അദ്ദേഹം സത്യം പറയുന്നത്​ കൊണ്ട്​ ആരും കൂടെക്കൂട്ടുന്നില്ല -​ പി.സി ജോർജിന്‍റെ ഭാര്യ ഉഷ

പൂഞ്ഞാർ: പി.സി ജോർജ്​ സത്യം വിളിച്ചുപറയുന്നയാളായതുകൊണ്ടാണ്​ മുന്നണികൾ കൂടെക്കൂട്ടാത്ത​െതന്ന്​ പി.സി ​ജോർജ്ജിന്‍റെ ഭാര്യ ഉഷ. പി.സി ജോർജിന്​ കഴിഞ്ഞ വർഷത്തേക്കാൾ ഭൂരിപക്ഷമുണ്ടാകുമെന്നും ഈരാറ്റുപേട്ടക്കാർ അദ്ദേഹത്തിന്​ വോട്ടുചെയ്യുമെന്നും ഉഷ സ്വകാര്യ ചാനലിന്​ നൽകിയ അഭിമുഖത്തിൽ പറഞ്ഞു.

''കൂവലൊന്നും അദ്ദേഹത്തിന്​ വിഷയമില്ല. രക്ഷയില്ലാഞ്ഞിട്ടാണ്​ അദ്ദേഹം മുന്നണിമാറിയും സ്വത​ന്ത്രനായും നിൽക്കുന്നത്​. പി.സി ജോർജ്​ സത്യം വിളിച്ചുപറയുന്നയാളായതുകൊണ്ട്​ ആരും എടുക്കുന്നില്ല. പുള്ളിയുടെ വഴി നേരാണ്​. പി.സിക്ക്​ ചെറിയ എടുത്തുചാട്ടമുണ്ട്​. ആരോടും സ്ഥായിയായ വിരോധമില്ല. മറ്റുള്ളവരെപ്പോലെ ഒന്നും ഉള്ളിൽ വെക്കുന്ന പ്രക​​ൃതമല്ല'' - ഉഷ പറഞ്ഞു.

കഴിഞ്ഞ വർഷം സ്വതന്ത്രനായി 27,821​വോട്ടിന്​ വിജയിച്ച പി.സിക്ക്​ ഇക്കുറി കാര്യങ്ങൾ അത്ര എളുപ്പമല്ല.