രാജ്യസഭ: എൽ.ഡി.എഫിനെ കു​ഴപ്പിച്ച്​ രണ്ടാം സീറ്റ്​

തി​രു​വ​ന​ന്ത​പു​രം: രാ​ജ്യ​സ​ഭ സീ​റ്റി​ൽ വി​ട്ടു​വീ​ഴ്ച​യി​ല്ലെ​ന്ന്​​ സി.​പി.​ഐ നി​ല​പാ​ട്​ ക​ടു​പ്പി​ച്ച​തോ​ടെ മു​ന്ന​ണി​യി​ൽ പു​തി​യ പ്ര​തി​സ​ന്ധി. സി.​പി.​ഐ സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വം, സി.​പി.​എം കേ​​ന്ദ്ര​ക​മ്മി​റ്റി അം​ഗം എ​ള​മ​രം ക​രീം, കേ​ര​ള കോ​ൺ​​ഗ്ര​സ്​ -എം ​ചെ​യ​ർ​മാ​ൻ ​​ജോ​സ്​ കെ. ​മാ​ണി എ​ന്നി​വ​രു​ടെ രാ​ജ്യ​സ​ഭാം​ഗ​ത്വം​ ജൂ​ലൈ​യി​ൽ അ​വ​സാ​നി​ക്കും. ഇ​ട​തു​മു​ന്ന​ണി​യു​ടെ നി​ല​വി​ലെ നി​യ​മ​സ​ഭ പ്രാ​തി​നി​ധ്യം അ​നു​സ​രി​ച്ച്​ ര​ണ്ടു​പേ​രെ വി​ജ​യി​പ്പി​ക്കാ​നു​ള്ള അം​ഗ​സം​ഖ്യ​യേ​യു​ള്ളൂ. മു​ന്ന​ണി​യി​ലെ വ​ലി​യ ക​ക്ഷി​യാ​യ സി.​പി.​എം അ​വ​രു​ടെ സീ​റ്റി​ൽ വി​ട്ടു​വീ​ഴ്ച ചെ​യ്യി​ല്ല. ര​ണ്ടാ​മ​ത്തെ സീ​റ്റ്​ ആ​ർ​ക്കെ​ന്ന​താ​ണ്​ മു​ന്ന​ണി​യെ കു​ഴ​പ്പി​ക്കു​ന്ന​ത്.

ഒ​ഴി​വു​വ​രു​ന്ന ഒ​രു സീ​റ്റി​ൽ അ​വ​കാ​ശ​വാ​ദം ഉ​ന്ന​യി​ക്കാ​ന്‍ കേ​ര​ള കോ​ണ്‍ഗ്ര​സ് നീ​ക്കം സ​ജീ​വ​മാ​ക്കി​യ​തോ​ടെ​യാ​ണ് സി.​പി.​ഐ​യും ക​ടു​പ്പി​ച്ച​ത്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ കേ​ര​ള കോ​ൺ​ഗ്ര​സി​നു​​വേ​ണ്ടി കാ​ഞ്ഞി​ര​പ്പ​ള്ളി, ഇ​രി​ക്കൂ​ർ സീ​റ്റു​ക​ൾ വി​ട്ടു​ന​ൽ​കി​യ​ത​ട​ക്കം സി.​പി.​ഐ ചൂ​ണ്ടി​ക്കാ​ട്ടു​ന്നു. മു​ന്ന​ണി​യി​ലെ ര​ണ്ടാ​മ​ത്തെ ക​ക്ഷി​യെ​ന്ന നി​ല​യി​ൽ സീ​റ്റി​ന്​ അ​ർ​ഹ​ത​യു​​ണ്ടെ​ന്നാ​ണ്​ നേ​താ​ക്ക​ളു​ടെ വാ​ദം. ഇ​ക്കാ​ര്യം അ​ടു​ത്ത മു​ന്ന​ണി യോ​ഗ​ത്തി​ൽ​ത​ന്നെ ഉ​ന്ന​യി​ക്കും.

പാ​ർ​ട്ടി സെ​ക്ര​ട്ട​റി ചു​മ​ത​ല​യു​ള്ള​തി​നാ​ൽ ബി​നോ​യ്​ വി​ശ്വം വീ​ണ്ടും മ​ത്സ​രി​ക്കു​മോ എ​ന്നു വ്യ​ക്ത​ത​യി​ല്ല. നി​ല​വി​ൽ ദേ​ശീ​യ ത​ല​ത്തി​ലെ പ്ര​തി​പ​ക്ഷ ച​ല​ന​ങ്ങ​ളി​ലെ സു​പ​രി​ചി​ത മു​ഖ​മാ​ണ്​ ബി​നോ​യി​യു​ടേ​ത്. ദേ​ശീ​യ രാ​ഷ്ട്രീ​യ​ത്തി​ൽ സ​ജീ​വ ഇ​ട​പെ​ട​ലു​ക​ൾ​ക്കാ​യി അ​ദ്ദേ​ഹ​ത്തെ​ത​ന്നെ നി​യോ​ഗി​ക്ക​ണ​മെ​ന്ന അ​ഭി​പ്രാ​യ​വും പാ​ർ​ട്ടി​ക്ക്​ മു​ന്നി​ലു​ണ്ട്. ഇ​ത്ത​ര​ത്തി​ൽ സു​പ്ര​ധാ​ന പ​രി​ഗ​ണ​ന ന​ൽ​കു​ന്ന സീ​റ്റ്​ കാ​ര്യ​ത്തി​ൽ വി​ട്ടു​വീ​ഴ്ച വേ​ണ്ട​തി​ല്ലെ​ന്നാ​ണ്​ സി.​പി.​ഐ​ക്കു​ള്ളി​ലെ പൊ​തു​വി​കാ​രം. ​

രാ​ജ്യ​സ​ഭാം​ഗ​ത്വ​വു​മാ​യാ​ണ്​ യു.​ഡി.​എ​ഫി​ൽ​നി​ന്ന്​ കേ​ര​ള കോ​ൺ​ഗ്ര​സ് എ​ൽ.​ഡി.​എ​ഫി​ലേ​ക്ക്​ ചാ​ടി​യ​ത്. യു.​ഡി.​എ​ഫി​​ലാ​യി​രി​​ക്കെ 2018ൽ ​ജ​യി​ച്ച രാ​ജ്യ​സ​ഭ സീ​റ്റ്​ ഇ​ട​തു പ്ര​വേ​ശ​ന​ത്തി​ന്​ തൊ​ട്ടു​പി​ന്നാ​ലെ 2021 ജ​നു​വ​രി​യി​ൽ ജോ​സ്​ കെ. ​മാ​ണി രാ​ജി​വെ​ച്ചി​രു​ന്നു. 2021 ന​വം​ബ​റി​ലാ​ണ്​ ഇ​ട​തു​മു​ന്ന​ണി​യു​ടെ ഭാ​ഗ​മാ​യി വീ​ണ്ടും രാ​ജ്യ​സ​ഭ​യി​​ലേ​ക്ക്​ ​ജോ​സ്​ തെ​ര​ഞ്ഞെ​ടു​ക്ക​പ്പെ​ടു​ന്ന​ത്. ഈ ​സാ​ഹ​ച​ര്യ​ത്തി​ൽ സീ​റ്റ്​ ത​ങ്ങ​ൾ​ക്ക്​ അ​വ​കാ​ശ​പ്പെ​ട്ട​താ​ണെ​ന്നാ​ണ്​ കേ​ര​ള കോ​ൺ​ഗ്ര​സ്​ വാ​ദം. ജോ​സ് കെ. ​മാ​ണി​ക്ക്​ വീ​ണ്ടും രാ​ജ്യ​സ​ഭ ടി​ക്ക​റ്റാ​ണ് കേ​ര​ള കോ​ണ്‍ഗ്ര​സി​ന്‍റെ ല​ക്ഷ്യം. സി.​പി.​എ​മ്മി​ൽ എം. ​സ്വ​രാ​ജി​ന്‍റെ​യ​ട​ക്കം പേ​രു​ക​ളാ​ണ്​ പ​രി​ഗ​ണ​ന​യി​ൽ.

വിഷയം ചർച്ച ചെയ്തില്ല -ജോസ് കെ. മാണി

കോട്ടയം: രാ​ജ്യ​സ​ഭാ സീ​റ്റ്​ വിഷയം ച​ർ​ച്ച ചെ​യ്തി​ല്ലെ​ന്ന്​ കേ​ര​ള കോ​ൺ​ഗ്ര​സ്​ -എം ​സം​സ്ഥാ​ന സ്റ്റി​യ​റി​ങ് ക​മ്മി​റ്റി യോഗ ശേഷം ജോ​സ്​ കെ. ​മാ​ണി മാ​ധ്യ​മ​പ്ര​വ​ർ​ത്ത​ക​രോ​ട്​​ പ​റ​ഞ്ഞ​ു. പാ​ർ​ട്ടി​ക്ക്​ വ്യ​ക്ത​മാ​യ ധാ​ര​ണ​യു​ണ്ട്.​ എ​ൽ.​ഡി.​എ​ഫ്​ യോ​ഗ​ത്തി​ൽ വി​ഷ​യം ഉ​ന്ന​യി​ക്കും.ഉ​ചി​ത തീ​രു​മാ​ന​മെ​ടു​ക്കു​മെ​ന്നാ​ണ്​ പ്ര​തീ​ക്ഷ​യെ​ന്നും ജോ​സ്​ കെ. ​മാ​ണി പ​റ​ഞ്ഞു. കോ​ട്ട​യം, ഇ​ടു​ക്കി, പ​ത്ത​നം​തി​ട്ട, മാ​വേ​ലി​ക്ക​ര ലോ​ക്സ​ഭാ സീ​റ്റു​ക​ളി​ൽ എ​ൽ.​ഡി.​എ​ഫ് ഉ​ജ്ജ്വ​ല​വി​ജ​യം നേ​ടു​മെ​ന്നും യോ​ഗം വി​ല​യി​രു​ത്തി.

പറയേണ്ടിടത്ത്​ പറയും -ബിനോയ്​ വിശ്വം

തൃ​ശൂ​ർ: രാ​ജ്യ​സ​ഭ​യി​ലേ​ക്ക്​ ഒ​ഴി​വു​വ​രു​ന്ന സീ​റ്റ്​ സി.​പി.​ഐ​ക്ക്​ അ​വ​കാ​ശ​പ്പെ​ട്ട​താ​ണെ​ന്നും അ​ത്​ ല​ഭി​ക്ക​ണ​മെ​ന്നും സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വം. ഇ​തി​നെ​ക്കു​റി​ച്ച്​ ബ​ഹ​ള​വും ത​ർ​ക്ക​വു​മു​ണ്ടാ​ക്കാ​ൻ സി.​പി.​ഐ ഇ​ല്ല. വിഷയം പ​റ​യേ​ണ്ടി​ട​ത്ത്​ പ​റ​യു​ം. എ​ൽ.​ഡി.​എ​ഫി​ന്​ ഇ​ക്കാ​ര്യ​ത്തി​ൽ ഒ​രു രീ​തി​യും സം​സ്കാ​ര​വു​മു​ണ്ട്. ഇ​തി​നെ​ക്കു​റി​ച്ച്​ ത​ർ​ക്ക​ങ്ങ​​ളി​ലേ​ക്ക്​ പോ​കേ​ണ്ട​തി​ല്ല. ഇ​തൊ​ക്കെ പ​റ​യേ​ണ്ട സ്ഥ​ലം എ​ൽ.​ഡി.​എ​ഫ്​ യോ​ഗ​മാ​ണ്. ആ ​സം​സ്കാ​രം സി.​പി.​ഐ​ക്ക​റി​യാം- അ​ദ്ദേ​ഹം പ​റ​ഞ്ഞു. ഉ​ചി​ത തീ​രു​മാ​ന​മെ​ടു​ക്കു​മെ​ന്നാ​ണ്​ പ്ര​തീ​ക്ഷ​യെ​ന്നും ജോ​സ്​ കെ. ​മാ​ണി പ​റ​ഞ്ഞു. കോ​ട്ട​യം, ഇ​ടു​ക്കി, പ​ത്ത​നം​തി​ട്ട, മാ​വേ​ലി​ക്ക​ര ലോ​ക്സ​ഭാ സീ​റ്റു​ക​ളി​ൽ എ​ൽ.​ഡി.​എ​ഫ് ഉ​ജ്ജ്വ​ല​വി​ജ​യം നേ​ടു​മെ​ന്നും യോ​ഗം വി​ല​യി​രു​ത്തി.