ആ​ര​വം ഗം​ഭീ​രം, പോ​ളി​ങ്ങി​ൽ നി​രാ​ശ

ക​ൽ​പ​റ്റ: പ്രി​യ​ങ്ക ഗാ​ന്ധി മ​ത്സ​രി​ക്കു​ന്ന​തി​നാ​ൽ വ​യ​നാ​ട് ലോ​ക്സ​ഭ മ​ണ്ഡ​ലം ഉ​പ​തെ​ര​ഞ്ഞെ​ടു​പ്പി​ന് വ​ൻ ഓ​ള​മാ​ണു​ണ്ടാ​യി​രു​ന്ന​ത്. എ​ന്നാ​ൽ, വോ​ട്ടു​ക​ൾ പെ​ട്ടി​യി​ലാ​യ​പ്പോ​ൾ പോ​ളി​ങ് ഏ​റെ കു​റ​വ്. ഇ​ത്ത​വ​ണ 64.72 ശ​ത​മാ​ന​മാ​ണ് പോ​ളി​ങ്. എ​ന്നാ​ൽ, ക​ഴി​ഞ്ഞ ത​വ​ണ​ 73.48 ശ​ത​മാ​ന​മാ​യി​രു​ന്നു. വ​ലി​യ ഇ​ടി​വാ​ണ് ഇ​ത്ത​വ​ണ സം​ഭ​വി​ച്ച​ത്. ബു​ധ​നാ​ഴ്ച രാ​വി​ലെ മു​ത​ൽ പ​തി​യെ തു​ട​ങ്ങി​യ വോ​ട്ടെ​ടു​പ്പ് വൈ​കീ​ട്ട് അ​വ​സാ​നി​ക്കു​മ്പോ​ഴും മി​ക്ക​യി​ട​ങ്ങ​ളി​ലും കാ​ര്യ​മാ​യ തി​ര​ക്കു​ണ്ടാ​യി​രു​ന്നി​ല്ല.

ഒ​രു തെ​ര​ഞ്ഞെ​ടു​പ്പ് ക​ഴി​ഞ്ഞ​യു​ട​ൻ​ത​ന്നെ​യെ​ത്തി​യ ഉ​പ​തെ​ര​ഞ്ഞെ​ടു​പ്പി​നെ പ​ല​രും കാ​ര്യ​മാ​യി എ​ടു​ത്തി​ല്ലെ​ന്ന​ത് മു​ന്ന​ണി​ക​ളെ ആ​ശ​ങ്ക​യി​ലാ​ക്കി​യി​ട്ടു​ണ്ട്. യു.​ഡി.​എ​ഫി​ന്റെ പ്രി​യ​ങ്ക ഗാ​ന്ധി, എ​ൽ.​ഡി.​എ​ഫി​ന്റെ സ​ത്യ​ൻ മൊ​കേ​രി, എ​ൻ.​ഡി.​എ​യു​ടെ ന​വ്യ ഹ​രി​ദാ​സ് എ​ന്നി​വ​ര​ട​ക്കം ആ​കെ 16 സ്ഥാ​നാ​ർ​ഥി​ക​ളാ​ണ് മ​ത്സ​രി​ച്ച​ത്. ആ​കെ​യു​ള്ള 14,71,742 വോ​ട്ട​ർ​മാ​രി​ൽ 9,52,203 പേ​രാ​ണ് വോ​ട്ട് രേ​ഖ​പ്പെ​ടു​ത്തി​യ​ത്. ആ​കെ​യു​ള്ള 7,25,044 പു​രു​ഷ​ന്മാ​രി​ൽ 4,54,455 പേ​രും 7,46,684 സ്ത്രീ​ക​ളി​ൽ 4,97,745 പേ​രു​മാ​ണ് വോ​ട്ടു​ചെ​യ്ത​ത്. 14 ട്രാ​ൻ​സ്ജെ​ൻ​ഡ​ർ വോ​ട്ട​ർ​മാ​രി​ൽ മൂ​ന്നു​പേ​രും വോ​ട്ടു​ചെ​യ്തു.

ക​ഴി​ഞ്ഞ ത​വ​ണ മ​ണ്ഡ​ല​ങ്ങ​ൾ ഇ​ങ്ങ​നെ:

ക​ഴി​ഞ്ഞ ത​വ​ണ വ​യ​നാ​ട് മ​ണ്ഡ​ല​ത്തി​ൽ ആ​കെ​യു​ള്ള 14,62,423 വോ​ട്ട​ർ​മാ​രി​ൽ 10,66,483 പേ​രാ​ണ് വോ​ട്ടു​ചെ​യ്ത​ത്. മാ​ന​ന്ത​വാ​ടി നി​യോ​ജ​ക മ​ണ്ഡ​ല​ത്തി​ൽ 2,01,383 പേ​രി​ൽ 1,46,334 പേ​രും (72.66 ശ​ത​മാ​നം) സു​ൽ​ത്താ​ൻ ബ​ത്തേ​രി​യി​ൽ 2,25,635ൽ 1,63,604 ​പേ​രു​മാ​ണ് (72.50 ശ​ത​മാ​നം) വോ​ട്ടു​ചെ​യ്ത​ത്. ക​ൽ​പ​റ്റ മ​ണ്ഡ​ല​ത്തി​ൽ 2,08,912 പേ​രി​ൽ 1,51,319 പേ​രും (72.43 ശ​ത​മാ​നം) തി​രു​വ​മ്പാ​ടി​യി​ൽ 1,83,283ൽ 1,34,268 ​പേ​രും (73.25 ശ​ത​മാ​നം) ഏ​റ​നാ​ട്ടി​ൽ 1,84,363 പേ​രി​ൽ 1,40,330 പേ​രും (76.11 ശ​ത​മാ​നം) ആ​ണ് വോ​ട്ടു​ചെ​യ്ത​ത്.

നി​ല​മ്പൂ​രി​ൽ ക​ഴി​ഞ്ഞ ത​വ​ണ 2,26,008ൽ 1,60,255​ഉം (70.90 ശ​ത​മാ​നം) വ​ണ്ടൂ​രി​ൽ 2,32,839 പേ​രി​ൽ 1,70,373 പേ​രും (73.17 ശ​ത​മാ​നം) ആ​ണ് വോ​ട്ട് ചെ​യ്തി​രു​ന്ന​ത്.