മൂന്ന് പെൺകുട്ടികളെ ഒരു വർഷമായി പീഡിപ്പിച്ചു; പ്രതിക്ക് 70 വർഷം കഠിനതടവ്​

നെടുമങ്ങാട്: പ്രായപൂർത്തിയാകാത്ത മൂന്ന് പെൺകുട്ടികളെ ഒരു വർഷമായി ലൈംഗികമായി പീഡിപ്പിച്ച പ്രതിക്ക് 70 വർഷം കഠിനതടവും 1,70,000 രൂപ പിഴയും. സഹോദരന്മാരായ രണ്ടുപേരുടെ മൂന്ന് പെൺമക്കളെയാണ്​ വെഞ്ഞാറമൂട് പുല്ലമ്പാറ സ്വദേശിയായ പ്രതി ഒരു വർഷത്തിലധികമായി പീഡനത്തിനിരയാക്കിയത്.

നെടുമങ്ങാട് ഫാസ്റ്റ് ട്രാക്ക് സ്പെഷൽ കോടതി (പോക്സോ) ജഡ്ജ് കെ.പി. സുനിലാണ്​ ശിക്ഷ വിധിച്ചത്. 5, 7, 8 വയസ്സുള്ള പെൺകുട്ടികളാണ് ക്രൂരതക്കിരയായത്.

വീട്ടുമുറ്റത്ത് പാർക്ക് ചെയ്തിരുന്ന ഓട്ടോറിക്ഷയിൽ വെച്ചായിരുന്നു പീഡനം. പ്രോസിക്യൂസിനുവേണ്ടി സ്പെഷൽ പബ്ലിക് പ്രോസിക്യൂട്ടർ സരിത ഷൗക്കത്തലി ഹാജരായി.