കെ.സി. വേണുഗോപാലിനെതിരെ പോസ്റ്റർ

ശ്രീ​ക​ണ്ഠ​പു​രം: അ​ഞ്ച് സം​സ്ഥാ​ന​ങ്ങ​ളി​ലെ നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ല്‍ കോ​ണ്‍ഗ്ര​സി​നേ​റ്റ ക​ന​ത്ത തോ​ല്‍വി​ക്ക് പി​റ​കെ കോ​ൺ​ഗ്ര​സ് ജ​ന​റ​ല്‍ സെ​ക്ര​ട്ട​റി കെ.​സി. വേ​ണു​ഗോ​പാ​ലി​നെ​തി​രെ ക​ണ്ണൂ​രി​ലെ ശ്രീ​ക​ണ്ഠ​പു​ര​ത്തും പ​യ്യാ​വൂ​രി​ലും പോ​സ്റ്റ​റു​ക​ള്‍. ശ്രീ​ക​ണ്ഠ​പു​രം ബ്ലോ​ക്ക് കോ​ണ്‍ഗ്ര​സ് ക​മ്മി​റ്റി ഓ​ഫി​സാ​യ ഇ​ന്ദി​രാ​ഭ​വ​ന്റെ ചു​വ​രു​ക​ളി​ലും പ​യ്യാ​വൂ​ര്‍ ബ​സ് സ്റ്റാ​ൻ​ഡ് ഷോ​പ്പി​ങ് കോം​പ്ല​ക്‌​സി​ന്റെ തൂ​ണു​ക​ളി​ലു​മാ​ണ് പോ​സ്റ്റ​റു​ക​ള്‍ പ​തി​ച്ച​ത്. കൈ​കൊ​ണ്ട് എ​ഴു​തി​യ​താ​ണ് പോ​സ്റ്റ​റു​ക​ള്‍. 'പെ​ട്ടി​തൂ​ക്കി വേ​ണു​ഗോ​പാ​ല്‍ ഒ​ഴി​വാ​കൂ കോ​ണ്‍ഗ്ര​സി​നെ ര​ക്ഷി​ക്കൂ', 'അ​ഞ്ച് സം​സ്ഥാ​ന​ങ്ങ​ളെ വി​റ്റു​തു​ല​ച്ച കെ.​സി. വേ​ണു​ഗോ​പാ​ലി​ന് ആ​ശം​സ​ക​ള്‍', 'കെ.​സി. വേ​ണു​ഗോ​പാ​ല്‍ കോ​ണ്‍ഗ്ര​സി​ന്റെ ശ​കു​നി' തു​ട​ങ്ങി​യ​വ​യാ​ണ് പോ​സ്റ്റ​റു​ക​ളി​ല്‍ എ​ഴു​തി​യി​രി​ക്കു​ന്ന​ത്. ആ​രാ​ണ് പോ​സ്റ്റ​ര്‍ പ​തി​ച്ച​തെ​ന്ന് വ്യ​ക്ത​മ​ല്ല.

തെ​ര​ഞ്ഞെ​ടു​പ്പ് തോ​ല്‍വി​യി​ല്‍ വേ​ണു​ഗോ​പാ​ലി​നെ​തി​രെ കോ​ണ്‍ഗ്ര​സ് പ്ര​വ​ര്‍ത്ത​ക​രി​ല്‍ ക​ടു​ത്ത അ​മ​ര്‍ഷ​മു​ണ്ട്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സ​ജീ​വ് ജോ​സ​ഫി​നെ ഇ​രി​ക്കൂ​ർ മ​ണ്ഡ​ല​ത്തി​ൽ സ്ഥാ​നാ​ർ​ഥി​യാ​ക്കി​യ​തി​ൽ പ്ര​തി​ഷേ​ധി​ച്ച് എ ​ഗ്രൂ​പ് പ്ര​വ​ർ​ത്ത​ക​ർ ശ്രീ​ക​ണ്ഠ​പു​ര​ത്തെ​യും ആ​ല​ക്കോ​ടെ​യും ബ്ലോ​ക്ക് കോ​ൺ​ഗ്ര​സ് ഓ​ഫി​സു​ക​ൾ പൂ​ട്ടി ക​രി​ങ്കൊ​ടി കു​ത്തി പോ​സ്റ്റ​ർ പ​തി​ച്ചി​രു​ന്നു. അ​ന്ന​ത്തെ പോ​സ്റ്റ​റു​ക​ളി​ലും കെ.​സി. വേ​ണു​ഗോ​പാ​ലി​നെ പ​രോ​ക്ഷ​മാ​യി വി​മ​ർ​ശി​ച്ചി​രു​ന്നു. ര​ണ്ടു മാ​സം മു​മ്പ് സ​മൂ​ഹ​മാ​ധ്യ​മ​ത്തി​ൽ വേ​ണു​ഗോ​പാ​ലി​നെ​തി​രെ പ​രോ​ക്ഷ​മാ​യി വി​മ​ർ​ശി​ച്ച​തി​ന്റെ പേ​രി​ൽ എ ​ഗ്രൂ​പ്പു​കാ​ര​നാ​യ യൂ​ത്ത് കോ​ൺ​ഗ്ര​സ് ഇ​രി​ക്കൂ​ർ മ​ണ്ഡ​ലം പ്ര​സി​ഡ​ന്റ് കെ.​പി. ലി​ജേ​ഷി​നെ സ​സ്പെ​ൻ​ഡ് ചെ​യ്ത​തും വി​വാ​ദ​മാ​യി​രു​ന്നു. കോ​ണ്‍ഗ്ര​സ് ഓ​ഫി​സ് ചു​വ​രി​ല്‍ പ​തി​ച്ച പോ​സ്റ്റ​റു​ക​ള്‍ ശ​നി​യാ​ഴ്ച രാ​വി​ലെ പ​ത്തോ​ടെ നേ​താ​ക്ക​ള്‍ പ​റി​ച്ചു​നീ​ക്കി.

മുന്നറിയിപ്പുമായി സുധാകരൻ

തി​രു​വ​ന​ന്ത​പു​രം: കോ​ൺ​ഗ്ര​സി​ന്‍റെ നി​യ​മ​സ​ഭ തെ​ര​ഞ്ഞെ​ടു​പ്പ്​ തോ​ൽ​വി​ക്ക്​​ സ​മൂ​ഹ​മാ​ധ്യ​മ​ങ്ങ​ളി​ൽ നേ​താ​ക്ക​ളെ വ്യ​ക്തി​​ഹ​ത്യ ചെ​യ്ത്​ പോ​സ്റ്റു​ക​ൾ വ്യാ​പ​കം. അ​ച്ച​ട​ക്ക​ന​ട​പ​ടി​യു​ടെ വാ​ളു​മാ​യി കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​നും. സോ​ണി​യ ഗാ​ന്ധി, രാ​ഹു​ല്‍ ഗാ​ന്ധി, പ്രി​യ​ങ്ക ഗാ​ന്ധി, കെ.​സി. വേ​ണു​ഗോ​പാ​ല്‍ എ​ന്നി​വ​ർ​ക്കെ​തി​രാ​യാ​ണ്​ പോ​സ്റ്റു​ക​ൾ. തോ​ൽ​വി​യു​ടെ ഉ​ത്ത​ര​വാ​ദി​ത്തം ഇ​വ​ർ​ക്കാ​ണെ​ന്ന നി​ല​യി​ലാ​ണ്​ പോ​സ്റ്റു​ക​ൾ. പു​റ​മെ ചി​ല പോ​സ്റ്റ​റു​ക​ളും പ​ല​യി​ട​ങ്ങ​ളി​ലും പ്ര​ത്യ​ക്ഷ​പ്പെ​ട്ട സാ​ഹ​ച​ര്യ​ത്തി​ലാ​ണ്​ പ​ര​സ്യ​മാ​യി മാ​ധ്യ​മ​ങ്ങ​ളി​ലൂ​ടെ പ്ര​തി​ക​രി​ക്കു​ന്ന​വ​ര്‍ക്കെ​തി​രെ സം​ഘ​ട​നാ​ന​ട​പ​ടി സ്വീ​ക​രി​ക്കു​മെ​ന്ന്​ സു​ധാ​ക​ര​ൻ മു​ന്ന​റി​യി​പ്പ്​ ന​ൽ​കി​യ​ത്.

സ​മൂ​ഹ​മാ​ധ്യ​മ​ങ്ങ​ളി​ല്‍ നേ​താ​ക്ക​ളെ അ​ധി​ക്ഷേ​പി​ക്കു​ന്ന​തും വ്യ​ക്തി​ഹ​ത്യ ന​ട​ത്തു​ന്ന​തും അം​ഗീ​ക​രി​ക്കാ​നാ​കി​ല്ലെ​ന്നും ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്നും വ്യ​ക്ത​മാ​ക്കി. നേ​താ​ക്ക​ളെ ഒ​റ്റ​തി​രി​ഞ്ഞ് ആ​ക്ര​മി​ക്കു​ന്ന​ത് ശ്ര​ദ്ധ​യി​ൽ​പെ​ട്ടി​ട്ടു​ണ്ട്. ഇ​ത് കെ.​പി.​സി.​സി നി​രീ​ക്ഷി​ച്ച് വ​രി​ക​യാ​ണ്. തെ​ര​ഞ്ഞെ​ടു​പ്പ് പ​രാ​ജ​യ​ത്തി​ന്‍റെ കാ​ര​ണ​ങ്ങ​ള്‍ പ​രി​ശോ​ധി​ച്ച് തിരുത്തൽ വ​രു​ത്തി കോ​ണ്‍ഗ്ര​സ് നേ​തൃ​ത്വം മു​ന്നോ​ട്ട് പോ​കും. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ​ര​സ്യ​വി​ചാ​ര​ണ ന​ട​ത്തു​ന്ന​ത് പാ​ര്‍ട്ടി​ക്ക് ക്ഷീ​ണ​മു​ണ്ടാ​ക്കും. അ​ത് തി​രി​ച്ച​റി​ഞ്ഞ് പ്ര​വ​ര്‍ത്ത​ക​ര്‍ പി​ന്തി​രി​യ​ണം.

സോ​ണി​യ​യും രാ​ഹു​ലും പ്രി​യ​ങ്ക​യും വേ​ണു​ഗോ​പാ​ലും ഉ​ള്‍പ്പെ​ടെ നേ​താ​ക്ക​ളും പ്ര​വ​ര്‍ത്ത​ക​രും കോ​ണ്‍ഗ്ര​സി​നാ​യി അ​ഹോ​രാ​ത്രം പ​ണി​യെ​ടു​ത്ത​വ​രാ​ണ്. പ​രാ​ജ​യ കാ​ര​ണം ചി​ല​രു​ടെ ചു​മ​ലി​ല്‍ മാ​ത്രം കെ​ട്ടി​വെ​ക്കു​ന്ന പ്ര​വ​ണ​ത അം​ഗീ​ക​രി​ക്കില്ല. ജ​യ-​പ​രാ​ജ​യ​ങ്ങ​ളി​ല്‍ എ​ല്ലാ​വ​ര്‍ക്കും കൂ​ട്ടു​ത്ത​ര​വാ​ദി​ത്ത​മു​ണ്ട്. നേ​താ​ക്ക​ളെ അ​പ​കീ​ര്‍ത്തി​പ്പെ​ടു​ത്തും വി​ധം പ​ര​സ്യ​മാ​യി പ്ര​തി​ക​രി​ക്കു​ന്ന​ത് അ​ച്ച​ട​ക്ക​ലം​ഘ​ന​മാ​യി കാ​ണേ​ണ്ടി​വ​രും. വി​മ​ര്‍ശ​ന​ങ്ങ​ളും അ​ഭി​പ്രാ​യ​ങ്ങ​ളും പാ​ര്‍ട്ടി വേ​ദി​ക​ളി​ലാ​വാമെ​ന്നും അ​ദ്ദേ​ഹം പ​റ​ഞ്ഞു.