ഏ​ക സി​വി​ൽ കോ​ഡ്: മുസ്‌ലിം പ്രശ്നമാക്കി രാഷ്ട്രീയ മുതലെടുപ്പ് നടത്തരുത് -പി. മുജീബുറഹ്​മാൻ

കോ​ഴി​ക്കോ​ട്​: ഏ​ക സി​വി​ൽ കോ​ഡ് മു​സ്‌​ലിം സ​മു​ദാ​യ​ത്തി​ന്റെ മാ​ത്രം പ്ര​ശ്ന​മാ​ക്കി രാ​ഷ്ട്രീ​യ മു​ത​ലെ​ടു​പ്പ് ന​ട​ത്ത​രു​തെ​ന്ന്​ ജ​മാ​അ​ത്തെ ഇ​സ്​​ലാ​മി കേ​ര​ള അ​മീ​ർ പി. ​മു​ജീ​ബു​റ​ഹ്​​മാ​ൻ പ്ര​സ്താ​വ​ന​യി​ൽ പ​റ​ഞ്ഞു. ഏ​ക സി​വി​ൽ കോ​ഡി​നാ​യു​ള്ള സ​ർ​ക്കാ​ർ നീ​ക്കം രാ​ജ്യ​ത്ത് വ​ർ​ഗീ​യ ധ്രു​വീ​ക​ര​ണം സൃ​ഷ്ടി​ക്കാ​നു​ള്ള അ​ജ​ണ്ട​യു​ടെ ഭാ​ഗ​മാ​ണ്.

മു​സ്‌​ലിം വെ​റു​പ്പ് പ​ട​ർ​ത്താ​നും ര​ണ്ടു മ​ത​വി​ഭാ​ഗ​ങ്ങ​ൾ​ക്കി​ട​യി​ൽ വി​ഭ​ജ​നം സൃ​ഷ്ടി​ക്കാ​നു​മു​ള്ള ബോ​ധ​പൂ​ർ​വ ശ്ര​മ​മാ​ണ് പ്ര​ധാ​ന​മ​ന്ത്രി ന​ട​ത്തു​ന്ന​ത്. കേ​ര​ള​ത്തി​ലും ഇ​തേ ആ​ഖ്യാ​നം ചി​ല രാ​ഷ്ട്രീ​യ ക​ക്ഷി​ക​ൾ ഉ​യ​ർ​ത്തു​ന്നു​ണ്ട്. ഇ​ത് മ​ന​സ്സി​ലാ​ക്കാ​ൻ മ​ല​യാ​ളി​ക​ൾ​ക്ക് ക​ഴി​യ​ണം.

രാ​ജ്യ​ത്ത്​ ഇ​ത്ര​യേ​റെ വ്യ​ക്തി​നി​യ​മ​ങ്ങ​ളു​ണ്ടാ​യി​ട്ടും ക​ഴി​ഞ്ഞ ഏ​ഴ​ര​പ​തി​റ്റാ​ണ്ട് കാ​ലം ഒ​രു പ്ര​ശ്ന​വു​മു​ണ്ടാ​യി​ട്ടി​ല്ല. അ​തു​കൊ​ണ്ടാ​ണ് ആ​ദ്യ​ഘ​ട്ട​ത്തി​ൽ​ത​ന്നെ നി​യ​മ ക​മീ​ഷ​ൻ ഈ ​ആ​വ​ശ്യ​ത്തെ നി​രാ​ക​രി​ച്ച​ത്. മു​സ്‌​ലിം സ​മൂ​ഹ​ത്തി​ന് ഒ​രു​നി​ല​ക്കും ഏ​ക സി​വി​ൽ കോ​ഡി​നോ​ട് യോ​ജി​ക്കാ​നാ​വി​ല്ലെ​ന്ന​തി​നാ​ൽ സം​ഘ​ട​ന​ക​ൾ ഇ​തി​നോ​ട് ഒ​റ്റ​ക്കും കൂ​ട്ടാ​യും പ്ര​തി​ക​രി​ക്കും. പ​ക്ഷേ, ഇ​തു​വ​ഴി വ​ർ​ഗീ​യ ധ്രു​വീ​ക​ര​ണം സൃ​ഷ്ടി​ച്ച് വം​ശീ​യ വി​ദ്വേ​ഷം വ​ള​ർ​ത്താ​നോ സ​മു​ദാ​യ സം​ര​ക്ഷ​ക​വേ​ഷം കെ​ട്ടാ​നോ ആ​രും തു​നി​യ​രു​ത്. ഇ​ത് രാ​ജ്യ​ത്തി​ന്റെ​യും ഭ​ര​ണ​ഘ​ട​ന പൗ​ര​ന് ഉ​റ​പ്പു​ന​ൽ​കു​ന്ന സ്വാ​ത​ന്ത്ര്യ​ത്തി​ന്റെ​യും വൈ​വി​ധ്യ​ത്തി​ന്റെ​യും പ്ര​ശ്ന​മാ​ണ്. ഈ ​രാ​ഷ്ട്രീ​യ സ​ത്യ​സ​ന്ധ​ത കാ​ണി​ക്കാ​ൻ എ​ല്ലാ​വ​രും സ​ന്ന​ദ്ധ​മാ​ക​ണ​മെ​ന്ന്​ അ​ദ്ദേ​ഹം ആ​വ​ശ്യ​പ്പെ​ട്ടു.