നഴ്സിങ്​ പ്രവേശനം: കോടികൾ തട്ടിയ അഞ്ചുപേർ അറസ്റ്റിൽ

ചെ​റു​തോ​ണി: ബം​ഗ​ളൂ​രു​വി​ൽ ന​ഴ്സി​ങ്​ ​പ്ര​വേ​ശ​നം വാ​ഗ്ദാ​നം ന​ൽ​കി കോ​ടി​ക്ക​ണ​ക്കി​ന് രൂ​പ ത​ട്ടി​യ അ​ഞ്ച്​ പ്ര​തി​ക​ളെ ത​ങ്ക​മ​ണി പൊ​ലീ​സ് അ​റ​സ്റ്റ്​ ചെ​യ്തു. ഒ​ന്നാം പ്ര​തി കൊ​ല്ലം പൂ​യ​പ്പ​ള്ളി ചെ​ങ്കു​ളം സ്വ​ദേ​ശി വ​ട്ട​വി​ള പു​ത്ത​ൻ​വീ​ട്ടി​ൽ ലി​ജോ ജേ​ക്ക​ബ് ജോ​ൺ, മ​റ്റ്​ ​പ്ര​തി​ക​ളാ​യ നെ​ടു​ങ്ക​ണ്ടം സ്വ​ദേ​ശി​ക​ളാ​യ പ്ലാ​ത്തോ​ട്ട​ത്തി​ൽ ജി​തി​ൻ തോ​മ​സ്, തൈ​ക്കൂ​ട്ട​ത്തി​ൽ മൃ​ദു​ൽ ജോ​സ​ഫ്, ബാ​ല​ഗ്രാം ക​ണി​ശ്ശേ​രി​യി​ൽ വീ​ട്ടി​ൽ കെ.​ടി. അ​നൂ​പ്, ക​ട്ട​പ്പ​ന ന​ത്തു​ക​ല്ല് സ്വ​ദേ​ശി ഓ​ലി​ക്ക​ര വീ​ട്ടി​ൽ ജ​സ്റ്റി​ൻ ജ​യിം​സ് എ​ന്നി​വ​രെ​യാ​ണ്​ അ​റ​സ്റ്റ്​ ചെ​യ്ത​ത്. സം​സ്ഥാ​ന​ത്തു​ട​നീ​ളം 200 പേ​രി​ൽ​നി​ന്ന് മൂ​ന്ന്​ ല​ക്ഷ​ത്തോ​ളം രൂ​പ വീ​ത​മാ​ണ് അ​ഞ്ചു​പേ​ർ അ​ട​ങ്ങു​ന്ന സം​ഘം ത​ട്ടി​യ​ത്. ട്ര​സ്റ്റ് രൂ​പ​വ​ത്​​ക​രി​ച്ച് പ​ലി​ശ ഇ​ല്ലാ​തെ പ​ഠ​ന​ത്തി​നാ​യി പ​ണം ന​ൽ​കാ​മെ​ന്ന് ര​ക്ഷി​താ​ക്ക​ളെ പ​റ​ഞ്ഞു വി​ശ്വ​സി​പ്പി​ച്ചാ​ണ്​ ത​ട്ടി​പ്പ്​ ന​ട​ത്തി​യ​ത്. ഇ​ടു​ക്കി​യി​ൽ മാ​ത്രം 30ഒാ​ളം പേ​ർ ത​ട്ടി​പ്പി​ന്​ ഇ​ര​യാ​യി.

2021ൽ ​രൂ​പ​വ​ത്​​ക​രി​ച്ച ദേ​വാ​മൃ​തം എ​ന്ന ചാ​രി​റ്റ​ബി​ൾ ട്ര​സ്റ്റി​ന്‍റെ പേ​രി​ലാ​ണ്​ ത​ട്ടി​പ്പ് ന​ട​ത്തി​യ​ത്. 2022ലാ​ണ് പ​രാ​തി​ക്കാ​രാ​യ ര​ക്ഷി​താ​ക്ക​ളി​ൽ​നി​ന്ന്​ പ​ണം ത​ട്ടു​ന്ന​ത്. ബം​ഗ​ളൂ​രു​വി​ലെ പ്ര​മു​ഖ ന​ഴ്സി​ങ്​ കോ​ള​ജി​ൽ പ്ര​വേ​ശ​നം വാ​ങ്ങി ന​ൽ​കാ​മെ​ന്നും പ​ലി​ശ​ര​ഹി​ത വാ​യ്​​പ ല​ഭ്യ​മാ​ക്കാ​മെ​ന്നു​മാ​ണ്​ വാ​ഗ്ദാ​നം ന​ൽ​കി​യ​ത്. ഇ​ത്ത​ര​ത്തി​ൽ പ​ണം ന​ഷ്ട​പ്പെ​ട്ട ആ​റോ​ളം ര​ക്ഷി​താ​ക്ക​ൾ ത​ങ്ക​മ​ണി സ്റ്റേ​ഷ​നി​ൽ ന​ൽ​കി​യ പ​രാ​തി​യി​ലാ​ണ് ഇ​വ​രെ അ​റ​സ്റ്റ് ചെ​യ്ത​ത്. പ്ര​തി​ക​ൾ​ക്കെ​തി​രെ സം​സ്ഥാ​ന​ത്തെ വി​വി​ധ സ്റ്റേ​ഷ​നു​ക​ളി​ൽ കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.

കേ​സി​ൽ കൂ​ടു​ത​ൽ പ്ര​തി​ക​ൾ ഉ​ൾ​പ്പെ​ട്ടി​ട്ടു​ള്ള​താ​യാ​ണ് പൊ​ലീ​സ് ന​ൽ​കു​ന്ന വി​വ​രം. ഓ​രോ വി​ദ്യാ​ർ​ഥി​യി​ൽ​നി​ന്നും 25,000 രൂ​പ പ്രോ​സ​സി​ങ്​ ഫീ​സാ​യും വാ​ങ്ങി​യി​രു​ന്നു. സ​ർ​ട്ടി​ഫി​ക്ക​റ്റു​ക​ൾ വി​ദ്യാ​ർ​ഥി​ക​ളി​ൽ​നി​ന്ന്​ വാ​ങ്ങി​വെ​ച്ച ശേ​ഷം പ്ര​വേ​ശ​ന​ത്തി​നെ​ന്ന വ്യാ​ജേ​ന പ​ല രേ​ഖ​ക​ളി​ലും വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും ഒ​പ്പി​ടീ​പ്പി​ച്ചു. കോ​ള​ജു​ക​ളി​ൽ പ്ര​വേ​ശ​നം നേ​ടി​യ വി​ദ്യാ​ർ​ഥി​ക​ൾ​ക്ക് ഒ​രാ​ഴ്ച മാ​ത്ര​മാ​ണ് പ​ഠ​നം ന​ട​ത്താ​ൻ ക​ഴി​ഞ്ഞ​ത്. ട്ര​സ്റ്റ് കോ​ള​ജി​ൽ പ​ണം അ​ട​ക്കാ​തെ വ​ന്ന​തോ​ടെ വി​ദ്യാ​ർ​ഥി​ക​ളെ പു​റ​ത്താ​ക്കി. ര​ക്ഷി​താ​ക്ക​ൾ പ്ര​തി​ക​ളു​ടെ സ്ഥാ​പ​ന​ത്തി​ലെ​ത്തി ബ​ഹ​ളം വെ​ച്ച​തോ​ടെ സ​ർ​ട്ടി​ഫി​ക്ക​റ്റു​ക​ൾ മ​ട​ക്കി ന​ൽ​കി.

എ​ന്നാ​ൽ, വി​ദ്യാ​ർ​ഥി​ക​ളു​ടെ പേ​രി​ൽ ബാ​ങ്കു​ക​ളി​ൽ​നി​ന്നെ​ടു​ത്ത മൂ​ന്നു​ല​ക്ഷം രൂ​പ വീ​ത​മു​ള്ള വാ​യ്പ ഏ​ജ​ൻ​സി തി​രി​കെ അ​ട​ച്ചി​ല്ല. ഇ​തോ​ടെ ബാ​ങ്കു​ക​ളി​ൽ​നി​ന്ന്​ ര​ക്ഷി​താ​ക്ക​ൾ​ക്ക് നോ​ട്ടീ​സ് എ​ത്തി​ത്തു​ട​ങ്ങി. പ​ണം ന​ഷ്ട​പ്പെ​ട്ട​തി​ന് പു​റ​മെ ബാ​ങ്കി​നെ സ​മീ​പി​ച്ച് മ​റ്റൊ​രു വാ​യ്പ​യെ​ടു​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ൽ വി​ദ്യാ​ർ​ഥി​ക​ളു​ടെ തു​ട​ർ​പ​ഠ​ന​വും മു​ട​ങ്ങി​യി​രി​ക്കു​ക​യാ​ണ്.

ത​ങ്ക​മ​ണി പൊ​ലീ​സ് ഇ​ൻ​സ്പെ​ക്ട​ർ കെ.​എം. സ​ന്തോ​ഷ്, എ.​എ​സ്.​ഐ പി.​പി. വി​നോ​ദ്, എ​സ്.​സി.​പി.​ഒ ജോ​ഷി ജോ​സ​ഫ്, സി.​പി.​ഒ ജി​തി​ൻ എ​ബ്ര​ഹാം എ​ന്നി​വ അ​ട​ങ്ങു​ന്ന സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്