തലശ്ശേരി-മാഹി ബൈപാസിൽ പരീക്ഷണയോട്ടം

ത​ല​ശ്ശേ​രി: നി​ർ​മാ​ണം പൂ​ർ​ത്തി​യാ​യ ത​ല​ശ്ശേ​രി-​മാ​ഹി ബൈ​പാ​സ് പ​രീ​ക്ഷ​ണ​യോ​ട്ട​ത്തി​നാ​യി വ്യാ​ഴാ​ഴ്ച വൈ​കീ​ട്ട് തു​റ​ന്നു​കൊ​ടു​ത്തു. അ​ഞ്ചു ദി​വ​സ​ത്തേ​ക്കാ​ണ് ട്ര​യ​ൽ റ​ൺ. മു​ഴ​പ്പി​ല​ങ്ങാ​ട് മു​ത​ൽ മാ​ഹി അ​ഴി​യൂ​ർ വ​രെ 18.6 കി​ലോ​മീ​റ്റ​റി​ലാ​ണ് ബൈ​പാ​സ് നി​ർ​മാ​ണം പൂ​ർ​ത്തി​യാ​ക്കി​യ​ത്.

ത​ല​ശ്ശേ​രി, മാ​ഹി ന​ഗ​ര​ങ്ങ​ളി​ൽ പ്ര​വേ​ശി​ക്കാ​തെ ക​ണ്ണൂ​ർ ഭാ​ഗ​ത്തു​നി​ന്ന് വ​രു​ന്ന​വ​ർ​ക്ക് കോ​ഴി​ക്കോ​ട് ജി​ല്ല​യി​ലെ അ​ഴി​യൂ​രി​ൽ എ​ത്തി​ച്ചേ​രാം. ത​ല​ശ്ശേ​രി​യി​ലെ​യും മാ​ഹി​യി​ലെ​യും ഗ​താ​ഗ​ത​ക്കു​രു​ക്ക് ഒ​ഴി​വാ​ക്കി​യു​ള്ള യാ​ത്ര​ക്കാ​ണ് ബൈ​പാ​സ് വ​ഴി​തു​റ​ക്കു​ന്ന​ത്.

മു​ഴ​പ്പി​ല​ങ്ങാ​ടു​നി​ന്ന് ധ​ർ​മ​ടം, എ​ര​ഞ്ഞോ​ളി, ത​ല​ശ്ശേ​രി, കോ​ടി​യേ​രി, മാ​ഹി വ​ഴി​യാ​ണ് റോ​ഡ് അ​ഴി​യൂ​രി​ൽ എ​ത്തു​ന്ന​ത്. മേ​ൽ​പാ​ലം, റെ​യി​ൽ​വേ ഓ​വ​ർ​ബ്രി​ഡ്ജ്, 21 അ​ണ്ട​ർ​പാ​സു​ക​ൾ, ടോ​ൾ പ്ലാ​സ എ​ന്നി​വ​യു​ൾ​പ്പെ​ടു​ന്ന​താ​ണ് ത​ല​ശ്ശേ​രി-​മാ​ഹി ബൈ​പാ​സ്.

ബൈ​പാ​സി​ന്റെ ഇ​രു​ഭാ​ഗ​ത്തും 5.5 മീ​റ്റ​ർ വീ​തി​യി​ലു​ള്ള സ​ർ​വി​സ് റോ​ഡു​ക​ളു​മു​ണ്ട്. എ​റ​ണാ​കു​ളം ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന ഇ.​കെ.​കെ ഇ​ൻ​ഫ്രാ​സ്ട്ര​ക്ച​ർ ലി​മി​റ്റ​ഡി​നാ​യി​രു​ന്നു നി​ർ​മാ​ണ​ച്ചു​മ​ത​ല. 2018ലാ​ണ് ക​മ്പ​നി നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്.