കുടിവെള്ളം മുട്ടി ആലപ്പുഴ

ആ​ല​പ്പു​ഴ: ആ​ല​പ്പു​ഴ​യി​ലെ വി​വി​ധ​യി​ട​ങ്ങ​ളി​ൽ കു​ടി​വെ​ള്ള പ്ര​ശ്നം അ​തി​രൂ​​ക്ഷം. പ​ള്ളാ​ത്തു​രു​ത്തി​യി​ൽ ശു​ദ്ധ​ജ​ലം കി​ട്ടാ​താ​യി​ട്ട്​ ഒ​രു​മാ​സം. 80ല​ധി​കം കു​ടും​ബ​ങ്ങ​ൾ ദു​രി​ത​ത്തി​ൽ. വാ​ർ​ഡ്​ കൗ​ൺ​സി​ല​ർ ബീ​ന ര​മേ​ശി​ന്‍റെ നേ​തൃ​ത്വ​ത്തി​ൽ നാ​ട്ടു​കാ​ർ വ​ഴി​ച്ചേ​രി​യി​ലെ ജ​ല അ​തോ​റി​റ്റി സ​ബ്​ ഡി​വി​ഷ​ൻ ഓ​ഫി​സി​ൽ പ്ര​തി​ഷേ​ധ​മു​യ​ർ​ത്തി. ചൊ​വ്വാ​ഴ്ച വൈ​കീ​ട്ട്​ കു​ടി​വെ​ള്ള പ്ര​ശ്നം പ​രി​ഹ​രി​ക്കാ​മെ​ന്ന അ​സി. എ​ക്സി​ക്യൂ​ട്ടി​വ്​ എ​ൻ​ജി​നീ​യ​റു​ടെ ഉ​റ​പ്പി​ലാ​ണ്​ സ​മ​രം അ​വ​സാ​നി​പ്പി​ച്ച​ത്. പ്ര​ദേ​ശ​വാ​സി​ക​ളാ​യ വി​നോ​ദ്, സ​ജി, ഷി​ജു എ​ന്നി​വ​രും സ​മ​ര​ത്തി​ൽ പ​ങ്കാ​ളി​ക​ളാ​യി. ജ​ല അ​തോ​റി​റ്റി എ​ക്സി​ക്യൂ​ട്ടി​വ്​ എ​ൻ​ജി​നീ​യ​ർ​ക്ക്​ മു​ന്നി​ലും പ​രാ​തി​യു​ടെ കെ​ട്ട​ഴി​ച്ചാ​ണ്​ ഇ​വ​ർ മ​ട​ങ്ങി​യ​ത്.

ജ​ല അ​തോ​റി​റ്റി ഉ​ദ്യോ​ഗ​സ്ഥ​രു​ടെ അ​നാ​സ്ഥ​യി​ൽ പ​ള്ളാ​ത്തു​രു​ത്തി തെ​ക്കും ഭാ​ഗ​ത്തും പാ​ട​ത്തി​ന്​ ന​ടു​വി​ൽ താ​മ​സി​ക്കു​ന്ന നി​ര​വ​ധി കു​ടും​ബ​ങ്ങ​ളാ​ണ്​ ദു​രി​ത​ത്തി​ലാ​യ​ത്. പ്ര​ദേ​ശ​​ത്ത്​ കു​ഴ​ൽ​ക്കി​ണ​ർ ഇ​ല്ലാ​ത്ത​തി​നാ​ൽ പൈ​പ്പു​വെ​ള്ള​ത്തെ ആ​​ശ്ര​യി​ച്ചാ​ണ്​ ഇ​വ​രു​ടെ ജീ​വി​തം. പ​ല​രും ജ​ലം പ​ണം​കൊ​ടു​ത്താണ്​ വാ​ന്ന​ത്. വാ​ഹ​ന​ത്തി​ൽ കു​ടി​വെ​ള്ളം എ​ത്തി​ക്കാ​ൻ പ്ര​ദേ​ശ​ത്ത്​ വ​ഴി​യി​ല്ലാ​ത്ത​തും പ്ര​ധാ​ന ത​ട​സ്സ​മാ​ണ്.

ആ​ല​പ്പു​ഴ കു​ടി​വെ​ള്ള പ​ദ്ധ​തി​യു​ടെ ഭാ​ഗ​മാ​യി തൂ​ക്കു​കു​ള​ത്തു​നി​ന്ന്​ പ​മ്പി​ങ്​ ന​ട​ത്തി​യാ​ണ്​ പ്ര​ദേ​ശ​ത്ത്​ ശു​ദ്ധ​ജ​ല​​മെ​ത്തു​ന്ന​ത്. മൂ​ന്നു മോ​ട്ടോ​റു​ക​ൾ കേ​ടാ​യ​താ​ണ്​ നി​ല​വി​ലെ പ്ര​തി​സ​ന്ധി​ക്ക്​ കാ​ര​ണം. ഇ​തി​ന്​ സ​മീ​പ​ത്തു​നി​ന്ന്​ മ​ണ്ണു​മാ​ന്തി കൊ​ണ്ടു​പോ​യ​തി​നാ​ൽ വ​ലി​യ​കു​ഴി​യാ​ണ്. വെ​ള്ളം​നി​റ​ഞ്ഞ കു​ഴി​യി​ൽ​നി​ന്ന്​ പ​ണി​യെ​ടു​ക്കു​മ്പോ​ൾ വൈ​ദ്യു​താ​​ഘാ​ത​മേ​ൽ​ക്കാ​നു​ള്ള സാ​ധ്യ​ത മു​ന്നി​ൽ​ക്ക​ണ്ടാ​ണ്​ പ​ല​രും​ ന​ന്നാ​ക്കാ​ൻ എ​ത്താ​ത്ത​ത്.

ക​ഴി​ഞ്ഞ​യാ​ഴ്ച​യും ജ​ല അ​തോ​റി​റ്റി ഓ​ഫി​സി​ൽ സ​മാ​ന​പ​രാ​തി ന​ൽ​കി​യ​പ്പോ​ൾ മ​ണ്ണു​മാ​ന്തി യ​ന്ത്രം ഇ​ല്ലാ​ത്ത​താ​ണ്​ പ്ര​ശ്ന​മെ​ന്ന്​ പ​റ​ഞ്ഞി​രു​ന്നു. കൗ​ൺ​സി​ല​ർ ഇ​ട​​പെ​ട്ട്​ ന​ഗ​ര​സ​ഭ​യി​ൽ​നി​ന്ന്​ മ​ണ്ണു​മാ​ന്തി യ​ന്ത്രം എ​ത്തി​ച്ചെ​ങ്കി​ലും ന​ന്നാ​ക്ക​ൽ ന​ട​ന്നി​ല്ല. അ​മൃ​ത് പ​ദ്ധ​തി​യി​​ലൂ​ടെ വെ​ള്ളം ന​ൽ​കി​യാ​ൽ പ്ര​ശ്നം പ​രി​ഹ​രി​ക്കു​മെ​ന്ന്​ നാ​ട്ടു​കാ​ർ പ​റ​ഞ്ഞു. എ​സ്.​ഡി കോ​ള​ജി​ന്​ സ​മീ​പ​ത്തെ അ​മൃ​ത്​ പ​ദ്ധ​തി ക​ണ​ക്ഷ​നി​ലെ വെ​ള്ളം വ​ഴി​തി​രി​ച്ചു​വി​ട്ട്​ പ​രി​ഹാ​രം ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ്​ അ​ധി​കൃ​ത​ർ.

ആ​ഴ്ച​യി​ൽ ര​ണ്ടു​ദി​വ​സം മാ​ത്രം കു​ടി​വെ​ള്ളം കി​ട്ടു​ന്ന​ പ്ര​ദേ​ശ​ങ്ങ​ളും ന​ഗ​ര​ത്തി​ലു​ണ്ട്. ക​ള​ർ​കോ​ട്, കൈ​ത​വ, കാ​ളാ​ത്ത്, തോ​ണ്ട​ൻ​കു​ള​ങ്ങ​ര പ്ര​ദേ​ശ​ങ്ങ​ളി​ലും സ​മാ​ന പ​രാ​തി​യു​ണ്ട്. കു​ടി​വെ​ള്ള​ത്തി​നാ​യി ജ​ല അ​തോ​റി​റ്റി​യെ മാ​ത്രം ആ​ശ്ര​യി​ക്കു​ന്ന​വ​ർ​ക്കാ​ണ് കൂ​ടു​ത​ൽ ബു​ദ്ധി​മു​ട്ട്. ന​ഗ​ര​ത്തി​ൽ സി​റ്റി ഗ്യാ​സ്​ പൈ​പ്പ്​ ലൈ​ൻ സ്ഥാ​പി​ക്ക​ലാ​ണ്​ ജ​ല അ​തോ​റി​റ്റി ലൈ​നു​ക​ൾ പൊ​ട്ടാ​ൻ​ കാ​ര​ണ​മാ​കു​ന്ന​ത്. ത​ക​രാ​റു​ക​ൾ പ​രി​ഹ​രി​ക്കാ​ൻ ദി​വ​സ​ങ്ങ​ളോ​ളം വേ​ണ്ടി​വ​രും. ഇ​ത്​ സ്ഥി​തി​കൂ​ടു​ത​ൽ രൂ​ക്ഷ​മാ​ക്കി​യെ​ന്നാ​ണ്​ ന​ഗ​ര​വാ​സി​ക​ൾ പ​റ​യു​ന്ന​ത്.