മൂ​ന്നാ​റി​ല്‍ നി​രോ​ധ​നാ​ജ്​​ഞ പ്ര​ഖ്യാ​പി​ക്കേ​ണ്ട സാ​ഹ​ച​ര്യ​മി​ല്ലാ​യി​രു​ന്നു –മു​ഖ്യ​മ​​ന്ത്രി

തി​രു​വ​ന​ന്ത​പു​രം: മൂ​ന്നാ​ർ പാ​പ്പാ​ത്തി​ച്ചോ​ല​യി​ലെ കൈ​യേ​റ്റം ഒ​ഴി​പ്പി​ച്ച​വേ​ള​യി​ൽ  നി​രോ​ധ​നാ​ജ്​​ഞ പ്ര​ഖ്യാ​പി​ക്കേ​ണ്ട സാ​ഹ​ച​ര്യ​മി​ല്ലാ​യി​രു​ന്നെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ.  നി​രോ​ധ​നാ​ജ്​​ഞ പ്ര​ഖ്യാ​പി​ക്കു​ന്ന ന​ട​പ​ടി​ക്ര​മ​ത്തി​ല്‍ വ്യ​തി​യാ​നം ഉ​ണ്ടാ​യി. ഇ​തി​നാ​ലാ​ണ് പ്ര​ഖ്യാ​പി​ച്ച നി​രോ​ധ​നാ​ജ്​​ഞ പി​ൻ​വ​ലി​ച്ച​ത്. അ​ക്കാ​ര്യം ബ​ന്ധ​പ്പെ​ട്ട ഉ​ദ്യോ​ഗ​സ്ഥ​നെ സ​ര്‍ക്കാ​ർ ബോ​ധ്യ​പ്പെ​ടു​ത്തി. മേ​ലി​ല്‍ ഇ​ത്ത​രം രീ​തി ആ​വ​ര്‍ത്തി​ക്കി​ല്ലെ​ന്ന് ഉ​റ​പ്പു​വ​രു​ത്തി​യി​ട്ടു​ണ്ട്. മൂ​ന്നാ​റി​ല്‍ എ​ന്താ​ണ് സം​ഭ​വി​ച്ച​തെ​ന്ന്​ സ​ര്‍ക്കാ​ര്‍ പ​രി​ശോ​ധി​ച്ചു. ഇ​തി​​​െൻറ ഭാ​ഗ​മാ​യി തി​രു​ത്ത​ലു​ക​ളു​ണ്ടാ​കുംകീ​ഴ്വ​ഴ​ക്കം അ​നു​സ​രി​ച്ച് നി​രോ​ധ​നാ​ജ്​​ഞ പ്ര​ഖ്യാ​പി​ക്കു​ന്ന​തി​നു മു​മ്പ് സ​ര്‍ക്കാ​റു​മാ​യി കൂ​ടി​യാ​ലോ​ചി​ക്കാ​റു​ണ്ട്. പൊ​തു​ഭ​ര​ണ​വും ആ​ഭ്യ​ന്ത​ര​വും മു​ഖ്യ​മ​ന്ത്രി​യു​ടെ വ​കു​പ്പാ​ണ്. അ​തു​കൊ​ണ്ടു​​ത​ന്നെ  ഏ​കോ​പ​ന​മി​ല്ലാ​യ്മ​യു​ടെ പ്ര​ശ്​​ന​മി​ല്ലെ​ന്നും എ​ൻ. ഷം​സു​ദ്ദീ​​​​െൻറ ചോ​ദ്യ​ത്തി​ന്​  മു​ഖ്യ​മ​ന്ത്രി മ​റു​പ​ടി പ​റ​ഞ്ഞു.