സ്പെ​ഷ​ൽ എ​ജു​ക്കേ​റ്റ​ർ നി​യ​മ​നം; സേ​വ​ന കാ​ലാ​വ​ധി പൂ​ർ​ണ​മാ​യി ഉ​ൾ​പ്പെ​ടു​ത്താ​ൻ നി​ർ​ദേ​ശം

തി​രു​വ​മ്പാ​ടി (കോഴിക്കോട്): സം​സ്ഥാ​ന​ത്തെ സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ സ്ഥി​ര നി​യ​മ​ന കേ​സി​ൽ സു​പ്രീം കോ​ട​തി​യി​ൽ സ​ർ​ക്കാ​ർ ന​ൽ​കു​ന്ന സ​ത്യ​വാ​ങ്മൂ​ല​ത്തി​ൽ പൊ​തു​വി​ദ്യാ​ഭ്യാ​സ വ​കു​പ്പി​ലെ സേ​വ​ന​കാ​ലം പൂ​ർ​ണ​മാ​യി ഉ​ൾ​പ്പെ​ടു​ത്താ​ൻ നി​ർ​ദേ​ശം. സ​മ​ഗ്ര ശി​ക്ഷ കേ​ര​ള (എ​സ്.​എ​സ്.​കെ) സ്റ്റേ​റ്റ് പ്രോ​​ഗ്രാം ഓ​ഫി​സ​ർ വൈ.​എ​സ്. ഷൂ​ജ ഇ​തു സം​ബ​ന്ധി​ച്ച നി​ർ​ദേ​ശം 14 ജി​ല്ല പ്രോ​ഗ്രാം കോ​ഓ​ഡി​നേ​റ്റ​ർ​മാ​ർ​ക്കും ന​ൽ​കി. എ​സ്.​എ​സ്.​എ, ആ​ർ.​എം.​എ​സ്.​എ, എ​സ്.​എ​സ്.​കെ സേ​വ​ന കാ​ലാ​വ​ധി മാ​ത്രം പ​രി​ഗ​ണി​ക്കാ​ൻ സ്റ്റേ​റ്റ് പ്രോ​ഗ്രാം ഓ​ഫി​സ​ർ ക​ഴി​ഞ്ഞ വെ​ള്ളി​യാ​ഴ്ച ന​ൽ​കി​യ നി​ർ​ദേ​ശം വി​വാ​ദ​മാ​യി​രു​ന്നു. സ​ത്യ​വാ​ങ്മൂ​ല​ത്തി​ൽ സേ​വ​ന കാ​ലാ​വ​ധി കു​റ​ച്ച് കാ​ണി​ക്കാ​നു​ള്ള നീ​ക്കം സം​ബ​ന്ധി​ച്ച് ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ച​ിരുന്നു.

ഇ​തേ​ത്തു​ട​ർ​ന്നാ​ണ് പൊ​തു​വി​ദ്യാ​ഭ്യാ​സ വ​കു​പ്പി​ൽ സ്പെ​ഷ​ൽ എ​ജു​ക്കേ​റ്റ​ർ​മാ​ർ​ക്ക് 2000 മു​ത​ലു​ള്ള സേ​വ​ന കാ​ലാ​വ​ധി നി​ർ​ബ​ന്ധ​മാ​യി പ​രി​ഗ​ണി​ക്കാ​ൻ പ്രോ​​ഗ്രാം ഓ​ഫി​സ​ർ നി​ർ​ദേ​ശി​ച്ച​ത്. ഇ​തോ​ടെ പൊ​തു​വി​ദ്യാ​ഭ്യാ​സ ഡ​യ​റ​ക്ട​റേ​റ്റി​നു​കീ​ഴി​ൽ ഭി​ന്ന​ശേ​ഷി വി​ദ്യാ​ർ​ഥി​ക​ൾ​ക്കു​ള്ള ഐ.​ഇ.​ഡി.​സി (2000 -2009), ഐ.​ഇ.​ഡി.​എ​സ്.​എ​സ് (2009 - 2017) പ​ദ്ധ​തി​ക​ളി​ലെ സേ​വ​ന കാ​ലം ഉ​ൾ​പ്പെ​ടെ പ​രി​ഗ​ണി​ക്കാ​ൻ തീ​രു​മാ​ന​മാ​യി. ചൊ​വ്വാ​ഴ്ച രാ​വി​ലെ സം​സ്ഥാ​ന​ത്തെ 168 ബ്ലോ​ക്ക് റി​സോ​ഴ്സ് സെ​ന്റ​റു​ക​ളി​ലും ഇ​തു സം​ബ​ന്ധി​ച്ച നി​ർ​ദേ​ശ​മെ​ത്തി. സം​സ്ഥാ​ന​ത്ത് 24 വ​ർ​ഷ​മാ​യി സേ​വ​ന-​വേ​ത​ന വ്യ​വ​സ്ഥ​യി​ല്ലാ​തെ പ്ര​വ​ർ​ത്തി​ക്കു​ന്ന സ്​​പെ​ഷ​ൽ എ​ജു​ക്കേ​റ്റ​ർ​മാ​രാ​ണ് കോ​ട​തി​യി​ലെ​ത്തി​യ​ത്. ഉ​ത്ത​ർ​പ്ര​ദേ​ശ് സ്വ​ദേ​ശി​യാ​യ ര​ജ്നീ​ഷ് കു​മാ​ർ പാ​ണ്ഡെ സു​പ്രീം കോ​ട​തി​യി​ൽ ന​ൽ​കി​യ റി​ട്ട് ഹ​ര​ജി​യി​ൽ കേ​ര​ള​ത്തി​ലെ 153 സ്പെ​ഷ​ൽ എ​ജു​ക്കേ​റ്റ​ർ​മാ​ർ ക​ക്ഷി​ചേ​രു​ക​യാ​യി​രു​ന്നു. ഈ ​കേ​സി​ലാ​ണ് വ്യ​ക്ത​മാ​യ സ​ത്യ​വാ​ങ്മൂ​ലം ന​ൽ​കാ​ൻ സു​പ്രീം​കോ​ട​തി നി​ർ​ദേ​ശി​ച്ച​ത്. കേ​സ് ഏ​പ്രി​ൽ 16നാ​ണ് വീ​ണ്ടും പ​രി​ഗ​ണി​ക്കു​ന്ന​ത്.