പുന്ന നൗഷാദ് വധം: ഒരാൾ കൂടി കസ്​റ്റഡിയിൽ

ചാ​വ​ക്കാ​ട്: പു​ന്ന​യി​ൽ കോ​ൺ​ഗ്ര​സ് പ്ര​വ​ർ​ത്ത​ക​ൻ നൗ​ഷാ​ദി​നെ വ​ധി​ച്ച കേ​സി​ൽ ഒ​രാ​ൾ കൂ​ടി ക​സ്​​റ്റ​ഡി​യി​ൽ. വ​ട​ക്കേ​ക്കാ​ട് പൊ​ലീ​സ് സ്​​റ്റേ​ഷ​ൻ പ​രി​ധി​യി​ൽ​നി​ന്നാ​ണ് നി​ര​വ​ധി കേ​സു​ക​ളി​ൽ പ്ര​തി​യാ​യ യു​വാ​വി​നെ അ​ന്വേ​ഷ​ണ സം​ഘം പി​ടി​കൂ​ടി​യ​ത്. എ​സ്.​ഡി.​പി.​ഐ​യി​ൽ​നി​ന്ന് നേ​ര​ത്തെ പു​റ​ത്താ​ക്കി​യ ഇ​യാ​ൾ നൗ​ഷാ​ദ് വ​ധ​ക്കേ​സി​ലെ പ്ര​തി​യാ​ണോ എ​ന്ന് പൊ​ലീ​സ് അ​ന്വേ​ഷി​ച്ചു​വ​രി​ക​യാ​ണ്. കേ​സി​ൽ നേ​ര​ത്തെ അ​റ​സ്​​റ്റി​ലാ​യ എ​സ്.​ഡി.​പി.​ഐ പ്ര​വ​ർ​ത്ത​ക​ൻ അ​ക​ലാ​ട് നാ​ലാം​ക​ല്ലി​നു പ​ടി​ഞ്ഞാ​റ് തൈ​പ്പ​റ​മ്പി​ൽ മു​ബീ​ൻ (26) റി​മാ​ൻ​ഡി​ലാ​ണ്.

ഇ​യാ​ളെ കൂ​ടു​ത​ൽ ചോ​ദ്യം ചെ​യ്യാ​നാ​യി പൊ​ലീ​സ് വ്യാ​ഴാ​ഴ്ച ക​സ്​​റ്റ​ഡി​യി​ൽ വാ​ങ്ങി​യേ​ക്കു​മെ​ന്നാ​ണ് സൂ​ച​ന. സം​ഭ​വ സ​മ​യ​ത്ത് ഇ​യാ​ൾ ധ​രി​ച്ച വ​സ്ത്ര​വും നൗ​ഷാ​ദി​നെ വെ​ട്ടാ​നു​പ​യോ​ഗി​ച്ച വാ​ളും പൊ​ലീ​സ് ക​ണ്ടെ​ടു​ത്തു​വെ​ങ്കി​ലും ര​ക്ഷ​പ്പെ​ടാ​ൻ ഉ​പ​യോ​ഗി​ച്ച വാ​ഹ​നം ക​ണ്ടെ​ത്താ​നാ​യി​ട്ടി​ല്ല. അ​തേ​സ​മ​യം, മു​ബീ​നെ എ​സ്.​ഡി.​പി.​ഐ പ്രാ​ഥ​മി​ക അം​ഗ​ത്വ​ത്തി​ൽ​നി​ന്ന് അ​ന്വേ​ഷ​ണ വി​ധേ​യ​മാ​യി പു​റ​ത്താ​ക്കി​യ​താ​യി ഗു​രു​വാ​യൂ​ർ നി​യോ​ജ​ക​മ​ണ്ഡ​ലം ക​മ്മി​റ്റി പ്ര​സി​ഡ​ൻ​റ് ടി.​എം. അ​ക്ബ​ർ അ​റി​യി​ച്ചു.