ങ്​ ലി​സ്റ്റ്​ 253 ആ​യി. പ​ര​ശു​റാ​മി​ൽ 242ഉം.

​ഓ​ണ​ത്തി​ര​ക്ക്​ മു​ൻ​കൂ​ട്ടി​ക്ക​ണ്ട്​ മ​തി​യാ​യ സ്​​പെ​ഷ​ലു​ക​ൾ അ​നു​വ​ദി​ക്കാ​ൻ റെ​യി​ൽ​വേ ത​യാ​റാ​കാ​ത്ത​താ​ണ്​ ദു​രി​ത​ത്തി​ന്​ കാ​ര​ണം. മം​ഗ​ളൂ​രു-​​കൊ​ല്ലം, എ​റ​ണാ​കു​ളം-​ബം​ഗ​ളൂ​രു, കൊ​ല്ലം-​താ​മ്പ​രം റൂ​ട്ടു​ക​ളി​ലാ​യി ആ​കെ 13 സ്​​പെ​ഷ​ൽ ട്രെ​യി​നു​ക​ളാ​ണ്​ ഇ​ക്കു​റി​യു​ള്ള​ത്. കൂ​ടു​ത​ൽ സ്​​പെ​ഷ​ലു​ക​ൾ അ​നു​വ​ദി​ക്ക​ണ​മെ​ന്ന്​ ആ​വ​ശ്യ​മു​യ​ർ​ന്നെ​ങ്കി​ലും റെ​യി​ൽ​വേ പ​രി​ഗ​ണി​ച്ചി​ല്ല.

ഹ്ര​സ്വ​ദൂ​ര യാ​ത്ര​യും ക​ടു​ത്ത ദു​രി​ത​ത്തി​ലാ​ണ്. ജ​ന​റ​ൽ ക​മ്പാ​ർ​ട്ടു​മെ​ന്‍റു​ക​ളി​ലേ​ക്ക്​ അ​ടു​ക്കാ​ൻ പോ​ലു​മാ​കി​ല്ല. കെ.​എ​സ്.​ആ​ർ.​ടി.​സി ബ​സു​ക​ളി​ലും സ്ഥി​തി വ്യ​ത്യ​സ്ത​മ​ല്ല. ദീ​ർ​ഘ​ദൂ​ര ബ​സു​ക​ളെ​ല്ലാം നി​റ​ഞ്ഞു​ക​വി​ഞ്ഞാ​ണ്​ ഓ​ടു​ന്ന​ത്. സ്വ​കാ​ര്യ​ബ​സു​ക​ൾ തി​ര​ക്ക്​ മു​ന്നി​ൽ ക​ണ്ട്​ മൂ​ന്നി​ര​ട്ടി​യി​ലേ​റെ​യാ​ണ്​ നി​ര​ക്ക്​ ഈ​ടാ​ക്കു​ന്ന​ത്.