ഭാര്യയുടെ പരപുരുഷ ബന്ധത്തെ ചൊല്ലിയുണ്ടായ കലഹം കൊലപാതകത്തിൽ കലാശിച്ചു​; ഭർത്താവ്​ റിമാൻഡിൽ

വൈക്കം: തലയാഴം കൂവത്ത് ഭാര്യയെ വെട്ടിക്കൊലപ്പെടുത്തിയ സംഭവത്തിൽ ഭർത്താവിനെ പൊലീസ് അറസ്​റ്റ്​ ചെയ്തു. തലയാഴംകൂവം മനയ്ക്കത്തറയിൽ ബാബുവിനെയാണ്​ (47) അറസ്​റ്റ് ചെയ്തത്. സൂസനാണ്​ (42)​ കൊല്ലപ്പെട്ടത്​.

കോടതി ബാബുവിനെ റിമാൻഡ്​ ചെയ്തു. വ്യാഴാഴ്ച രാത്രി ഏഴോടെയായിരുന്നു കേസിനാസ്പദമായ സംഭവം. പരപുരുഷ ബന്ധത്തെ ചൊല്ലിയുണ്ടായ കലഹത്തെ തുടർന്നാണ് കൊലപാതകമെന്ന് പൊലീസ് പറഞ്ഞു.

സമീപവാസിയായ ചെത്തുതൊഴിലാളിക്കൊപ്പം ഇവർ കഴിഞ്ഞവർഷം പോയതുമായി ബന്ധപ്പെട്ട വഴക്ക്​ പൊലീസ്​ ഇടപെട്ട് പരിഹരിച്ചിരുന്നു.

കഴിഞ്ഞ ദിവസംം വീണ്ടും വീട്ടിൽ നിന്നുപോയ ഇവർ കഴിഞ്ഞ ദിവസമാണ് തിരിച്ചെത്തിയതെന്ന് പൊലീസ് പറഞ്ഞു. ഭാര്യ വീണ്ടും വീടുവിട്ടുപോയതിലെ വിരോധമാണ് കൊലപാതകത്തിൽ കലാശിച്ചതെന്നാണ് പൊലീസ് ഭാഷ്യം.