'ത​ള്ള' പരാമർശം: പരാതിക്കാരിയോട് മോശമായി പെരുമാറിയിട്ടില്ലെന്ന് എം.സി ജോസഫൈൻ

തിരുവനന്തപുരം: 89 കാ​രി​യാ​യ കി​ട​പ്പു​രോ​ഗി​യോ​ട് മോശമായി പെരുമാറിയിട്ടില്ലെന്ന് വ​നി​ത ക​മീ​ഷ​ൻ അ​ധ്യ​ക്ഷ എം.സി ജോസഫൈൻ. വിളിച്ചയാളുടെ ആശയവിനിമയത്തിൽ അവ്യക്തത ഉണ്ടായിരുന്നു. ഇതാണ് തെറ്റിദ്ധാരണക്ക് കാരണമായത്. മാധ്യമങ്ങൾ സംഭവം പെരുപ്പിച്ച് കാട്ടുന്നുവെന്നും ജോസഫൈൻ മാധ്യമങ്ങളോട് പറഞ്ഞു.

89കാ​രി​യാ​യ കി​ട​പ്പു​രോ​ഗി​യോ​ട് നേ​രി​ട്ട് ഹാ​ജ​രാ​കാ​ൻ നി​ർ​ബ​ന്ധി​ച്ച വ​നി​ത ക​മീ​ഷ​ൻ അ​ധ്യ​ക്ഷ എം.​സി. ജോ​സ​ഫൈ​ന്‍റെ നടപടി വിവാദമായിരുന്നു. പ​രാ​തി കേ​ൾ​ക്കാ​ൻ മ​റ്റ് മാ​ർ​ഗ​മു​ണ്ടോ എ​ന്ന് ചോ​ദി​ച്ച ബ​ന്ധു​വി​നായിരുന്നു അ​ധ്യ​ക്ഷ​യു​ടെ ശ​കാ​ര​വ​ർ​ഷം. 89 വ​യ​സ്സു​ള്ള വ​യോ​ധി​ക​യു​ടെ പ​രാ​തി എ​ന്തി​നാ​ണ് വ​നി​ത ക​മീ​ഷ​ന് ന​ൽ​കു​ന്ന​തെ​ന്നും പ​രാ​തി​ക്കാ​രി ആ​രാ​യാ​ലും വി​ളി​ക്കു​ന്നി​ട​ത്ത് ഹി​യ​റി​ങ്ങി​ന് എ​ത്ത​ണ​മെ​ന്നു​മാ​ണ്​ അ​ധ്യ​ക്ഷ പ​റ​യു​ന്ന​ത്. ജോ​സ​ഫൈ​ന്‍റെ ഫോ​ൺ സം​ഭാ​ഷ​ണ​ത്തി​ന്‍റെ ശ​ബ്​​ദ​രേ​ഖ പു​റ​ത്താ​യതോടെ സംഭവം വിവാദമായത്.

കോ​ട്ടാ​ങ്ങ​ൽ ദേ​വീ​ക്ഷേ​ത്ര​ത്തി​ന​ടു​ത്ത്​ താ​മ​ര​ശ്ശേ​രി​ൽ വീ​ട്ടി​ൽ ല​ക്ഷ്മി​ക്കു​ട്ടി അ​മ്മ​യാ​ണ്​ പ​രാ​തി​ക്കാ​രി. അ​യ​ൽ​വാ​സി മ​ർ​ദി​ച്ച സം​ഭ​വ​ത്തി​ലാ​ണ്​ പ​രാ​തി ന​ൽ​കി​യ​ത്. ഇ​വ​രു​ടെ അ​ക​ന്ന ബ​ന്ധു കോ​ട്ട​യം ക​റു​ക​ച്ചാ​ൽ സ്വ​ദേ​ശി ഉ​ല്ലാ​സാ​ണ്​ ജോ​സ​ഫൈ​നെ ഫോ​ണി​ൽ വി​ളി​ച്ച​ത്. എ​ന്തി​നാ​ണ് ക​മീ​ഷ​നി​ൽ പ​രാ​തി കൊ​ടു​ക്കാ​ൻ പോ​യ​തെ​ന്നും പൊ​ലീ​സ് സ്​​റ്റേ​ഷ​നി​ൽ പ​രാ​തി​പ്പെ​ട്ടാ​ൽ പോ​രേ എ​ന്നു​മാ​ണ് ചോ​ദി​ക്കു​ന്ന​ത്. ''89 വ​യ​സ്സു​ള്ള ത​ള്ള​യെ​ക്കൊ​ണ്ട് പ​രാ​തി കൊ​ടു​പ്പി​ക്കാ​ൻ ആ​രാ​ണ് പ​റ​ഞ്ഞ​ത്. പ​രാ​തി കൊ​ടു​ത്താ​ൽ വി​ളി​പ്പി​ക്കു​ന്നി​ട​ത്ത് എ​ത്ത​ണം.'' എ​ന്ന് പ​റ​ഞ്ഞ്​ ഉ​ല്ലാ​സി​നോ​ട് ക​യ​ർ​ക്കു​ക​യാ​യി​രു​ന്നു.

ജ​നു​വ​രി 28ന് ​അ​ടൂ​രി​ൽ ന​ട​ക്കു​ന്ന ഹി​യ​റി​ങ്ങി​ന് ഹാ​ജ​രാ​വ​ണ​മെ​ന്നാ​യി​രു​ന്നു ക​മീ​ഷ​നി​ൽ നി​ന്ന് ല​ഭി​ച്ച നോ​ട്ടീ​സ്. 50 കി​ലോ​മീ​റ്റ​റോ​ളം അ​ക​ലെ​യു​ള്ള സ്ഥ​ല​ത്ത് എ​ത്താ​നു​ള്ള ബു​ദ്ധി​മു​ട്ട് അ​റി​യി​ച്ചാ​ണ് ബ​ന്ധു​വാ​യ ഉ​ല്ലാ​സ് അ​ധ്യ​ക്ഷ​യെ ഫോ​ണി​ലൂ​ടെ ബ​ന്ധ​പ്പെ​ട്ട​ത്.​ മ​റ്റാ​രും ഇ​ല്ലാ​ത്ത​തു​ കൊ​ണ്ടാ​ണ്​ താ​ൻ ജോ​സ​ഫൈ​നെ വി​ളി​ച്ച്​ വി​വ​രം അ​ന്വേ​ഷി​ച്ച​തെ​ന്ന്​ ഉ​ല്ലാ​സ്​ പ​റ​യു​ന്നു. പ​രാ​തി ല​ഭി​ച്ചാ​ൽ ഇ​രു​കൂ​ട്ട​രും നേ​രി​ട്ട്​ ഹാ​ജ​രാ​യാ​ൽ മാ​ത്ര​മെ എ​ന്തെ​ങ്കി​ലും ചെ​യ്യാ​നാ​കൂ. വ​രാ​നാ​കി​ല്ലെ​ങ്കി​ൽ പി​ന്നെ എ​ന്തി​നാ​ണ്​ പ​രാ​തി ന​ൽ​കി​യ​തെ​ന്ന്​ ചോ​ദി​ച്ച​ത്​ ശ​രി​യാ​ണെ​ന്നും സം​ഭാ​ഷ​ണ​ത്തി​നി​ട​യി​ൽ 'ത​ള്ള'​യെ​ന്ന വാ​ക്ക്​ ഉ​പ​യോ​ഗി​ച്ചി​ട്ടി​െ​ല്ല​ന്നു​മാ​ണ്​ ജോ​സ​ഫൈ​ൻ പ​റ​യു​ന്ന​ത്.