ജനങ്ങൾക്ക്​ പുറത്തിറങ്ങാൻ പാസ്​ നിർബന്ധമാക്കുമെന്ന്​ ഡി.ജി.പി

തിരുവനന്തപുരം: സംസ്​ഥാനം അടച്ചുപൂട്ടിയതോടെ അത്യാവശ്യങ്ങൾക്ക്​ പുറത്തിറങ്ങാൻ പാസ്​ നിർബന്ധമാക്കുമെന്ന്​ ഡി.ജി.പി. പച്ചക്കറി, പലചരക്ക്​, മെഡിക്കൽ സ്​റ്റോർ, ടെലി​േകാം ജീവനക്കാർ തുടങ്ങിയവർക്ക്​ കേരളം മുഴുവൻ പാസ്​ നൽകും.

മരുന്ന്​ കൊണ്ടുവരുന്ന വാഹനങ്ങൾക്ക്​ വിലക്കില്ല. സ്വകാര്യ വാഹനങ്ങൾ ഉപയോഗിക്കുന്നവർ സത്യവാങ്​മൂലം നൽകണമെന്നും തെറ്റായ വിവരങ്ങൾ നൽകിയാൽ നിയമനടപടി സ്വീകരിക്കുമെന്നും ഡി.ജി.പി ലോക്​നാഥ്​ ബെഹ്​റ അറിയിച്ചു.

മാധ്യമപ്രവർത്തകരെ തടയില്ല. എന്നാൽ പ്രസ്​ കാർഡ്​ കരുതണം. ജില്ല മേധാവികളായിരിക്കും പാസ്​ നൽകുക. ടാക്​സി, ഓ​ട്ടോ എന്നിവക്ക്​ അവശ്യ സർവിസ്​ മാത്രമേ ഉപയോഗിക്കാനു എന്ന നിർദേശം നൽകുമെന്നും ഡി.ജി.പി വ്യക്തമാക്കി.

സ്വകാര്യ വാഹനങ്ങളിൽ യാത്ര ചെയ്യുന്നവർ പൊലീസിനു നൽകേണ്ട സത്യവാങ്മൂലത്തിന്‍റെ മാതൃക: