നഴ്സ് ചമഞ്ഞ് ​കൊല്ലാൻ ശ്രമം: പ്രതി​യെ പൊക്കാൻ സഹായിച്ചത് യൂ​നി​ഫോ​മി​ലെ വ്യ​ത്യാ​സവും പെ​രു​മാ​റ്റ​ത്തി​ലെ അസ്വാഭാവികതയും

തി​രു​വ​ല്ല: പ​രു​മ​ല​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​സ​വിച്ച് ചികിത്സയിൽ കിടന്ന യു​വ​തി​യെ കു​ത്തി​വെ​ച്ച് കൊല്ലാൻ ശ്ര​മിച്ച സംഭവത്തിൽ പ്രതിയെ പിടിക്കാൻ സഹായിച്ചത് യൂ​നി​ഫോ​മി​ലെ വ്യ​ത്യാ​സവും പെ​രു​മാ​റ്റ​ത്തി​ലെ അസ്വാഭാവികതയും. ന​ഴ്സി​ന്‍റെ വേ​ഷ​ത്തി​ലെ​ത്തി​യ കാ​യം​കു​ളം പു​ല്ലു​കു​ള​ങ്ങ​ര സ്വ​ദേ​ശി അ​നു​ഷ​യെ (25) പു​ളി​ക്കീ​ഴ് പൊ​ലീ​സാണ് അ​റ​സ്റ്റ് ചെ​യ്തത്.

കാ​യം​കു​ളം ക​രീ​ല​ക്കു​ള​ങ്ങ​ര സ്വ​ദേ​ശി സ്നേ​ഹ​യെ കൊ​ല​പ്പെ​ടു​ത്താ​നാ​ണ്​ ശ്ര​മി​ച്ച​ത്. സി​റി​ഞ്ച്​ ഉ​പ​യോ​ഗി​ച്ച്​ ധ​മ​നി​ക​ളി​ൽ വാ​യു ക​യ​റ്റി​യു​ള്ള എ​യ​ർ എം​ബോ​ളി​സം മാ​ർ​ഗ​ത്തി​ലൂ​ടെ വ​ധി​ക്കാ​നാ​യി​രു​ന്നു ശ്ര​മം. വെ​ള്ളി​യാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ്​ സം​ഭ​വം. അ​ഞ്ച്​ ദി​വ​സം മു​മ്പ്​ പ്ര​സ​വി​ച്ച സ്​​നേ​ഹ​യെ ആ​ശു​പ​ത്രി​യി​ൽ നി​ന്ന്​ ഡി​സ്​​ചാ​ർ​ജ്​ ​െചയ്യുന്ന ഒരുക്കത്തിലായിരുന്നു. ബി​ല്ല​ട​ക്കാ​ൻ ബ​ന്ധു​ക്ക​ൾ പോ​യ സ​മ​യ​ത്താ​ണ്​ അ​നു​ഷ മു​റി​യി​ലെ​ത്തി​യ​ത്.

ഈ ​സ​മ​യം സ്​​നേ​ഹ​യും കു​ഞ്ഞും മാ​ത്ര​മാ​ണ്​ ഉ​ണ്ടാ​യി​രു​ന്ന​ത്. സി​റി​ഞ്ചു​പ​യോ​ഗി​ച്ച്​ കു​ത്തി​വെ​ച്ചെ​ങ്കി​ലും സ്​​നേ​ഹ​ക്ക്​ യു​വ​തി​യു​ടെ പെ​രു​മാ​റ്റ​ത്തി​ൽ സം​ശ​യം തോ​ന്നി. പ​രു​മ​ല ആ​ശു​പ​ത്രി​യി​ലെ ന​ഴ്​​സു​മാ​രു​ടെ വേ​ഷ​വു​മാ​യി ഇ​വ​രു​ടെ യൂ​നി​ഫോ​മി​നും​ വ്യ​ത്യാ​സ​മു​ണ്ടാ​യി​രു​ന്നു. ഇ​തോ​ടെ സ്​​നേ​ഹ ബ​ഹ​ളം വെ​ക്കു​ക​യും ര​ക്ഷ​പ്പെ​ടാ​ൻ ശ്ര​മി​ച്ച അ​നു​ഷ​യെ ആ​ശു​പ​ത്രി ജീ​വ​ന​ക്കാ​ർ ത​ട​ഞ്ഞു​വെ​ച്ച്​ പൊ​ലീ​സി​ന്​ കൈ​മാ​റു​ക​യു​മാ​യി​രു​ന്നു. സ്നേ​ഹ​ക്ക്​ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ടെ​ങ്കി​ലും കാ​ര്യ​മാ​യ പ്ര​ശ്ന​ങ്ങ​ളു​ണ്ടാ​യി​ല്ല. അ​നു​ഷ​, സ്നേ​ഹ​യു​ടെ ഭ​ർ​ത്താ​വി​ന്‍റെ സു​ഹൃ​ത്താ​ണെ​ന്നാ​ണ്​ സൂ​ച​ന.