ഈഡിസ് കൊതുകുകളില്‍ വൈറസ് സാന്നിധ്യം: ജാഗ്രത വേണമെന്ന് ഡി.എം.ഒ

തി​രു​വ​ന​ന്ത​പു​രം: ജി​ല്ല​യി​ല്‍ ഡെ​ങ്കി​പ്പ​നി, ചി​കു​ൻ ഗു​നി​യ, സി​ക രോ​ഗ​ങ്ങ​ള്‍ പ​ക​ര്‍ത്തു​ന്ന വൈ​റ​സു​ക​ളെ ക​ണ്ടെ​ത്തി​യ​താ​യി ഡി.​എം.​ഒ അ​റി​യി​ച്ചു. തി​രു​വ​ന​ന്ത​പു​രം ന​ഗ​ര​സ​ഭ, ക​ര​കു​ളം, ക​ഠി​നം​കു​ളം പ​ഞ്ചാ​യ​ത്തു​ക​ള്‍ എ​ന്നി​വി​ട​ങ്ങ​ള്‍ കേ​ന്ദ്രീ​ക​രി​ച്ച് ജി​ല്ല വെ​ക്റ്റ​ര്‍ ക​ണ്‍ട്രോ​ള്‍ യൂ​നി​റ്റാ​ണ്​ പ​ഠ​നം ന​ട​ത്തി​യ​ത്.

കോ​ർ​പ​റേ​ഷ​നി​ലെ അ​മ്പ​ല​ത്ത​റ, തൃ​ക്ക​ണ്ണാ​പു​രം, ആ​റ​ന്നൂ​ര്‍, കു​ള​ത്തൂ​ര്‍, മു​ട്ട​ത്ത​റ, ചാ​ക്ക, ക​ണ്ണ​മ്മൂ​ല, ശാ​സ്ത​മം​ഗ​ലം പ്ര​ദേ​ശ​ങ്ങ​ളി​ലും ക​ര​കു​ളം, ക​ഠി​നം​കു​ളം പ​ഞ്ചാ​യ​ത്തു​ക​ളി​ല്‍നി​ന്ന്​ ശേ​ഖ​രി​ച്ച സാ​മ്പി​ളു​ക​ളി​ലാ​ണ്​ വൈ​റ​സു​ക​ളു​ടെ സാ​ന്നി​ധ്യം ക​ണ്ടെ​ത്തി​യ​ത്. ഇ​ട​വി​ട്ട് മ​ഴ പെ​യ്യു​ന്ന സാ​ഹ​ച​ര്യ​ത്തി​ല്‍ പൊ​തു​ജ​ന​ങ്ങ​ള്‍ കൊ​തു​കി​ന്റെ ഉ​റ​വി​ട ന​ശീ​ക​ര​ണം വീ​ഴ്ച​കൂ​ടാ​തെ ന​ട​ത്ത​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​ഭ്യ​ര്‍ഥി​ച്ചു.

ചെ​ടി​ച്ച​ട്ടി​ക​ളു​ടെ അ​ടി​യി​ലെ ട്രേ, ​മ​ണി പ്ലാ​ന്റ് വെ​ച്ചി​രി​ക്കു​ന്ന പാ​ത്രം, റ​ഫ്രി​ജ​റേ​റ്റ​റി​ന്​ പി​ന്നി​ലെ ട്രേ, ​ടെ​റ​സ്, സ​ണ്‍ഷെ​യ്ഡ്, ചി​ര​ട്ട​ക​ള്‍, ട​യ​റു​ക​ള്‍ എ​ന്നി​വി​ട​ങ്ങ​ളി​ല്‍ വെ​ള്ളം കെ​ട്ടി​നി​ല്‍ക്കു​ന്നി​ല്ലെ​ന്ന്​ ഉ​റ​പ്പു​വ​രു​ത്ത​ണം. ക​ര​യി​ല്‍ ക​യ​റ്റി​വെ​ച്ചി​രി​ക്കു​ന്ന വ​ള്ള​ങ്ങ​ള്‍ ക​മ​ഴ്ത്തി​വെ​ച്ചും ബോ​ട്ടു​ക​ളി​ല്‍ കെ​ട്ടി​യി​ട്ട ട​യ​റു​ക​ളി​ല്‍ ഉ​പ്പു​വെ​ള്ളം നി​റ​ച്ചും ഈ​ഡി​സ് കൂ​ത്താ​ടി​ക​ളെ നി​യ​ന്ത്രി​ക്കാം.

വെ​ള്ളം ഒ​ഴു​ക്കി​ക്ക​ള​യാ​ന്‍ പ​റ്റാ​ത്ത സ്ഥ​ല​ങ്ങ​ളി​ല്‍ വേ​പ്പി​ന്‍ പി​ണ്ണാ​ക്ക്, ഉ​പ്പ് എ​ന്നി​വ ഉ​പ​യോ​ഗി​ക്കു​ക. രോ​ഗ​ല​ക്ഷ​ണ​ങ്ങ​ള്‍ ശ്ര​ദ്ധ​യി​ൽ​പെ​ട്ടാ​ല്‍ അ​ടു​ത്തു​ള്ള ആ​രോ​ഗ്യ കേ​ന്ദ്ര​വു​മാ​യി ബ​ന്ധ​പ്പെ​ട​ണം. സ്വ​യം ചി​കി​ത്സ പാ​ടി​ല്ല. വീ​ടി​നു​ള്ളി​ലും പ​രി​സ​ര​ത്തും കൊ​തു​ക് മു​ട്ട​യി​ട്ട് പെ​രു​കു​ന്ന സാ​ഹ​ച​ര്യം ഉ​ണ്ടാ​ക്കു​ന്ന​ത് പൊ​തു​ജ​നാ​രോ​ഗ്യ​നി​യ​മ​പ്ര​കാ​രം പ​തി​നാ​യി​രം രൂ​പ വ​രെ പി​ഴ ഈ​ടാ​ക്കാ​വു​ന്ന കു​റ്റ​മാ​ണ​ന്നും ഡി.​എം.​ഒ അ​റി​യി​ച്ചു.