നടന്ന് കൊതിതീരാതെ അവൾ​ പോയി; അനാഥമായി ആ കുഞ്ഞുചെരിപ്പുകൾ

പോ​ത്തു​ക​ല്ല് (മ​ല​പ്പു​റം): സ്കൂ​ൾ തു​റ​ന്ന​പ്പോ​ൾ അ​വ​ൾ​ക്ക് വാ​ങ്ങി​യ പു​ത്ത​ൻ ചെ​രി​പ്പാ​യി​രി​ക്ക​ണം. ഒ​ര​ഞ്ചു വ​യ​സ്സു​കാ​രി​യു​ടേ​തെ​ന്ന് ക​രു​തു​ന്ന മെ​റൂ​ണും ക്രീം ​വൈ​റ്റും നി​റ​മു​ള്ള വ​ള്ളി​ച്ചെ​രി​പ്പു​ക​ളി​ലൊ​ന്ന് ചാ​ലി​യാ​ർ പു​ഴ​യോ​ര​ത്ത് അ​ങ്ങ​നെ അ​നാ​ഥ​മാ​യി കി​ട​ന്നു.

ഒ​രു കു​ടും​ബ​ത്തി​ന്റേ​തെ​ന്ന് തോ​ന്നി​പ്പി​ക്കും​വി​ധം ഒ​പ്പം മു​തി​ർ​ന്ന​വ​രു​ടെ ഒ​രു കൂ​ട്ടം ചെ​രി​പ്പു​ക​ളും. ഉ​രു​ൾ​പൊ​ട്ട​ൽ ദു​ര​ന്തം ക​വ​ർ​ന്ന നി​ര​വ​ധി ജീ​വ​നു​ക​ളി​ലൊ​ന്നാ​യി ഹ​ത​ഭാ​ഗ്യ​യാ​യ ആ ​അ​ഞ്ചു വ​യ​സ്സു​കാ​രി​യും. പു​ത്ത​നു​ടു​പ്പും പു​ത്ത​ൻ ബാ​ഗും കു​ട​യു​മേ​ന്തി സ്കൂ​ളി​ൽ പോ​യി​ത്തു​ട​ങ്ങി​യ കു​ട്ടി.

പൂ​വി​നോ​ടും പൂ​മ്പാ​റ്റ​യോ​ടും ക​ഥ പ​റ​ഞ്ഞ് ന​ട​ന്ന​വ​ൾ. ക്ലാ​സ് മു​റി​യി​ലി​രു​ന്ന് അ​ക്ഷ​ര​ങ്ങ​ൾ എ​ഴു​തി​ത്തു​ട​ങ്ങു​മ്പോ​ഴേ​ക്കും കു​ഞ്ഞു​സ്വ​പ്ന​ങ്ങ​ളെ​ല്ലാം ത​കി​ടം​മ​റി​ച്ച് മ​ല​വെ​ള്ളം അ​വ​ളു​ടെ പ്രാ​ണ​നെ​ടു​ത്തു. ഒ​ന്നും ബാ​ക്കി​വെ​ക്കാ​തെ ഉ​രു​ൾ കു​തി​ച്ചു​പാ​ഞ്ഞ​പ്പോ​ൾ ക​ല്ലി​നും മ​ര​ങ്ങ​ൾ​ക്കു​മൊ​പ്പം ചാ​ലി​യാ​റി​ലൂ​ടെ മൃ​ത​ശ​രീ​ര​മാ​യി കി​ലോ​മീ​റ്റ​റു​ക​ൾ ഒ​ഴു​കാ​നാ​യി​രു​ന്നു വി​ധി. നി​സ്സ​ഹാ​യ​ത​യു​ടെ​യും സ​ങ്ക​ട​ത്തി​ന്റെ​യും നേ​ർ​ക്കാ​ഴ്ച​ക​ളി​ലൊ​ന്ന്.

വ​യ​നാ​ട് ദു​ര​ന്ത​ത്തി​ന്റെ ഇ​ര​ക​ളാ​യ നി​ര​വ​ധി മൃ​ത​ദേ​ഹ​ങ്ങ​ൾ വ​ഹി​ച്ച് ക​ലി​തു​ള്ളി​യൊ​ഴു​കി​യ ചാ​ലി​യാ​ർ ഇ​പ്പോ​ൾ ശാ​ന്ത​മാ​ണ്. ഉ​രു​ൾ​പൊ​ട്ടി രൗ​ദ്ര​ത​യോ​ടെ കു​തി​ച്ചു​പാ​ഞ്ഞ ചാ​ലി​യാ​ർ തീ​ര​ങ്ങ​ളി​ൽ ബാ​ക്കി​യാ​ക്കി​യ​ത് ചെ​രി​പ്പു​ക​ളും ഉ​ടു​പ്പു​ക​ളും വീ​ട്ടു​പ​ക​ര​ണ​ങ്ങ​ളു​മ​ട​ക്കം ഒ​രു നാ​ടി​ന്റെ സ​മ്പാ​ദ്യ​വും ശേ​ഷി​പ്പു​ക​ളു​മാ​ണ്.