വൈ​ഗ​യുടെ ​കൊലപാതകം: കൃത്യമായ ആസൂത്രണം, ക്രൂരം

കൊ​ച്ചി: സ​നു മോ​ഹ​ൻ മ​ക​ൾ വൈ​ഗ​യെ കൊ​ല​പ്പെ​ടു​ത്തി​യ രീ​തി​യും അ​തി​നാ​യി ന​ട​ത്തി​യ ആ​സൂ​ത്ര​ണ​വും ഞെ​ട്ടി​ക്കു​ന്ന​താ​യി​രു​ന്നു. കൃ​ത്യം ന​ട​ത്തു​ന്ന​തി​ന്​ ആ​ഴ്ച​ക​ൾ​ക്ക്​​ മു​മ്പു​ത​ന്നെ സ​മൂ​ഹ​മാ​ധ്യ​മ​ങ്ങ​ൾ ഉ​പ​യോ​ഗി​ക്കു​ന്ന​ത്​ നി​ർ​ത്തി. ​അ​ടു​ത്ത സു​ഹൃ​ത്തു​ക്ക​ളു​മാ​യി​പ്പോ​ലും മൊ​ബൈ​ലി​ൽ സം​സാ​രി​ച്ചി​ല്ല. ത​ന്‍റെ ഫോ​ൺ ത​ക​രാ​റി​ലാ​ണെ​ന്ന്​ പ​റ​ഞ്ഞ്​ ഭാ​ര്യ ര​മ്യ​യു​ടെ ഫോ​ൺ ഉ​പ​യോ​ഗി​ച്ചു​തു​ട​ങ്ങി. ബ​ന്ധു​ക്ക​ളു​മാ​യി അ​ക​ലം പാ​ലി​ച്ചി​രു​ന്ന സ​നു അ​വ​രു​മാ​യി ബോ​ധ​പൂ​ർ​വം കൂ​ടു​ത​ൽ ഇ​ട​പ​ഴ​കാ​ൻ ശ്ര​മി​ച്ചു. ചോ​ദ്യം​ചെ​യ്യ​ലി​ൽ പ്ര​തി വെ​ളി​പ്പെ​ടു​ത്തി​യ കാ​ര്യ​ങ്ങ​ളാ​ണ്​ സം​ഭ​വ​ത്തി​ന്‍റെ ക്രൂ​ര​ത വ​ര​ച്ചു​കാ​ട്ടി​യ​ത്.

കാ​ക്ക​നാ​ട്​ ക​ങ്ങ​ര​പ്പ​ടി​യി​ലെ ഫ്ലാ​റ്റി​ലാ​യി​രു​ന്നു​ സ​നു​ മോ​ഹ​നും ഭാ​ര്യ​യും വൈ​ഗ​യും താ​മ​സം. ക​ലാ​കാ​യി​ക രം​ഗ​ങ്ങ​ളി​ൽ മി​ക​വ്​ തെ​ളി​യി​ച്ചി​രു​ന്ന വൈ​ഗ ‘ബി​ല്ലി’ എ​ന്ന സി​നി​മ​യി​ലും വേ​ഷ​മി​ട്ടി​ട്ടു​ണ്ട്. 2021 മാ​ർ​ച്ച്​ 21ന്​ ​ഇ​വ​ർ കാ​യം​കു​ള​ത്തെ ബ​ന്ധു​വീ​ട്ടി​ലേ​ക്ക്​ പോ​യി.

ഭാ​ര്യ​യെ അ​വി​ടെ നി​ർ​ത്തി അ​മ്മാ​വ​ന്‍റെ വീ​ട്ടി​ലേ​ക്കെ​ന്നു​പ​റ​ഞ്ഞ്​ സ​നു മ​ക​ളെ​യും കൂ​ട്ടി​യി​റ​ങ്ങി. രാ​ത്രി വൈ​കി​യും തി​രി​ച്ചെ​ത്താ​താ​യ​തോ​ടെ വീ​ട്ടു​കാ​ർ പൊ​ലീ​സി​ൽ പ​രാ​തി ന​ൽ​കി. പി​റ്റേ ദി​വ​സ​മാ​ണ്​ വൈ​ഗ​യു​ടെ മൃ​ത​ദേ​ഹം മു​ട്ടാ​ർ പു​ഴ​യി​ൽ ക​ണ്ടെ​ത്തി​യ​ത്.

കാ​യം​കു​ള​ത്തു​നി​ന്ന്​ കൊ​ച്ചി​യി​​ലെ ഫ്ലാ​റ്റി​ലേ​ക്കാ​ണ്​ സ​നു​വും മ​ക​ളും വ​ന്ന​തെ​ന്ന്​ പൊ​ലീ​സി​​ന്‍റെ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. ഫ്ലാ​റ്റി​ലേ​ക്ക്​ വ​രും​വ​ഴി മ​ക​ൾ​ക്ക്​ തു​റ​വൂ​രി​ലെ ഹോ​ട്ട​ലി​ൽ​നി​ന്ന്​ അ​ൽ​ഫാ​മും കോ​ള​യും വാ​ങ്ങി ന​ൽ​കി. സാ​മ്പ​ത്തി​ക ബാ​ധ്യ​ത​യെ​ക്കു​റി​ച്ചും ന​മ്മ​ൾ മ​രി​ക്കാ​ൻ പോ​കു​ക​യാ​ണെ​ന്നും പ​റ​ഞ്ഞ​പ്പോ​ൾ നി​ഷ്ക​ള​ങ്ക​യാ​യ ആ ​പെ​ൺ​കു​ട്ടി മൂ​ളി​ക്കേ​ട്ടു. ‘അ​മ്മ​കൂ​ടി വേ​ണ്ടേ അ​ച്ഛാ’​എ​ന്ന മ​ക​ളു​ടെ ചോ​ദ്യ​ത്തി​ന്​ ‘അ​മ്മ ജീ​വി​ച്ചു​കൊ​ള്ളും’ എ​ന്നാ​യി​രു​ന്നു സ​നു​വി​ന്‍റെ മ​റു​പ​ടി. കൃ​ത്യ​ത്തി​നു​മു​മ്പ്​ ആ​ഭ​ര​ണ​ങ്ങ​ൾ അ​ഴി​ച്ചു​മാ​റ്റി. ആ​ദ്യം തു​ണി​കൊ​ണ്ട്​ മു​ഖ​ത്ത​മ​ർ​ത്തി​യും പി​ന്നെ ത​ന്‍റെ ശ​രീ​ര​ത്തോ​ട്​ ചേ​ർ​ത്ത്​ അ​മ​ർ​ത്തി​പ്പി​ടി​ച്ചും ശ്വാ​സം മു​ട്ടി​ച്ചു. ബോ​ധം ന​ഷ്ട​പ്പെ​ട്ട മ​ക​ളെ പു​ത​പ്പി​ൽ പൊ​തി​ഞ്ഞ്​ തോ​ള​ത്തെ​ടു​ത്തു. അ​പ്പോ​ഴും ജീ​വ​നു​ണ്ടാ​യി​രു​ന്ന അ​വ​ളു​ടെ മൂ​ക്കി​ൽ​നി​ന്ന്​ ത​റ​യി​ൽ വീ​ണ ര​ക്ത​ത്തു​ള്ളി​ക​ൾ സ​നു തു​ട​ച്ചു​മാ​റ്റി. കാ​റി​ന്‍റെ പി​ന്‍സീ​റ്റി​ൽ കി​ട​ത്തി മു​ട്ടാ​ർ പു​ഴ​ക്ക​രി​കി​ലെ​ത്തി. അ​പ്പോ​ൾ സ​മ​യം രാ​ത്രി 10.30. കു​ട്ടി​യെ വാ​ഹ​ന​ത്തി​ൽ​നി​ന്ന്​ പു​റ​ത്തെ​ടു​ത്ത്​ ക​ൽ​പ്പ​ട​വി​ലി​റ​ങ്ങി​നി​ന്ന്​ പു​ഴ​യി​ലേ​ക്കെ​റി​ഞ്ഞു. തു​ട​ർ​ന്ന്​ കാ​റി​ൽ കോ​യ​മ്പ​ത്തൂ​രി​ലേ​ക്ക്​ ക​ട​ക്കു​ക​യാ​യി​രു​ന്നു​വെ​ന്ന്​ പൊ​ലീ​സ്​ പ​റ​യു​ന്നു.

മ​ക​ൾ​ക്ക്​ വാ​ങ്ങി ന​ൽ​കി​യ കോ​ള​യി​ൽ ഇ​യാ​ൾ മ​ദ്യം ക​ല​ർ​ത്തി​യി​രു​ന്ന​താ​യി പൊ​ലീ​സ്​ സം​ശ​യി​ക്കു​ന്നു. സ​നു ഇ​ക്കാ​ര്യം നി​ഷേ​ധി​ച്ചു. എ​ന്നാ​ൽ, ആ​ന്ത​രി​കാ​വ​യ​വ​ങ്ങ​ളു​ടെ പ​രി​ശോ​ധ​ന​യി​ൽ ര​ക്ത​ത്തി​ൽ ആ​ൽ​ക്ക​ഹോ​ളി​ന്‍റെ അം​ശം ക​ണ്ടെ​ത്തി​യി​രു​ന്നു.

90 ദിവസത്തിനകം കുറ്റപത്രം; 300 സാക്ഷികൾ

കൊച്ചി: വൈഗയെ കൊലപ്പെടുത്തിയ കേസിൽ 90 ദിവസത്തികം കുറ്റപത്രം സമർപ്പിക്കാൻ പൊലീസ്​ കഠിനപ്രയത്നംത​ന്നെ നടത്തി. രാജ്യവ്യാപകമായി തിരച്ചിലും തെളിവെടുപ്പും വേണ്ടിവന്ന കേസ്​ എന്ന പ്രത്യേകതയുമുണ്ടായിരുന്നു. 2021 ജൂലൈ ഒമ്പതിന്​ കാക്കനാട്​ മജിസ്​ട്രേറ്റ്​ കോടതിയിൽ തൃക്കാക്കര പൊലീസ്​ ഇന്‍സ്​പെക്ടർ കെ. ധനപാലൻ 240 പേജുള്ള കുറ്റപത്രം സമർപ്പിച്ചു.60ലധികം ഹോട്ടലുകളും ഇരുപതോളം വീടുകളും സൈബർ വിദഗ്​ധരുടെ സഹായത്തോടെ പതിനായിരക്കണക്കിന്​ ഫോൺ കാളുകളും പരിശോധിച്ചു. സനുവിന്‍റെ ഭാര്യ, ബന്ധുക്കൾ, സുഹൃത്തുക്കൾ, ഫ്ലാറ്റിലെ താമസക്കാർ എന്നിവരടക്കം മുന്നൂറോളം സാക്ഷികളുടെ മൊഴികളും ശാസ്ത്രീയ പരിശോധന ഫലങ്ങളടക്കം നൂറോളം രേഖകളും 70 തൊണ്ടിമുതലുകളും ഹാജരാക്കിയിരുന്നു. അന്നത്തെ സിറ്റി പൊലീസ്​ കമീഷണർ നാഗരാജു, ഡെപ്യൂട്ടി കമീഷണർ ഐശ്വര്യ ഡോങ്​ഡെ എന്നിവരുടെ മേൽനോട്ടത്തിൽ എ.സി.പി ആർ. ശ്രീകുമാർ, ഇൻസ്​പെക്ടർ കെ. ധനപാലൻ എന്നിവരുടെ നേതൃത്വത്തിലായിരുന്നു അന്വേഷണം. കളമശ്ശേരി ഇൻസ്​പെക്ടർ ബാബു സെബാസ്റ്റ്യൻ, എസ്​.ഐമാരായ ഷെമീർഖാൻ, അരുൺ, എ.എസ്​.ഐ ഗിരീഷ്​ കുമാർ, എസ്​.സി.പി.ഒമാരായ രഞ്ജിത്​ ബി. നായർ, എം.എസ്​. ജാബിർ, മാഹിൻ അബൂബക്കർ, എം.എസ്​. ഷജീർ എന്നിവരാണ്​ അന്വേഷണ സംഘത്തിലുണ്ടായിരുന്നത്​.