കൊട്ടിയൂരിൽ മയക്കുവെടി വെച്ച് പിടികൂടിയ കടുവ ചത്തു

കേ​ള​കം (ക​ണ്ണൂ​ർ): കൊ​ട്ടി​യൂ​ർ പ​ന്നി​യാം​മ​ല​യി​ൽ ക​മ്പി​വേ​ലി​യി​ൽ കു​ടു​ങ്ങിയ നിലയിൽ കണ്ടെത്തിയ കടുവ ചത്തു. ക​മ്പി​വേ​ലി​യി​ൽ കു​ടു​ങ്ങിയതിനെ തുടർന്ന് മയക്കുവെടി വെച്ച് പിടികൂടിയ കടുവയെ തൃശൂർ മൃഗശാലയിലേക്ക് കൊണ്ടുവരുംവഴിയാണ് ചത്തത്. കടുവയുടെ പോസ്റ്റുമോർട്ട് ഇന്ന് വയനാട് പൂക്കോട് വെച്ച് നടത്തും.

ഇന്നലെ മ​ണി​ക്കൂ​റു​ക​ൾ നീ​ണ്ട പ്ര​യ​ത്ന​ത്തി​നൊ​ടു​വി​ലായിരുന്നു ക​ടു​വ​യെ കൂ​ട്ടി​ലാ​ക്കിയത്. ചൊ​വ്വാ​ഴ്ച പു​ല​ർ​ച്ച നാ​ല് മ​ണി​യോ​ടെ​യാ​ണ് വേ​ലി​യി​ൽ കു​ടു​ങ്ങി​യ ക​ടു​വ​യെ നാ​ട്ടു​കാ​ർ ക​ണ്ട​ത്. റ​ബ​ർ ടാ​പ്പി​ങ്ങി​നാ​യി പോ​യ തൊഴിലാളിയാണ് പ​റ​മ്പി​ലെ ക​മ്പിവേ​ലി​യി​ൽ കു​ടു​ങ്ങി​യ നി​ല​യി​ൽ ക​ടു​വ​യെ ക​ണ്ട​ത്. ക​ടു​വ​യു​ടെ വ​ല​തു​കൈ ക​മ്പി​യി​ൽ കു​രു​ങ്ങി​യ നി​ല​യി​ലാ​യി​രു​ന്നു.

രാ​വി​ലെ​ വ​നം വ​കു​പ്പ് ഉ​ദ്യോ​ഗ​സ്ഥ​രും പൊ​ലീ​സു​മെ​ത്തി ര​ക്ഷാ​പ്ര​വ​ർ​ത്ത​നം തു​ട​ങ്ങി. 11 മ​ണി​യോ​ടെ വ​യ​നാ​ട്ടി​ൽ​നി​ന്ന്​ എ​ത്തി​യ ഡോ​ക്ട​ർ​മാ​രു​ടെ വി​ദ​ഗ്​​ധ സം​ഘം ജീ​പ്പി​ൽ​നി​ന്ന് ക​ടു​വ​യെ മ​യ​ക്കു​വെ​ടി​വെ​ച്ചു. തു​ട​ർ​ന്ന് അ​ര​മ​ണി​ക്കൂ​റോ​ളം കാ​ത്തി​രു​ന്ന്​ മ​യ​ങ്ങി എ​ന്ന് ഉ​റ​പ്പു​വ​രു​ത്തി​യ​ശേ​ഷം ക​ടു​വ​യെ വ​ല​യി​ലാ​ക്കി. ശേ​ഷം ലോ​റി​യി​ൽ സൂ​ക്ഷി​ച്ച കൂ​ട്ടി​ലേ​ക്ക് മാ​റ്റി ക​ണ്ട​പ്പു​നം വ​നം ഓ​ഫി​സ് പ​രി​സ​ര​ത്തെ​ത്തി​ച്ചു.

കണ്ണവം വനത്തിലേക്ക് കൊണ്ടുപോകാൻ വനംവകുപ്പ് ശ്രമിച്ചപ്പോൾ നാട്ടുകാർ ശക്തമായി എതിർത്തതോടെയാണ് തൃശൂർ മൃഗശാലയിലേക്ക് കൊണ്ടുപോകാൻ തീരുമാനമായത്. തുടർന്ന് തൃശൂർ മൃഗശാലയിൽ കടുവയെ പാർപ്പിക്കാനും ചികിത്സക്കുമുള്ള ഒരുക്കം നടത്തിയിരുന്നു. എന്നാൽ, തൃശൂരിലേക്ക് കൊണ്ടുപോകുന്ന വഴി കടുവ ചാവുകയായിരുന്നു.