ശാ​ന്ത​മാ​യി മ​ല​യോ​ര മ​ണ്ഡ​ലം

പു​ൽ​വാ​മ​യും കി​ഫ്​​ബി മ​സാ​ല ബോ​ണ്ടും നി​യ​മ​ന​​ക്കോ​ഴ​യും തി​ള​ച്ചു​മ​റി​ഞ്ഞാ​ണ്​ തു​ട​ക്ക​മെ​ങ്കി​ലും ശാ​ന്ത​മാ​യി ഒ​ഴു​കു​ക​യാ​ണ്​ പ​ത്ത​നം​തി​ട്ട​യു​ടെ വോ​ട്ടു​മ​ന​സ്സ്. മാ​സ​ങ്ങ​ൾ നീ​ണ്ട തെ​ര​ഞ്ഞെ​ടു​പ്പ്​ ബ​ഹ​ള​ങ്ങ​ളി​ൽ ഇ​ട​ക്കാ​ല​ത്ത്​ വോ​ട്ട​ർ​മാ​രി​ലും രാ​ഷ്ട്രീ​യ പാ​ർ​ട്ടി​ക​ളി​ലം സൃ​ഷ്ടി​ച്ച ത​ണു​പ്പ്​​ അ​വ​സാ​ന​ലാ​പ്പി​ലേ​ക്ക്​ എ​ത്തു​മ്പോ​ൾ മേ​ട​ച്ചൂ​ടി​ൽ തി​ള​ച്ചു​തു​ട​ങ്ങി.

രാ​ജ്യം ത​​ന്നെ ഉ​റ്റു​നോ​ക്കു​ന്ന പ​ത്ത​നം‘തി​ട്ട’ ക​ള​ത്തി​ൽ പോ​രി​ന്​ ക​ന​മേ​റു​ന്നു. മൂ​ന്ന്​​ മു​ന്ന​ണി​ക​ളും ആ​ഭ്യ​ന്ത​ര​പ്ര​ശ്​​ന​ങ്ങ​ൾ നേ​രി​ട്ട്​ മു​​ന്നോ​ട്ട്​ ​പോ​കു​മ്പോ​ഴും വ​​ള​രെ ചി​ട്ട​യോ​ടെ ഇ​ട​തു​മു​ന്ന​ണി​യാ​ണ് പ്ര​ചാ​ര​ണ​രം​ഗ​ത്ത്​ മു​ന്നി​ൽ. മൂ​ന്നാം​ഘ​ട്ട പ്ര​ചാ​ര​ണ​ത്തി​ൽ അ​വ​സാ​ന ലാ​പ്പി​ലാ​ണ്​ അ​വ​ർ. യു.​ഡി.​എ​ഫും എ​ൻ.​ഡി.​എ​യും മൂ​ന്നാം​ഘ​ട്ട​ത്തി​ലേ​ക്ക്​ ക​ട​ക്കു​ന്നു.

ഈ​സി വാ​ക്കോ​വ​റല്ല

ഹാ​ട്രി​ക്ക്​ പൂ​ർ​ത്തി​യാ​ക്കി വീ​ണ്ടും ​ജ​ന​വി​ധി തേ​ടു​ന്ന​ യു.​ഡി.​എ​ഫ്​ സ്ഥാ​നാ​ർ​ഥി ആ​ന്‍റോ ആ​ന്‍റ​ണി​ക്ക് ഇ​ക്കു​റി മ​ത്സ​രം ക​ടു​പ്പ​മാ​ണ്. ​മു​ൻ​തെ​ര​ഞ്ഞെ​ടു​പ്പു​ക​ളി​ൽ കു​റ​ഞ്ഞു​വ​ന്ന ഭൂ​രി​പ​ക്ഷ​ത്തി​ന്​ മു​ന്നി​ൽ ആ​ന്‍റോ വി​യ​ർ​ക്കു​മ്പോ​ൾ, മ​റ്റ്​ മ​ണ്ഡ​ല​ങ്ങ​ളേ​ക്കാ​ൾ യു.​ഡി.​എ​ഫി​ന്​ കൂ​ടു​ത​ൽ വോ​ട്ട്​ ന​ൽ​കു​ന്ന കാ​ഞ്ഞി​ര​പ്പ​ള്ളി, പൂ​ഞ്ഞാ​ർ മേ​ഖ​ല​ക​ളാ​ണ്​​ എ​ൽ.​ഡി.​എ​ഫി​ന്‍റെ അ​ധി​ക ​ശ്ര​ദ്ധ. ക​ഴി​ഞ്ഞ​പ്രാ​വ​ശ്യം അ​ടൂ​ർ ഒ​ഴികെ ആ​റു മ​ണ്ഡ​ല​ങ്ങ​ളി​ലും യു.​ഡി.​എ​ഫി​നാ​യി​രു​ന്നു മു​ൻ​തൂ​ക്കം. അ​ടൂ​രി​ൽ ആ​ന്‍റോ ഇ​വി​ടെ മൂ​ന്നാം സ്ഥാ​ന​ത്താ​യി​രു​ന്നു.

ക​ഴി​ഞ്ഞ മൂ​ന്നു​ത​വ​ണ​യും യു.​ഡി.​എ​ഫി​ന്‍റെ ഭൂ​രി​പ​ക്ഷം പ​ടി​പ​ടി​യാ​യി കു​റ​ക്കാ​നാ​യ​തി​ന്‍റെ പ്ര​തീ​ക്ഷ​യി​ലാ​ണ്​ ഇ​ട​തു​നി​ര. വി.​എ​സ്, ആ​ദ്യ പി​ണ​റാ​യി സ​ർ​ക്കാ​റു​ക​ളി​ൽ ധ​ന​മ​ന്ത്രി​യും നാ​ല്​ ത​വ​ണ എം.​എ​ൽ.​എ​യു​മാ​യ എ​ൽ.​ഡി.​എ​ഫി​ന്‍റെ ​ഡോ. ​ടി.​എം. തോ​മ​സ്​ ഐ​സ​ക്കി​ന്​​ ലോ​ക്സ​ഭ​യി​​ലെ ക​ന്നി അ​ങ്കം ഈ​സി വാ​ക്കോ​വ​ർ അ​ല്ല.

കി​ഫ്​​ബി​യി​ലൂ​ടെ വി​ക​സ​നം തെ​ളി​വാ​യി മ​ണ്ഡ​ല​ത്തി​ൽ ചൂ​ണ്ടി​ക്കാ​ട്ടു​മ്പോ​ഴും സം​സ​്ഥാ​ന​ത്തെ സാ​മ്പ​ത്തി​ക അ​ടി​യ​ന്തി​രാ​വ​സ്ഥ​യു​ടെ കാ​ര​ണ​ക്കാ​ര​നാ​യി എ​തി​രാ​ളി​ക​ൾ ചാ​ർ​ത്തി​യ ആ​രോ​പ​ണ​ങ്ങ​ളി​ൽ വി​യ​ർ​ക്കു​ക​യാ​ണ്​ ​ഐ​സ​ക്.

ശ​ബ​രി​മ​ല തി​ള​ച്ച 2019ലെ ​ആ​വേ​ശം എ​ൻ.​ഡി.​എ ക്യാ​മ്പി​ൽ കാ​ണാ​നി​ല്ല. ബി.​ജെ.​പി പാ​ള​യ​ത്തി​ൽ എ​ത്തി​യ പി.​സി ​​ജോ​ർ​ജി​നെ കാ​ത്തി​രു​ന്ന അ​ണി​ക​ളി​ലേ​ക്ക്​​ സ​ർ​പ്രൈ​സ്​ സ്ഥാ​നാ​ർ​ഥി​യാ​യി​ ന​രേ​ന്ദ്ര​മോ​ദി നേ​രി​ട്ട്​ രം​ഗ​ത്തി​റ​ക്കി​യ അ​നി​ൽ ആ​ന്‍റ​ണി​യെ ഉ​ൾ​ക്കൊ​ള്ളാ​ൻ പ്രാ​ദേ​ശി​ക നേ​തൃ​ത്വ​ങ്ങ​ളും അ​ണി​ക​ളും ത​യാ​റാ​യി​ട്ടി​ല്ല.

എ​ങ്ങും ച​ർ​ച്ച സി​റ്റി​ങ്​ എം.​പി

15 വ​ർ​ഷ​മാ​യി തു​ട​രു​ന്ന സി​റ്റി​ങ്​ എം.​പി ആ​ന്‍റോ ആ​ന്‍റ​ണി​യു​ടെ വി​ക​സ​ന​മാ​ണ്​ എ​ങ്ങും ച​ർ​ച്ച. റോ​ഡ​രി​കി​ലെ പൊ​ക്ക​വി​ള​ക്കും ബ​സ്​ കാ​ത്തി​രി​പ്പ്​ കേ​ന്ദ്ര​ങ്ങ​ളും അ​ല്ലാ​തെ മ​റ്റൊ​ന്നും എ​ടു​ത്തു​കാ​ണി​ക്കാ​ൻ യു.​ഡി.​എ​ഫി​ന്​ ഇ​ല്ലെ​ന്നാ​ണ്​ എ​ൽ.​ഡി.​എ​ഫി​ന്‍റെ​യും എ​ൻ.​ഡി.​എ​യു​ടെ​യും പ്ര​ധാ​ന ആ​രോ​പ​ണം. ആ​ന്‍റോ​യു​ടെ ലോ​ക്സ​ഭ​യി​ലെ പ്ര​ക​ട​ന​വും ജ​ന​ങ്ങ​ൾ​ക്കി​ട​യി​ൽ ച​ർ​ച്ച​യാ​ക്കു​ന്ന​തി​ൽ ഇ​ട​തു​മു​ന്ന​ണി വി​ജ​യി​ച്ചി​ട്ടു​ണ്ട്.

ഇ​തി​നു മ​റു​പ​ടി​യാ​യി 72 പേ​ജു​ള്ള കൈ​പ്പു​സ്ത​കം ഇ​റ​ക്കി​യ ആ​ന്‍റോ ആ​ന്‍റ​ണി വി​ക​സ​നം അ​ക്ക​മി​ട്ട്​ നി​ര​ത്തു​ന്നു. പാ​ർ​ട്ടി സ​ഹ​പ്ര​വ​ർ​ത്ത​ക​രേ​ക്കാ​ൾ ലോ​ക്സ​ഭ സ​മ്മേ​ള​ന​ങ്ങ​ളി​ലെ 82 ശ​ത​മാ​നം സാ​ന്നി​ധ്യ​വും ച​ർ​ച്ച​ക​ളി​ലെ ഇ​ട​പെ​ട​ൽ, സ്വ​കാ​ര്യ ബി​ൽ അ​വ​ത​ര​ണം തു​ട​ങ്ങി ജ​നാ​ധി​പ​ത്യ​ത്തി​നാ​യു​ള്ള പോ​രാ​ട്ട​ത്തി​ൽ അ​വ​സാ​ന​കാ​ല​ത്തെ സ​സ്​​പെ​ൻ​ഷ​ൻ വ​രെ യു.​ഡി.​എ​ഫ്​ ക്യാ​മ്പ്​ ചൂ​ണ്ടി​ക്കാ​ട്ടു​ന്നു. ലോ​ക്സ​ഭ​യി​ൽ 1652 ചോ​ദ്യ​ങ്ങ​ൾ ഉ​യ​ർ​ത്തി​യ​താ​യി അ​ദ്ദേ​ഹം അ​വ​കാ​ശ​പ്പെ​ടു​ന്നു.

ആ​ഭ്യ​ന്ത​ര പ്ര​ശ്ന​ം മൂ​ന്ന്​ മു​ന്ന​ണി​യിലും

മൂ​ന്ന് മു​ന്ന​ണി​ക​ളും ഒ​രു​പോ​ലെ ആ​ഭ്യ​ന്ത​ര പ്ര​ശ്ന​ങ്ങ​ൾ നേ​രി​ടു​ന്നു​ണ്ട്. സി.​പി.​എ​മ്മി​ന്‍റെ കേ​ഡ​ർ സം​വി​ധാ​നം മൂ​ലം അ​ൽ​പം ആ​ശ്വാ​സം എ​ൽ.​ഡി.​എ​ഫി​നു​ണ്ട്. കോ​ട്ട​യം ജി​ല്ല​ക്കാ​ര​ൻ തു​ട​ർ​ച്ച​യാ​യി മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ന്ന​തി​ൽ കാ​ലു​വാ​ര​ൽ ഭീ​ഷ​ണി​യി​ലാ​ണ്​ കോ​ൺ​ഗ്ര​സ്.

ഇ​പ്പോ​ൾ പി.​ജെ കു​ര്യ​ൻ പാ​ർ​ട്ടി​യെ നി​യ​ന്ത്രി​ക്കു​ന്ന ജി​ല്ല​യി​ൽ ന​ല്ലൊ​രു വി​ഭാ​ഗം അ​തൃ​പ്ത​രാ​ണ്. ഐ​സ​ക്കി​ന്റെ സ്ഥാ​നാ​ർ​ഥി​ത്വം​ പാ​ർ​ട്ടി ജി​ല്ല സെ​ക്ര​ട്ട​റി​യേ​റ്റ്​ യോ​ഗ​ത്തി​ൽ ദേ​വ​സ്വം ബോ​ർ​ഡ്​ ​അ​ധ്യ​ക്ഷ​നാ​യി​രു​ന്ന മു​ൻ എം.​എ​ൽ.​എ​യും സി.​ഐ.​ടി.​യു സം​സ്ഥാ​ന നേ​താ​വും ത​മ്മി​ൽ ഗ്രൂ​പ്പു​പോ​രി​ന് വ​ഴി​യൊ​രു​ക്കി. പാ​ർ​ട്ടി ജി​ല്ല സെ​ക്ര​ട്ട​റി ഇ​രു​വ​രെ​യും ഇ​രു​ത്തി വാ​ർ​ത്ത സ​മ്മേ​ള​നം ന​ട​ത്തി​യാ​ണ്​ അ​ത്​ പ​രി​ഹ​രി​ച്ച​ത്.

എൻ.ഡി.എയിൽ പി.​സി. ജോ​ർ​ജും അ​ണി​ക​ളും സ്ഥാ​നാ​ർ​ഥി​ത്വം കി​ട്ടാ​ത്ത​തി​ൽ ശ​ക്​​ത​മാ​യ പ്ര​തി​ഷേ​ധ​ത്തി​ലാ​ണ്. ശ​ബ​രി​മ​ല​യു​ടെ അ​ല​യൊ​ലി​ക​ൾ​ക്കൊ​പ്പം ക്രി​സ്ത്യ​ൻ വോ​ട്ടു​കൂ​ടി പ്ര​തീ​ക്ഷി​ച്ച്​ രം​ഗ​ത്തി​റ​ങ്ങി​യ അ​നി​ലി​ന്​ ക​ടു​ക​ട്ടി പ​രീ​ക്ഷ​ണം ത​ന്നെ​യാ​ണ്.