വയനാട് ഹർത്താൽ പൂർണം

ക​ൽ​പ​റ്റ: മു​ണ്ട​ക്കൈ ഉ​രു​ൾ​പൊ​ട്ട​ൽ ദു​ര​ന്ത​ബാ​ധി​ത​ർ​ക്ക് സാ​മ്പ​ത്തി​ക​സ​ഹാ​യം ന​ൽ​കാ​ത്ത കേ​ന്ദ്ര​സ​ർ​ക്കാ​ർ നി​ല​പാ​ടി​ൽ പ്ര​തി​ഷേ​ധി​ച്ച് യു.​ഡി.​എ​ഫും എ​ൽ.​ഡി.​എ​ഫും ആ​ഹ്വാ​നം ചെ​യ്ത വ​യ​നാ​ട് ഹ​ർ​ത്താ​ൽ പൂ​ർ​ണം. ക​ട​ക​ൾ അ​ട​ഞ്ഞു​കി​ട​ന്നു. കെ.​എ​സ്.​ആ​ർ.​ടി.​സി ബ​സു​ക​ൾ അ​ട​ക്കം ഓ​ടി​യി​ല്ല. രാ​വി​ലെ നി​ര​ത്തി​ലി​റ​ങ്ങി​യ ചി​ല സ്വ​കാ​ര്യ വാ​ഹ​ന​ങ്ങ​ൾ ഹ​ർ​ത്താ​ൽ അ​നു​കൂ​ലി​ക​ൾ ത​ട​ഞ്ഞു. ദു​ര​ന്ത​മു​ണ്ടാ​യ മേ​പ്പാ​ടി മേ​ഖ​ല​യി​ലും ഹ​ർ​ത്താ​ൽ പൂ​ർ​ണ​മാ​യി​രു​ന്നു. ക​ട​ക​മ്പോ​ള​ങ്ങ​ൾ പൂ​ർ​ണ​മാ​യി അ​ട​ഞ്ഞു​കി​ട​ന്നു. ബ​സും ടാ​ക്സി​യും നി​ര​ത്തി​ലി​റ​ങ്ങി​യി​ല്ല. ചി​ല സ്വ​കാ​ര്യ വാ​ഹ​ന​ങ്ങ​ൾ, വി​നോ​ദ​സ​ഞ്ചാ​രി​ക​ളു​ടെ വാ​ഹ​ന​ങ്ങ​ൾ എ​ന്നി​വ മേ​പ്പാ​ടി ടൗ​ണി​ൽ യു.​ഡി.​എ​ഫ് പ്ര​വ​ർ​ത്ത​ക​ർ ത​ട​ഞ്ഞു.

ദു​ര​ന്തം ന​ട​ന്ന പ്ര​ദേ​ശ​ത്തെ എ​ച്ച്.​എം.​എ​ൽ സെ​ന്റി​ന​ൽ റോ​ക്ക് എ​സ്റ്റേ​റ്റി​ൽ ജോ​ലി ന​ട​ന്നി​ല്ല. എ.​വി.​ടി, പോ​ഡാ​ർ, ചെ​മ്പ്ര, എ​ച്ച്.​എം.​എ​ലി​ന്റെ മ​റ്റ് ഡി​വി​ഷ​നു​ക​ൾ എ​ന്നി​വി​ട​ങ്ങ​ളി​ൽ ജോ​ലി ന​ട​ന്നു​വെ​ങ്കി​ലും ഏ​റെ​യും അ​തി​ഥി തൊ​ഴി​ലാ​ളി​ക​ളാ​യി​രു​ന്നു.

മാ​ന​ന്ത​വാ​ടി​യി​ൽ പ്ര​വ​ർ​ത്തി​ച്ച സ്വ​കാ​ര്യ ബാ​ങ്കു​ക​ൾ സി.​പി.​എം പ്ര​വ​ർ​ത്ത​ക​ർ അ​ട​പ്പി​ച്ചു. അ​തേ​സ​മ​യം, ഉ​രു​ൾ​പൊ​ട്ട​ലി​ന്റെ വ്യാ​പ്തി കു​റ​ച്ചു​കാ​ട്ടു​ന്ന​ത​ര​ത്തി​ലു​ള്ള ബി.​ജെ.​പി നേ​താ​വ് വി. ​മു​ര​ളീ​ധ​ര​ന്റെ പ്ര​സ്താ​വ​ന​ക്കെ​തി​രെ വ​യ​നാ​ട്ടി​ൽ പ്ര​തി​ഷേ​ധം ശ​ക്ത​മാ​യി​ട്ടു​ണ്ട്.